ആന്ധ്രാപ്രദേശ്: ആന്ധ്രാപ്രദേശിലെ നെല്ലൂർ ജില്ലയിൽ ആദിവാസി പെൺകുട്ടിക്കെതിരെ ക്രൂരത. മോഷണക്കുറ്റം ആരോപിച്ച് പത്തു വയസ്സുള്ള പെൺകുട്ടിയെ ചൂടുള്ള ചട്ടുകം ഉപയോഗിച്ച് മുഖത്തും ശരീരത്തിന്റെ വിവിധ ഭാഗങ്ങളിലും പൊള്ളലേൽപ്പിച്ചു. സംഭവത്തിൽ ഗുരുതരമായി പൊള്ളലേറ്റ കുട്ടി നിലവിൽ സുഖം പ്രാപിച്ചു വരികയാണ്. സംഭവത്തിൽ അഞ്ച് പേർ അറസ്റ്റിലായി. 

അയൽക്കാരന്റെ മൊബൈൽ ഫോൺ കാണാതായതിന് പിന്നാലെ പെൺകുട്ടിയുടെ ബന്ധുവും അയൽക്കാരും ചേർന്ന് ഒരു ജ്യോത്സന്റെ നിർദ്ദേശപ്രകാരം കുട്ടിയെ പീഡിപ്പിച്ചു എന്നാണ് പറയുന്നത്. എന്നാൽ ഫോൺ മോഷ്ടിച്ചിട്ടില്ലെന്ന് പറഞ്ഞിട്ടും അവർ കേട്ടില്ല എന്നായിരുന്നു പെൺക്കുട്ടി പറഞ്ഞത്. പെൺകുട്ടിയുടെ നിലവിളി കേട്ട് അയൽക്കാർ ഓടിയെത്തിയതിന് പിന്നാലെയാണ് സംഭവം പുറത്തറിഞ്ഞത്. നാട്ടുകാർ സംഭവം അറിഞ്ഞ ഉടൻ തന്നെ പൊലിസിൽ വിവരം അറിയിക്കുകയും പെൺകുട്ടിയെ സർക്കാർ ആശുപത്രിയിൽ എത്തിക്കുകയും ആയിരുന്നു. 

 സംഭവത്തിൽ പ്രതികൾക്കെതിരെ വിവിധ വകുപ്പുകൾ പ്രകാരം കേസുകൾ രേഖപ്പെടുത്തി. ആന്ധ്രപ്രദേശിലെ വനിത കമ്മീഷൻ ചെയർപേഴ്സൺ ഷൈലജ റായപതി നെല്ലൂരിലെ അപ്പോള ആശുപത്രിയിൽ പെൺകുട്ടിയെ സന്ദർശിക്കാൻ എത്തുകയും ചെയ്തു. കുട്ടിയുടെ കുടുംബാങ്ങൾക്കൊപ്പം നിൽക്കുമെന്നും വനിതാ കമ്മീഷൻ വ്യക്തമാക്കി.

Tribal girl burnt to death with shovel in Andhra Pradesh on theft charges