മസ്‌കത്ത്: പൊതുജനാരോഗ്യവും മൃഗസംരക്ഷണ സുരക്ഷയും ഉറപ്പാക്കാന്‍, എട്ട് രാജ്യങ്ങളില്‍നിന്നുള്ള പക്ഷികളുടെയും കോഴി ഉല്‍പ്പന്നങ്ങളുടെയും ഇറക്കുമതി ഒമാന്‍ നിരോധിച്ചു. കൃഷി, മത്സ്യബന്ധന, ജലവിഭവ മന്ത്രാലയം പുറപ്പെടുവിച്ച 144/2025 മന്ത്രിതല പ്രമേയം പ്രകാരം, ഏഷ്യ, യൂറോപ്പ്, തെക്കേ അമേരിക്ക, ആഫ്രിക്ക എന്നിവിടങ്ങളിലെ പക്ഷികള്‍, അവയുടെ ഉല്‍പ്പന്നങ്ങള്‍, ഡെറിവേറ്റീവുകള്‍ എന്നിവ രാജ്യത്തേക്ക് ഇറക്കുമതി ചെയ്യുന്നത് വിലക്കി. വെറ്ററിനറി മുന്‍കരുതല്‍ നടപടിയുടെ ഭാഗമായി നിരോധനം ഉടന്‍ പ്രാബല്യത്തില്‍ വരും.

ALSO READ: ഒമാനിൽ ഈ മേഖലയിൽ ജോലി ചെയ്യുന്നവർക്ക് പ്രൊഫഷണൽ അക്രെഡിറ്റേഷൻ നിർബന്ധമാക്കുന്നു; കൂടുതലറിയാം

നിരോധനം ബാധിക്കുന്ന പ്രദേശങ്ങള്‍: ഓസ്‌ട്രേലിയയിലെ വിക്ടോറിയ, ലൈബീരിയയിലെ ബോങ് കൗണ്ടി, തുര്‍ക്കിയിലെ കെയ്‌സേരി, തായ്‌വാനിലെ ചാങ്ഹുവ, ചിയായി, ടൈനാന്‍, യുന്‍ലിന്‍, പോളണ്ടിലെ മസോവിയ, വാര്‍മിയന്‍മസൂറിയ, പോമറേനിയ, ഗ്രേറ്റര്‍ പോളണ്ട്, ബ്രസീലിലെ റിയോ ഗ്രാന്‍ഡെ ഡോ സുള്‍, അല്‍ബേനിയയിലെ ഡൂറസ്, ഫിലിപ്പൈന്‍സിലെ പമ്പംഗ, കാമറൈന്‍സ് സുര്‍.

2004ലെ റോയല്‍ ഡിക്രി 45/2004ലെയും 2008ലെ മന്ത്രിതല പ്രമേയം 107/2008ലെയും നിയമ പ്രകാരമാണ് പുതിയ തീരുമാനം. മൃഗസംരക്ഷണ അതോറിറ്റിയുടെ മാര്‍ഗനിര്‍ദേശങ്ങള്‍ പാലിച്ച്, മൃഗങ്ങളില്‍നിന്ന് പകരുന്ന രോഗങ്ങള്‍ തടയുന്നതിനാണ് നിരോധനം ഏര്‍പ്പെടുത്തിയിരിക്കുന്നത്. ഔപചാരിക ഉത്തരവിലൂടെ നിരോധനം പിന്‍വലിക്കുന്നതുവരെ ഇത് നിലനില്‍ക്കും.

ALSO READ: എസ്എംഎസിലൂടെയും മറ്റും ലഭിക്കുന്ന അനധികൃത ലിങ്കുകളോ വെബ്സൈറ്റുകളോ തുറക്കരുത്; സൈബർ തട്ടിപ്പുകൾക്കെതിരെ മുന്നറിയിപ്പുമായി റോയൽ ഒമാൻ പൊലിസ്

വേള്‍ഡ് ഓര്‍ഗനൈസേഷന്‍ ഫോര്‍ അനിമല്‍ ഹെല്‍ത്തിന്റെ (WOAH) ടെറസ്ട്രിയല്‍ അനിമല്‍ ഹെല്‍ത്ത് കോഡ് പ്രകാരം, ഹീറ്റ് ട്രീറ്റ്‌മെന്റോ സംസ്‌കരണമോ നടത്തിയ പക്ഷി ഉല്‍പ്പന്നങ്ങള്‍ക്കും ഡെറിവേറ്റീവുകള്‍ക്കും ഇളവുകള്‍ ലഭിക്കുമെന്ന് മന്ത്രാലയം വ്യക്തമാക്കി.

Oman has banned the import of poultry products from eight countries due to rising health concerns. The decision aims to prevent the spread of avian diseases and protect public health.