മലപ്പുറം: നിലമ്പൂർ ഉപതെരഞ്ഞെടുപ്പ് വോട്ടെണ്ണൽ അവസാനിച്ചപ്പോൾ ആര്യടാൻ ഷൗക്കത്ത് വിജയിച്ചു. എൽഡിഎഫ് സിറ്റിംഗ് സീറ്റായ നിലമ്പൂർ ഒരു പതിറ്റാണ്ടിന് ശേഷം യുഡിഎഫ് തിരിച്ചുപിടിച്ചു. 8 തവണ തുടർച്ചയായി വിജയിച്ച ആര്യാടൻ മുഹമ്മദിന് ശേഷം അദ്ദേഹത്തിന്റെ മകനും നിലമ്പൂരിൽ നിന്ന് വിജയിച്ച് നിയമസഭയിലേക്ക് എത്തുകയാണ്. ശക്തമായ പോരാട്ടമെന്ന പ്രതീതി പ്രചാരണ സമയത്ത് നിലനിന്നിരുന്നെങ്കിലും അതെല്ലാം വെറുതെയാണെന്നാണ് തുടക്കം മുതലുള്ള ഫലം കാണിക്കുന്നത്. പോസ്റ്റൽ വോട്ടെണ്ണുന്നത് മുതൽ മുന്നിൽ എത്തിയ ഷൗക്കത്തിന് ഒരു ഘട്ടത്തിലും പുറകിൽ പോകേണ്ടി വന്നില്ല. ആകെ 11,077 വോട്ടിന്റെ വൻഭൂരിപക്ഷത്തിലാണ് അദ്ദേഹത്തിന്റെ വിജയം. എൽഡിഎഫിന്റെ എം.സ്വരാജാണ് രണ്ടാം സ്ഥാനത്ത് എത്തിയത്. 

ആകെ 10 സ്ഥാനാർഥികൾ ഏറ്റുമുട്ടിയ ഉപതെരഞ്ഞെടുപ്പിൽ പ്രധാന പാർട്ടികളുടെ സ്ഥാനാർഥികൾക്ക് പുറമെ ആറ് സ്വതന്ത്ര സ്ഥാനാർഥികളും ജനവിധി തേടി. തൃണമൂൽ പിന്തുണയിൽ സ്വതന്ത്രനായി മത്സരിച്ച പി.വി അൻവർ ആണ് സ്വതന്ത്ര സ്ഥാനാർഥികളിൽ ഏറ്റവുമധികം വോട്ടു നേടിയത്. ബിജെപി സ്ഥാനാർഥി മോഹൻ ജോർജ്ജിന് അൻവറിനും താഴെമാത്രമാണ് വോട്ടു ലഭിച്ചത്. 

പ്രധാന സ്ഥാനാർഥികൾ - നേടിയ വോട്ട് 

ആര്യാടൻ ഷൗക്കത്ത് (കോൺഗ്രസ്) - 77,737
എം സ്വരാജ് (സിപിഐഎം) - 66,660
പി.വി അൻവർ (സ്വതന്ത്രൻ) - 9,760
മോഹൻ ജോർജ്ജ് (ബിജെപി) - 8,648

മറ്റു സ്ഥാനാർഥികൾ - നേടിയ വോട്ട്

അഡ്വ.  സാദിഖ് നടുത്തൊടി (എസ്ഡിപിഐ) - 2,075
ഹരിനാരായണൻ (സ്വതന്ത്രൻ) - 185
സതീഷ്കുമാർ ജി. (സ്വതന്ത്രൻ) - 114 
വിജയൻ (സ്വതന്ത്രൻ) - 85 
എൻ. ജയരാജൻ (സ്വതന്ത്രൻ) - 52
പി. രാധാകൃഷ്‌ണൻ നമ്പൂതിരിപ്പാട് (സ്വതന്ത്രൻ) - 43 

നോട്ട (None of the Above) - 630

ALSO READ: 'നിലമ്പൂരിനെ കൈപ്പിടിയിലാക്കി സ്വന്തം ബാപ്പുട്ടി'; ആര്യാടൻ ഷൗക്കത്തിന് വിജയം

ALSO READ: 'ഈ വിജയം ജനങ്ങള്‍ക്ക് സര്‍ക്കാറിനോടുള്ള വെറുപ്പ്' 2026-ല്‍ യുഡിഎഫ് കൊടുങ്കാറ്റ് പോലെ തിരിച്ച് വരുമെന്നും വി.ഡി സതീശന്‍

When the vote counting for the Nilambur by-election concluded, Aryadan Shoukath emerged victorious. Nilambur, a sitting seat of the LDF, was reclaimed by the UDF after a decade. Following in the footsteps of his father, Aryadan Mohammed, who had won the seat eight times consecutively, his son has now secured victory from Nilambur and is entering the Legislative Assembly. Shoukath took the lead right from the counting of postal votes and never had to fall behind at any stage. He won with a massive margin of 11,077 votes. M. Swaraj of the LDF came in second.