തിരുവനന്തപുരം: കേരള പിഎസ് സി വിവിധ കാറ്റ​ഗറികളിലായി അഭിമുഖങ്ങൾ നടത്തുന്നുണ്ട്. വിദ്യാഭ്യാസ വകുപ്പിലും, സെെനിക ക്ഷേമ വകുപ്പിലും, ഹാർബർ എഞ്ചിനീയറിങ് വകുപ്പിലുമായാണ് ഇന്റർവ്യൂ നടക്കുന്നത്. അതുപോലെ കോ-ഓപ്പറേറ്റീവ് അഗ്രികൾച്ചറൽ ആൻഡ് റൂറൽ ഡെവലപ്മെന്റ് ബാങ്കിൽ ഒഎംആർ പരീക്ഷയും, വാട്ടർ അതോറിറ്റിയിൽ പട്ടികയും പ്രസിദ്ധീകരിച്ചിട്ടുണ്ട്.

അഭിമുഖം

പബ്ലിക് സർവീസ് കമീഷൻ വിവിധ തസ്തികകളിലേക്ക് അഭിമുഖം നടത്തുന്നു. കാസർകോട് ജില്ലയിൽ വിദ്യാഭ്യാസ വകുപ്പിൽ യുപി സ്കൂൾ ടീച്ചർ (മലയാളം മാധ്യമം - കാറ്റഗറി നമ്പർ 707/2023) തസ്തികയിലേക്കുള്ള ആദ്യഘട്ട അഭിമുഖം ജൂൺ 18, 19, 20 തിയതികളിൽ പിഎസ്‍സി കാസർകോട് ജില്ലാ ഓഫീസിൽ വച്ച് നടത്തും. കൂടുതൽ വിവരങ്ങൾ ഉദ്യോഗാർഥികളുടെ പ്രൊഫൈലിൽ ലഭിക്കും.

തിരുവനന്തപുരം ജില്ലയിൽ സൈനികക്ഷേമ വകുപ്പിൽ വെൽഫയർ ഓർഗനൈസർ (വിമുക്തഭടൻമാർ മാത്രം, കാറ്റഗറി നമ്പർ 706/2023) തസ്തികയിലേക്ക് ജൂൺ 26 ന് പിഎസ്‍സി ആസ്ഥാന ഓഫീസിൽ വച്ച് അഭിമുഖം നടത്തും. ഉദ്യോഗാർഥികൾക്കുള്ള പ്രൊഫൈൽ സന്ദേശം, എസ്എംഎസ് എന്നിവ നൽകിയിട്ടുണ്ട്.

ഹാർബർ എഞ്ചിനിയറിങ് വകുപ്പിൽ അസിസ്റ്റന്റ് എഞ്ചിനിയർ (ഇലക്ട്രിക്കൽ , കാറ്റഗറി നമ്പർ 123/2023) തസ്തികയുടെ ആദ്യഘട്ട അഭിമുഖം ജൂൺ 27 ന് പിഎസ്‍സി ആസ്ഥാന ഓഫീസിൽ വച്ച് നടത്തും. ഉദ്യോഗാർഥികൾക്കുള്ള പ്രൊഫൈൽ സന്ദേശം, എസ്എംഎസ് എന്നിവ നൽകിയിട്ടുണ്ട്.

ഒഎംആർ പരീക്ഷ

കേരള സ്റ്റേറ്റ് കോ - ഓപ്പറേറ്റീവ് അഗ്രികൾച്ചറൽ ആൻഡ് റൂറൽ ഡെവലപ്മെന്റ് ബാങ്ക് ലിമിറ്റഡിൽ പ്യൂൺ/റൂം അറ്റൻഡന്റ്/നൈറ്റ് വാച്ച്മാൻ (പാർട്ട് 1, 2) (ജനറൽ, സൊസൈറ്റി കാറ്റഗറി- കാറ്റഗറി നമ്പർ 696/2023, 697/2023) തസ്തികയിലേക്ക് ജൂൺ 25 ന് രാവിലെ 07.15 മുതൽ 09.15 വരെ ഒഎംആർ പരീക്ഷ നടത്തും.

അർഹതാപട്ടിക

കേരള വാട്ടർ അതോറിറ്റിയിൽ ഡിവിഷണൽ അക്കൗണ്ട്സ് ഓഫീസർ (എൻസിഎ) (എൽസി/എഐ, ഒബിസി, മുസ്ലീം, പട്ടികജാതി, ഈഴവ/തിയ്യ/ബില്ലവ, വിശ്വകർമ്മ) (കാറ്റഗറി നമ്പർ 344- 346/2024, 780-783/2024) എന്നീ തസ്തികയിലേക്ക് മുഖ്യപരീക്ഷയ്ക്കുള്ള അർഹതാപട്ടിക പ്രസിദ്ധീകരിക്കും.\

കൂടുതല്‍ തൊഴില്‍ വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

Kerala PSC is conducting interviews across various categories. The interviews are being held in departments such as Education, Sainik Welfare, and Harbour Engineering. Additionally, an OMR exam has been conducted for the Co-operative Agricultural and Rural Development Bank, and a rank list has been published for the Water Authority.