ദുബൈ: യുഎഇയുടെ നാഫിസ് സ്വദേശിവല്‍ക്കരണ പദ്ധതിയുടെ 1% അര്‍ധ വാര്‍ഷിക ലക്ഷ്യം പൂര്‍ത്തിയാക്കാന്‍ 4 ദിവസം മാത്രം ബാക്കി. ജൂണ്‍ 30ന് സമയപരിധി അവസാനിക്കുന്നതോടെ, സ്വദേശിയെ നിയമിക്കാത്ത കമ്പനികള്‍ക്കെതിരെ മാനവശേഷി, സ്വദേശിവല്‍ക്കരണ മന്ത്രാലയം കര്‍ശന നടപടി സ്വീകരിക്കും. ജൂലൈ 1 മുതല്‍ പരിശോധനകള്‍ ശക്തമാക്കുമെന്നും മന്ത്രാലയം അറിയിച്ചു. പരിശോധനകള്‍ ശക്തമാക്കുന്നതോടെ നിലവില്‍ ജോലി ചെയ്തുകൊണ്ടിരിക്കുന്ന പ്രവാസികളില്‍ പലര്‍ക്കും ജോലി നഷ്ടപ്പെടാനുള്ള സാധ്യതയുണ്ട്.

ALSO READ: യുകെയിലെ പിസ്സ ഡെലിവറി ബോയ് യുഎഇയിലൊരു സാമ്രാജ്യം പണിത കഥ; ആരെയും പ്രചോദിപ്പിക്കുന്ന ജേസന്റെ ജീവിതം

നിയമലംഘനത്തിന് ആദ്യ തവണ 1 ലക്ഷം ദിര്‍ഹവും രണ്ടാം തവണ 3 ലക്ഷം ദിര്‍ഹവും മൂന്നാം തവണ 5 ലക്ഷം ദിര്‍ഹവും പിഴ ചുമത്തും. 2022 മുതല്‍ 2025 ഏപ്രില്‍ വരെ 2,200 കമ്പനികള്‍ക്കെതിരെ നടപടി സ്വീകരിച്ചതായി മന്ത്രാലയം വ്യക്തമാക്കി. 50ലധികം ജീവനക്കാരുള്ള കമ്പനികള്‍ വര്‍ഷത്തില്‍ 2% സ്വദേശിവല്‍ക്കരണം നടപ്പാക്കണം. ഇതിന്റെ 1% ജൂണ്‍, ഡിസംബര്‍ മാസങ്ങളില്‍ പൂര്‍ത്തിയാക്കണം.

2026ഓടെ 10% സ്വദേശിവല്‍ക്കരണം എന്ന നാഫിസ് ലക്ഷ്യത്തിന്റെ ഭാഗമായി ഈ വര്‍ഷം ഡിസംബറോടെ 8% സ്വദേശിവല്‍ക്കരണം പൂര്‍ത്തിയാക്കണം. ഏപ്രില്‍ വരെയുള്ള കണക്കുകള്‍ പ്രകാരം, 28,000 സ്വകാര്യ കമ്പനികളിലായി 1.41 ലക്ഷം സ്വദേശികള്‍ ജോലി ചെയ്യുന്നു.

ALSO READ: റാസല്‍ഖൈമയില്‍ ഉണ്ടൊരു നെല്‍ കര്‍ഷകന്‍: പ്രതിവര്‍ഷം ഉല്‍പ്പാദിപ്പിക്കുന്നത് 60 കിലോഗ്രാം നെല്ല്; നെല്‍പ്പാടത്ത് ഇന്ത്യയുടെ 'ബസുമതിയും'

ലക്ഷ്യം കൈവരിക്കുന്ന കമ്പനികള്‍ക്ക് സര്‍ക്കാര്‍ സേവന ഫീസില്‍ 80% ഇളവും ടെന്‍ഡറുകളില്‍ മുന്‍ഗണനയും ലഭിക്കും. നിയമലംഘനം 600 590000 എന്ന നമ്പറിലോ MOHRE ആപ്പ് വഴിയോ റിപ്പോര്‍ട്ട് ചെയ്യാമെന്ന് മന്ത്രാലയം അറിയിച്ചു.

With just four days left to meet the semi-annual Saudization target, expatriates face uncertainty and job pressure. The intensified push for workforce nationalization signals a major challenge for foreign workers across key sectors.