ദോഹ: ഖത്തറില്‍ ഫാമിലി വിസയിൽ കഴിയുന്നവര്‍ക്ക് രാജ്യത്ത് വ്യവസ്ഥകളോടെ തൊഴില്‍ ചെയ്യാൻ നിലവിലെ നിയമങ്ങൾ അനുവദിക്കുന്നുണ്ട്. ഇതിനു ചില നടപടിക്രമങ്ങളും മറ്റും പാലിക്കേണ്ടതുണ്ട്. തൊഴില്‍ മന്ത്രാലയത്തിന്റെ വെബ്സൈറ്റ് വഴിയാണ് ഫാമിലി വിസയിൽ കഴിയുന്നവര്‍ തൊഴില്‍ മേഖലയില്‍ പ്രവേശിക്കാനുള്ള നടപടിക്രമങ്ങൾ പൂര്‍ത്തിയാക്കേണ്ടത്. ഇതുവഴി ഖത്തറിൽ ഫാമിലി വിസയിൽ എത്തിയ ആർക്കും ജോലി ചെയ്യാൻ അനുമതി ലഭിക്കും. ഫാമിലി വിസയിലെത്തി രാജ്യത്ത് കഴിയുന്നവരെ ജോലിക്കെടുക്കാന്‍ സഹായിക്കുകയും വിദേശത്തു നിന്ന് തൊഴിലാളികളെ റിക്രൂട്ട് ചെയ്യുന്നത് എളുപ്പമാക്കുകയും ആണ് പുതിയ സേവനത്തിലൂടെ ലക്ഷ്യമിടുന്നത്. 

എന്താണ് ഫാമിലി റെസിഡൻസ് വിസ

ഖത്തറിൽ ദീർഘകാല താമസത്തിനായി വിദേശ തൊഴിലാളിക്ക് ഭാര്യയും കുട്ടികളും ഉൾപ്പെടെയുള്ള അടുത്ത കുടുംബാംഗങ്ങളെ സ്പോൺസർ ചെയ്യാൻ അനുവദിക്കുന്ന രേഖയാണ് ഫാമിലി റെസിഡൻസ് വിസ. ശിശുക്കൾ ഉൾപ്പെടെ ഓരോ കുടുംബാംഗവും ഖത്തറിൽ താമസിക്കുന്നതിന് വ്യക്തിഗത റെസിഡൻസ് വിസഎടുക്കേണ്ടതുണ്ട്. എന്നാൽ കുടുംബാംഗങ്ങളെ സ്പോൺസർ ചെയ്യാൻ തൊഴിൽ, ശമ്പളം, താമസം തുടങ്ങിയ യോഗ്യതാ ആവശ്യകതകൾ പ്രവാസി തൊഴിലാളി പാലിക്കണം. സാക്ഷ്യപ്പെടുത്തിയ വിവാഹ സർട്ടിഫിക്കറ്റുകൾ, കുട്ടികളുടെ ജനന സർട്ടിഫിക്കറ്റുകൾ എന്നിവയുൾപ്പെടെയുള്ള അവശ്യ രേഖകളും അപേക്ഷകർ സമർപ്പിക്കണം. 

എങ്ങനെ അപേക്ഷിക്കാം

മന്ത്രാലയത്തിന്റെ വെബ്സൈറ്റില്‍ ലേബര്‍ മാര്‍ക്കറ്റ് എന്‍ട്രി സേവനത്തിനുള്ള അപേക്ഷ സമര്‍പ്പിച്ചോ, മന്ത്രാലയത്തില്‍ നിന്ന് പ്രത്യേക വര്‍ക്ക് പെര്‍മിറ്റിന് അപേക്ഷിച്ചോ ആണ് അനുമതി തേടേണ്ടത്. അപേക്ഷിക്കും മുൻപ് താഴെയുള്ള വ്യവസ്ഥകൾ പാലിക്കണം.

* ഖത്തറിലെ ലോക്കൽ

മൊബൈല്‍ ഫോണ്‍ നമ്പര്‍ അപേക്ഷകന്റെ പേരിലായിരിക്കണം

* റെസിഡന്‍സി പെര്‍മിറ്റ് (ഇഖാമ) സാധുവായിരിക്കണം.

* ദേശീയ വിലാസത്തിലുള്ള രജിസ്‌ട്രേഷന്‍ വേണം 

* തൊഴിലുടമ തൊഴില്‍ നിയമം പാലിക്കണം 

 തൊഴിലുടമക്കും തൊഴിലാളിക്കും ഇതിനുള്ള അപേക്ഷ സമര്‍പ്പിക്കാന്‍ കഴിയും. അപേക്ഷ അംഗീകരിക്കുകയോ നിരസിക്കുകയോ ചെയ്യാം. അപേക്ഷ അംഗീകരിക്കപ്പെട്ടാല്‍ കരാര്‍ അംഗീകരിക്കുന്ന പ്രക്രിയ പൂർത്തിയാക്കണം. ഫീസ് അടച്ച ശേഷം ആഭ്യന്തര മന്ത്രാലയത്തിന്റെ അന്തിമ അനുമതി കൂടി തേടണം. ആഭ്യന്തര മന്ത്രാലയമാണ് ഫാമിലി വിസ തൊഴില്‍ വിസയാക്കി മാറ്റാനുള്ള നടപടിക്രമങ്ങള്‍ പൂര്‍ത്തിയാക്കുക.

Click here to apply

Those on family visas in Qatar can work, head of the Employment Contracts Department explains the conditions. Application for a special work permit (sponsorship of their families, Gulf citizen, permanent residence, investor, other)Work Permits Department - Companies (E-Service)