ദോഹ: യുഎഇ പ്രസിഡന്റ് ഷെയ്ഖ് മുഹമ്മദ് ബിന്‍ സായിദ് അല്‍ നഹ്യാന്‍ ഖത്തര്‍ സന്ദര്‍ശനത്തിനായി ബുധനാഴ്ച ദോഹയിലെത്തി. ഇറാനും ഇസ്‌റാഈലും തമ്മിലുള്ള പ്രാദേശിക സംഘര്‍ഷത്തിന്റെയും ഈ ആഴ്ച ആദ്യം ഖത്തറിലെ യുഎസ് വ്യോമതാവളത്തിന് നേരെയുണ്ടായ ആക്രമണത്തിന്റെയും പശ്ചാത്തലത്തിലാണ് യുഎഇ പ്രസിഡന്റിന്റെ സന്ദര്‍ശനം .

ALSO READ: ഒമാന്‍ ഒഴികെയുള്ള ഗള്‍ഫ് രാജ്യങ്ങളില്‍ ഇന്ന് മുഹറം ഒന്ന്

ഹമദ് അന്താരാഷ്ട്ര വിമാനത്താവളത്തിലെത്തിയ യുഎഇ പ്രസിഡന്റിനെയും പ്രതിനിധി സംഘത്തെയും ഖത്തര്‍ അമീര്‍ ഷെയ്ഖ് തമീം ബിന്‍ ഹമദ് അല്‍ താനി സ്വീകരിച്ചു.

ഖത്തര്‍ അമീറിന്റെ പ്രതിനിധി ഷെയ്ഖ് ജാസിം ബിന്‍ ഹമദ് അല്‍ താനി, പ്രധാനമന്ത്രിയും വിദേശകാര്യ മന്ത്രിയുമായ ഷെയ്ഖ് മുഹമ്മദ് ബിന്‍ അബ്ദുള്‍റഹ്മാന്‍ ബിന്‍ ജാസിം അല്‍ താനി, ഉപപ്രധാനമന്ത്രിയും പ്രതിരോധ സഹമന്ത്രിയുമായ ഷെയ്ഖ് സൗദ് ബിന്‍ അബ്ദുള്‍റഹ്മാന്‍ അല്‍ താനി, ആഭ്യന്തര മന്ത്രിയും ആഭ്യന്തര സുരക്ഷാ സേന കമാന്‍ഡറുമായ ഷെയ്ഖ് ഖലീഫ ബിന്‍ ഹമദ് അല്‍ താനി, നിരവധി ഷെയ്ഖുമാര്‍, മുതിര്‍ന്ന ഖത്തരി ഉദ്യോഗസ്ഥര്‍ എന്നിവരും ഷെയ്ഖ് മുഹമ്മദിനെ സ്വീകരിക്കാന്‍ വിമാനത്താവളത്തില്‍ സന്നിഹിതരായിരുന്നു.

യുഎഇ പിന്തുണ

തിങ്കളാഴ്ച അല്‍ ഉദൈദ് വ്യോമതാവളത്തിന് നേരെയുണ്ടായ ആക്രമണത്തിന് പിന്നാലെ യുഎഇ ആക്രമണത്തെ ശക്തമായി അപലപിച്ചിരുന്നു. ഖത്തറിന്റെ പരമാധികാരത്തിന്റെയും വ്യോമാതിര്‍ത്തിയുടെയും മേലുള്ള കടന്നുകയറ്റമാണിതെന്നും ഇത് അന്താരാഷ്ട്ര നിയമത്തിന്റെയും യുഎന്‍ ചാര്‍ട്ടറിന്റെയും വ്യക്തമായ ലംഘനമാണെന്നും യുഎഇ പറഞ്ഞിരുന്നു.

ALSO READ: ഖത്തറിന് ലോക രാജ്യങ്ങളുടെ പിന്തുണയും ഐക്യദാര്‍ഢ്യവും

ഖത്തറുമായുള്ള യുഎഇയുടെ പൂര്‍ണ ഐക്യദാര്‍ഢ്യവും പൗരന്മാരുടെയും താമസക്കാരുടെയും സുരക്ഷ ഉറപ്പാക്കാന്‍ ലക്ഷ്യമിട്ടുള്ള എല്ലാ നടപടികള്‍ക്കും യുഎഇയുടെ അചഞ്ചലമായ പിന്തുണയും വിദേശകാര്യ മന്ത്രാലയം (MoFA) അറിയിച്ചിരുന്നു.

UAE President Sheikh Mohamed bin Zayed Al Nahyan arrived in Doha for a crucial meeting with Qatari Emir Sheikh Tamim bin Hamad Al Thani. The leaders discussed bilateral ties, regional cooperation, and future strategic partnerships.