കൊച്ചി: ലാസ്റ്റ് ഗ്രേഡ് സർവൻ്റെ് റാങ്ക് ലിസ്റ്റ് കാലാവധി തീരാൻ 25 നാളുകള്‍ മാത്രമിരിക്കെ  കോടതികളിലടക്കം നിയമനങ്ങൾ നടക്കാത്തതിനാൽ  ഉദ്യോഗാർഥികൾ ആശങ്കയിൽ. 

ലാസ്റ്റ് ഗ്രേഡ് റാങ്ക് ലിസ്റ്റിൽ 40 ശതമാനം ഒഴിവുകളും നികത്തപ്പെടുന്നത് കോടതികളിലെ ഒഴിവുകൾ വഴിയാണ്. നിലവിൽ സിവിൽ കോടതികളിൽ നിന്നും പ്രോസസ് സർവർ തസ്തികയിലെ പ്രമോഷൻ ഹൈക്കോടതി തടഞ്ഞിരിക്കുകയാണ്. ഇത് ലാസ്റ്റ് ഗ്രേഡ് നിയമനത്തെ ബാധിക്കുന്നതായി ലാസ്റ്റ് ഗ്രേഡ് റാങ്ക് ഹോള്‍ഡേഴ്‌സ് ഉദ്യാഗാര്‍ഥികള്‍ വാർത്താസമ്മേളനത്തിൽ പറഞ്ഞു. 

കോടതി ഉത്തരവുള്ളതിനാൽ  പ്രോസസ് സര്‍വര്‍ തസ്തിക ഒഴിവുകള്‍ നികത്തുന്നത് താൽക്കാലികമായി നിര്‍ത്തിവച്ചിരിക്കുകയാണ്. ഇതേത്തുടർന്ന് പ്രമോഷനിലൂടെ ഉണ്ടാകേണ്ട ലാസ്റ്റ് ഗ്രേഡ് ഒഴിവുകള്‍ റിപ്പോര്‍ട്ട് ചെയ്തിട്ടുമില്ല. 

2022 ജൂലൈ 18 ന് നിലവിൽ വന്ന റാങ്ക് ലിസ്റ്റ് കാലാവധി വരുന്ന ജൂലൈ 17 ന്  അവസാനിക്കും. അതിന് മുൻപായി വിവിധ വകുപ്പുകളിലെ  ഒഴിവുകൾ റിപ്പോര്‍ട്ട് ചെയ്ത് നിയമനത്തിന് ആവശ്യമായ  നടപടികള്‍ സ്വീകരിക്കണമെന്നാണ് ഇവരുടെ ആവശ്യം. 

ലാസ്റ്റ് ഗ്രേഡ് റാങ്ക് ഹോള്‍ഡേഴ്‌സ് ഉദ്യോഗാര്‍ഥികളുടെ സംസ്ഥാന കമ്മിറ്റി അംഗങ്ങളായ ഡി ജയപ്രകാശ്, വി.എന്‍ അമ്പിളി, എ.എസ് കൃഷ്ണജ, പി.എ പ്രമോദ്, സി.വി പ്രിയ വാർത്താസമ്മേളനത്തില്‍ പങ്കെടുത്തു.

With only 25 days left until the expiration of the Last Grade Servant rank list, candidates are growing anxious due to the slow pace of appointments. Despite the list's impending deadline, numerous positions remain unfilled, and ongoing court cases are further complicating the appointment process. Candidates are eagerly awaiting updates on the appointment schedule to secure their positions ¹.