തെഹ്‌റാന്‍: ഇസ്‌റാഈലിനു നേരെ ഇന്നലെയും ഇറാന്റെ ശക്തമായ മിസൈല്‍ ആക്രമണം. ഇറാന്റെ വജ്രായുധങ്ങളില്‍ ഒന്നായ ഖുറംഷഹര്‍ 4 മിസൈല്‍ (Khorramshahr-4) ഇസ്‌റാഈലിനു നേരെ പ്രയോഗിച്ചതായി ഇറാന്‍ അറിയിച്ചു. ഒന്നിലധികം പോര്‍മുനകളുള്ളതാണ് ഈ മിസൈല്‍. ഇസ്‌റാഈലിന്റെ വ്യോമപ്രതിരോധ സംവിധാനങ്ങളെ കബളിപ്പിച്ച് ഇത് ലക്ഷ്യത്തില്‍ പതിച്ചു. ആണവായുധം വഹിക്കാന്‍ ശേഷിയുള്ളതാണ് ഈ മിസൈല്‍. കഴിഞ്ഞദിവസം മാരക പ്രഹരശേഷിയുള്ള ക്ലസ്റ്റര്‍ ബോംബും ഇസ്‌റാഈലിനു മേല്‍ ഇറാന്‍ പ്രയോഗിച്ചിരുന്നു.

ഖൈബര്‍ മിസൈല്‍ എന്നും ഖുറംഷഹര്‍ 4 മിസൈല്‍ അറിയപ്പെടാറുണ്ട്. ഇറാന്റെ ഏറ്റവും വലിയ റോക്കറ്റായ ഇതിന് 2000 കിലോമീറ്റര്‍ ദൂരം സഞ്ചരിക്കാന്‍ കഴിയും. 1,800 കിലോ പോര്‍മുനകളുമുണ്ട്. വടക്കന്‍ തെല്‍ അവീവിലാണ് മിസൈല്‍ പതിച്ചത്. 11 പേര്‍ക്ക് പരുക്കുണ്ടെന്നാണ് റിപ്പോര്‍ട്ട്. നേരത്തെ 2024 ഏപ്രിലില്‍ സാദിഖ് പ്രൊമിസ് 1ലും ഒക്ടോബറിലെ സാദിഖ് പ്രോമിസ് 2 ലും ഈ മിസൈല്‍ നേരത്തെ ഉപയോഗിച്ചിരുന്നു.

ALSO READ: വെടിനിര്‍ത്തല്‍ പ്രഖ്യാപിച്ചിട്ടും തെഹ്‌റാനില്‍ ഇസ്‌റാഈല്‍ ആക്രമണം; ആദ്യം ഇസ്‌റാഈല്‍ നിര്‍ത്തട്ടെ, എന്നിട്ട് വെടിനിര്‍ത്തലെന്ന് ഇറാന്‍

13 മീറ്റര്‍ ഉയരവും 1.5 മീറ്റര്‍ വ്യാസവുമുള്ളതാണ് ഈ മിസൈല്‍. 20 ടണ്‍ മിസൈലിന് ഭാരമുണ്ട്. യൂറോപ്പിലും ഏഷ്യയിലും എവിടെയും ആക്രമണം നടത്താന്‍ കഴിയും. ഉത്തര കൊറിയയുടെ ഹവാസോങ് 10 മധ്യദൂര മിസൈലിന്റെ രീതിയിലുള്ളതാണിത്. സോവിയേറ്റ് ആര്‍27 മിസൈലിന്റെ പരിഷ്‌കൃത രൂപമാണിത്. 15 മിനുട്ടിനുള്ളില്‍ 80 ടാര്‍ഗറ്റുകള്‍ വരെ കൃത്യമായി ആക്രമിക്കാന്‍ കഴിയും.

ALSO READ: ഖത്തര്‍ വ്യോമപാത വീണ്ടും തുറന്നു; വിമാന സര്‍വിസ് തുടങ്ങി; ആശങ്ക വേണ്ടെന്ന് ആഭ്യന്തര മന്ത്രാലയം; കേരളത്തിലേക്കുള്ള സര്‍വിസ് പുനസ്ഥാപിച്ചു

കഴിഞ്ഞദിവസം മാരക പ്രഹരശേഷിയുള്ള ക്ലസ്റ്റര്‍ ബോംബും ഇസ്‌റാഈലിനു മേല്‍ പ്രയോഗിച്ചതിന് പിന്നാലെയാണ് തങ്ങളുടെ മറ്റൊരു സുപ്രധാന ആയുധവും ഇറാന്‍ എടുത്തുപയോഗിച്ചത്. ആക്രമണത്തിന്റെ എട്ടാം ദിവസത്തിലാണ് ഇറാന്‍ തങ്ങളുടെ ക്ലസ്റ്റര്‍ ബോംബ് പ്രയോഗിച്ചത്. ക്ലസ്റ്റര്‍ബോംബ് നിരോധിക്കാന്‍ നേരത്തെ ലോകം ഒന്നിച്ചപ്പോള്‍ എതിര്‍ത്ത രാജ്യമാണ് ഇസ്‌റാഈല്‍. ഇപ്പോള്‍ അവര്‍ തന്നെ ഇറാന്റെ ക്ലസ്റ്റര്‍ ബോംബിന് ഇരയാകുകയും ചെയ്തു. ഇറാന്‍ ക്ലസ്റ്റര്‍ ബോംബ് ഉപയോഗിച്ചത് ഇസ്‌റാഈല്‍ സൈന്യം സ്ഥിരീകരിച്ചിട്ടുണ്ട്.

