ചൈന: അസാധാരണവും മനുഷ്യത്വരഹിതവുമായ തൊഴിൽ നിയമങ്ങൾ നടപ്പാക്കിയ ചൈനീസ് കമ്പനിക്കെതിരെ രൂക്ഷ വിമർശനം. ഗ്വാങ്‌ഡോംഗ് ആസ്ഥാനമായ മാൻ വാ ഹോൾഡിംഗ്സ് ലിമിറ്റഡ്, ചൈനയിലെ പ്രമുഖ ഹോം ഫർണിഷിംഗ് കമ്പനിയാണ് വിവാദത്തിന് കാരണം. 1992-ൽ സ്ഥാപിതമായ ഈ കമ്പനി ഹോങ്കോംഗ് സ്റ്റോക്ക് എക്സ്ചേഞ്ചിൽ ലിസ്റ്റ് ചെയ്തിട്ടുണ്ട്, ഏകദേശം 27,000 ജീവനക്കാരുമായി പ്രവർത്തിക്കുന്നു.

ജീവനക്കാർ ജോലിസമയത്ത് ഒഴിവുകഴിവുകൾ പറഞ്ഞ് സമയം കളയുന്നു എന്ന കാരണത്താൽ 2025 മെയ് മാസത്തിൽ കമ്പനി കർശന നിയമങ്ങൾ അവതരിപ്പിച്ചു. ശുചിമുറിയിൽ കണ്ണാടി നോക്കുക, മേശപ്പുറത്ത് ലഘുഭക്ഷണം കഴിക്കുക, ക്ലോക്കിൽ സമയം നോക്കുക എന്നിവയ്ക്ക് പിഴ ഈടാക്കുമെന്നും, ഇത്തരം ലംഘനങ്ങൾ കണ്ടെത്തിയാൽ ഓവർടൈം ജോലി ചെയ്യണമെന്നും നിയമം നിഷ്കർഷിക്കുന്നു. ജോലിസമയത്ത് ഗെയിം കളിച്ചാൽ ഉടൻ പിരിച്ചുവിടും.

പിഴത്തുക മാനേജർമാർക്ക് 2,000 യുവാൻ, സൂപ്പർവൈസർമാർക്ക് 1,000 യുവാൻ, അസിസ്റ്റന്റ് മാനേജർമാർക്ക് 500 യുവാൻ എന്നിങ്ങനെയാണ്. മൂന്ന് തവണയിൽ കൂടുതൽ കാരണമില്ലാതെ ലീവെടുത്താൽ പ്രതിമാസ ശമ്പളത്തിൽ 2,000 യുവാൻ കുറയ്ക്കും. ജോലി കഴിഞ്ഞ് കമ്പ്യൂട്ടർ ഓഫ് ചെയ്യാത്തവർക്ക് 100 യുവാൻ പിഴ. ഈ നിയമങ്ങൾ പാലിക്കാൻ തയ്യാറല്ലാത്തവർ രാജിവെക്കണമെന്നും കമ്പനി ആവശ്യപ്പെടുന്നു.

നിയമങ്ങൾ വിവാദമായതോടെ, ചൈനീസ് സോഷ്യൽ മീഡിയയിൽ മാൻ വാ ഹോൾഡിംഗ്സിനെതിരെ വൻ വിമർശനമാണ് ഉയർന്നത്.

Man Wah Holdings Limited, a major Chinese furniture company, faces criticism for strict labor rules. Employees face fines for looking in mirrors, eating snacks at desks, or checking the time, with penalties up to 2,000 yuan for managers. Gaming during work hours leads to dismissal, and frequent unapproved leaves cut salaries. Social media outrage has erupted against the inhumane policies.