ലണ്ടൻ: ഇംഗ്ലണ്ടിനെതിരായ ഒന്നാം ടെസ്റ്റിൽ ഇന്ത്യയുടെ തോൽവിക്ക് പ്രധാന കാരണം ടീം സെലക്ഷനിലെ പിഴവുകളാണെന്ന് മുൻ ഇംഗ്ലണ്ട് താരം സ്റ്റുവർട്ട് ബ്രോഡ്. ഷാർദുൽ താക്കൂറിന് പകരം സ്പിന്നർ കുൽദീപ് യാദവിനെ ഉൾപ്പെടുത്തിയിരുന്നെങ്കിൽ മത്സരത്തിന്റെ അവസാന രണ്ട് ദിവസങ്ങളിൽ കുൽദീപിന് നിർണായക പങ്ക് വഹിക്കാൻ കഴിയുമായിരുന്നുവെന്ന് ബ്രോഡ് അഭിപ്രായപ്പെട്ടു. രണ്ടാം ടെസ്റ്റിൽ ജസ്പ്രീത് ബുമ്രയ്ക്ക് വിശ്രമം നൽകുകയാണെങ്കിൽ, പകരം അർഷദീപ് സിംഗിനെ കളിപ്പിക്കണമെന്നും ബ്രോഡ് നിർദേശിച്ചു.

നേരത്തെ, ടെസ്റ്റിൽ ഇന്ത്യക്കാണ് മുൻതൂക്കമെന്ന് ബ്രോഡ് വ്യക്തമാക്കിയിരുന്നു. ടെസ്റ്റിന്റെ നാലാം ദിവസം, അഞ്ചാം ദിവസത്തെ പിച്ചിൽ ഇന്ത്യക്ക് 10 വിക്കറ്റുകൾ മാത്രം എടുത്താൽ മത്സരം ജയിക്കാൻ കഴിയുമെന്ന് അദ്ദേഹം പറഞ്ഞിരുന്നു. "പുതിയ പന്തിൽ ഇന്ത്യ ഉയർത്തുന്ന വെല്ലുവിളി മറികടക്കുക എന്നത് ഇംഗ്ലണ്ടിന് നിർണായകമാണ്. അഞ്ചാം ദിവസത്തെ പിച്ചിൽ ഇന്ത്യക്കാണ് കൂടുതൽ സാധ്യത. 10 ക്യാച്ചുകൾ എടുക്കാൻ കഴിഞ്ഞാൽ ഇന്ത്യക്ക് വിജയിക്കാം," ബ്രോഡ് സ്കൈ സ്പോർട്സിനോട് പറഞ്ഞു.

അതേസമയം, രണ്ടാം ടെസ്റ്റിൽ കുൽദീപ് യാദവിനെ പ്ലേയിംഗ് ഇലവനിൽ ഉൾപ്പെടുത്തണമെന്ന് മുൻ ഇംഗ്ലീഷ് സ്പിന്നർ മോണ്ടി പനേസറും ആവശ്യപ്പെട്ടു. ജൂലൈ 2 മുതൽ ബർമിങ്ഹാമിലെ എഡ്ജ്ബാസ്റ്റണിൽ നടക്കുന്ന രണ്ടാം ടെസ്റ്റിൽ ഇന്ത്യ രണ്ട് സ്പിന്നർമാരെ കളിപ്പിക്കണമെന്നാണ് പനേസറിന്റെ അഭിപ്രായം. "എഡ്ജ്ബാസ്റ്റണിലെ പിച്ച് പരമ്പരാഗതമായി സ്പിന്നർമാർക്ക് അനുകൂലമാണ്. ഈ സാഹചര്യത്തിൽ, രവീന്ദ്ര ജഡേജയെ ഒഴിവാക്കിയാലും കുൽദീപ് യാദവിനെ കളിപ്പിക്കുന്നത് ഇന്ത്യയുടെ എക്സ്-ഫാക്ടറാകും," പനേസർ പറഞ്ഞു. എന്നാൽ, ഇന്ത്യ ഒരു സ്പിന്നർ മാത്രമേ കളിപ്പിക്കാൻ സാധ്യതയുള്ളൂവെന്നതിനാൽ, ജഡേജയും രണ്ടാം ടെസ്റ്റിൽ കളിക്കുമെന്നാണ് താൻ കരുതുന്നതെന്നും പനേസർ കൂട്ടിച്ചേർത്തു.

Former England cricketer Stuart Broad blamed India's loss in the first Test against England on poor team selection, suggesting spinner Kuldeep Yadav should have played instead of Shardul Thakur. Broad believes Kuldeep could have been crucial in the final days. He also recommended Arshdeep Singh as a replacement if Jasprit Bumrah is rested for the second Test. Similarly, ex-England spinner Monty Panesar urged India to include Kuldeep in the second Test at Edgbaston, starting July 2, citing the pitch's spin-friendly nature. Panesar suggested playing two spinners, with Kuldeep as a potential game-changer, though he expects Ravindra Jadeja to also feature.