ഇസ്‌റായേലില്‍ പ്രയോഗിച്ച ക്ലസ്റ്റര്‍ ബോംബ് അന്തരീക്ഷത്തിന്റെ ഏഴ് കി.മി ഉയരത്തില്‍വച്ച് പൊട്ടി 20 ചെറുബോംബുകളായി മധ്യ ഇസ്‌റാഈലിന്റെ എട്ടു കിലോമീറ്റര്‍ വ്യാപ്തിയില്‍ വീണു എന്നാണ് ഇസ്‌റാഈല്‍ സൈന്യം പറയുന്നത്. മധ്യ ഇസ്‌റാഈല്‍ ടൗണിലെ അസോറില്‍ ഇതിലൊന്ന് വീണ് നാശനഷ്ടമുണ്ടായി. പൊട്ടാതെ കിടക്കുന്ന ബോംബുകളെ കുറിച്ച് ഇസ്‌റാഈല്‍ സൈന്യം മുന്നറിയിപ്പ് നല്‍കിയിട്ടുണ്ട്.

ALSO READ: അന്ന് സദ്ദാംവിരുദ്ധ വികാരം പ്രചരിപ്പിക്കാന്‍ യു.എസ് പറഞ്ഞതുപോലുള്ള കള്ളം ഇപ്പോഴും നാം വിശ്വസിക്കണേ? യു.എന്‍ രക്ഷാസമിതിയില്‍ ഇറാനു വേണ്ടി വാദിച്ച് റഷ്യ

കൂടുതല്‍ ആള്‍നാശം വരുത്താനാണ് ക്ലസ്റ്റര്‍ ബോംബുകള്‍ ഉപയോഗിക്കുന്നത്. ഒരു മിസൈല്‍ ഭൂമിയിലെത്തുംമുന്‍പ് പൊട്ടി അതില്‍ നിന്ന് നൂറുകണക്കിന് ചെറു ബോംബുകള്‍ ചിതറി വലിയ വ്യാപ്തിയില്‍ സ്‌ഫോടനം ഉണ്ടാക്കുന്നതാണ് ക്ലസ്റ്റര്‍ ബോംബുകള്‍. ഇവ കര, ആകാശം, സമുദ്രോപരിതലം എന്നിവിടങ്ങളില്‍ നിന്ന് ഉപയോഗിക്കാനാകും. രണ്ടായിരത്തോളം ചെറുബോംബുകള്‍ ഒരു ക്ലസ്റ്റര്‍ബോംബില്‍ ഉള്‍ക്കൊള്ളിക്കാനാകും. ഇതില്‍ 40 ശതമാനം വരെ പൊട്ടാതെ ഭൂമിയില്‍ വീഴും. ഇവയെ ബോംബ് ലെറ്റുകള്‍ എന്നാണ് വിളിക്കുന്നത്. ഇവ കുഴിബോംബുകള്‍ക്ക് സമാനമാണ്. മനുഷ്യര്‍ക്കും ജീവജാലങ്ങള്‍ക്കും ഭീഷണിയാണ്. ഇത്തരം ബോംബുകള്‍ പിന്നീട് കണ്ടെത്തി നിര്‍വീര്യമാക്കലും ദുഷ്‌കരമായ പ്രവൃത്തിയാണ്. കൂടാതെ ചെലവേറിയതും. യുദ്ധത്തില്‍ തകര്‍ന്ന രാജ്യത്തിന് അത് വലിയ ബാധ്യതയുമാണ്.

അതേസമയം, ക്ലസ്റ്റര്‍ ബോംബും  ഖുറംഷഹര്‍ 4 മിസൈലും ഉപയോഗിച്ച് ഇറാന്‍ ശക്തമായി തിരിച്ചടിച്ചതോടെ യുദ്ധം എത്രയും വേഗം അവസാനിപ്പിക്കണമെന്ന് ഇന്നലെ ഇസ്‌റാഈല്‍ ആവശ്യപ്പെട്ടിരുന്നു. യു.എസ് കഴിഞ്ഞദിവസം ഇറാനില്‍ ബോംബിട്ടതോടെ ഇസ്‌റാഈലില്‍ എല്ലാ വിമാനത്താവളങ്ങളും അടച്ചിട്ടുണ്ട്. വിദ്യാഭ്യാസ സ്ഥാപനങ്ങള്‍ക്കും ഓഫിസുകള്‍ക്കും അവധി നല്‍കി. ജനങ്ങളോട് ബങ്കറില്‍ കഴിയാന്‍ നിര്‍ദേശിച്ചിരിക്കുകയാണ് സൈന്യം.

Iran has used its biggest missile capable of carrying the heaviest payload in its attacks on Israel, hours after US bomber jets struck three nuclear facilities that are believed to be nurturing Tehran's nuclear ambitions. The Iranian state TV aired footage of what appeared to be file footage of the Khorramshahr-4 missile.