ചര്‍മ സംരക്ഷണം ആരും നിസാരമായി കാണാറില്ല. കൃത്യമായ ചര്‍മ സംരക്ഷണം ചര്‍മത്തെ വൃത്തിയുള്ളതും ആരോഗ്യത്തോടെയും ഇരിക്കാന്‍ സഹായിക്കും. എന്നാല്‍ സോഷ്യല്‍ മിഡിയയില്‍ ട്രന്‍ഡായിരിക്കുകയാണ് ഐസിങ് യുവര്‍ ഫേസ് അഥവാ മുഖത്ത് ഐസ് വയ്ക്കുന്നതും ഐസ് വാട്ടര്‍ കൊണ്ട് മുഖം കഴുകുന്നതും. മുഖക്കുരുവിനും വീര്‍ത്ത കണ്ണുകള്‍ക്കും മറ്റു ചര്‍മ പ്രശ്‌നങ്ങള്‍ക്കും ഇവ സഹായിക്കുമെന്ന് ചിലര്‍ അഭിപ്രായപ്പെട്ടിരുന്നു.

ഫേഷ്യല്‍ ഐസിങ് ഫലപ്രദമാണെന്ന് പലരും വിശ്വസിക്കുകയും ചെയ്യുന്നു. ഇത് മുഖചര്‍മത്തിന് നല്ലതാണെന്ന് ശാസ്ത്രീയമായി തെളിവൊന്നുമില്ല. എന്നാലും രാവിലെ എഴുന്നേറ്റ് ഉടനെ നല്ല തണുത്ത വെള്ളത്തില്‍ മുഖം കഴുകിയാല്‍ നല്ല ഉന്‍മേഷമുണ്ടാവും. ഐസ് പാക്കുകള്‍ വയ്ക്കുന്നത് പേശികളുടെ വിശ്രമിത്തിനു സഹായിക്കുന്നതാണെന്ന് ആരോഗ്യവിദഗ്ധരും പറയുന്നുണ്ട്. 

 

എങ്ങനെയാണ് മുഖത്ത് ഐസ് വയ്ക്കുന്നത് 

മുഖത്ത് ഐസ് വയ്‌ക്കേണ്ടത് എങ്ങനെയാണെന്ന് പലര്‍ക്കും അറിയില്ല. ഐസ്‌ക്യൂബ്‌സ് എടുത്ത് നേരിട്ടങ്ങ് മുഖത്തു വയ്ക്കുന്നവരാണ് നമ്മള്‍. ഇങ്ങനെ ഒരിക്കലും ചെയ്യരുത്. ഇത് തികച്ചും തെറ്റായ രീതിയാണ്. 

നിങ്ങള്‍ നല്ല വൃത്തിയുള്ള മൃദുവായ ഒരു കോട്ടണ്‍  തുണിയില്‍ ഐസ് ക്യൂബുകള്‍ പൊതിയുക. 
എന്നിട്ട് അത് ശരിയായ വിധത്തില്‍ കൈയില്‍ പിടിക്കുക. ഒന്നോ രണ്ടോ മിനിറ്റ് സാവധാനം വൃത്താകൃതിയില്‍ മസാജ് ചെയ്യുക. 
തുടര്‍ച്ചയായി ഐസ് ചര്‍മത്തിലുരസിയാല്‍ ചര്‍മപ്രകോപനം ഉണ്ടാവും. അതുകൊണ്ട് തന്നെ രണ്ടു മിനിറ്റില്‍ കൂടുതല്‍ ഐസ് ചര്‍മത്തില്‍ നേരിട്ട് സ്പര്‍ശിക്കാതിരിക്കുക. 

ഇത് ദിവത്തില്‍ ഒരിക്കലേ ചെയ്യാനും പൂടുള്ളൂ... 

 

 

 

ALSO READ: ഗ്ലൂട്ടത്തയോണ്‍ ഗുളികയാണോ നിങ്ങള്‍ കഴിക്കുന്നത്...? പകരം ശരീരത്തിലെ ചുളിവുകളും പിഗ്മെന്റേഷനുകളും മാറാന്‍ ഗ്ലൂട്ടത്തയോണ്‍ അടങ്ങിയ ഈ ഭക്ഷണങ്ങള്‍ കഴിക്കൂ

താടിയെല്ലിലും കവിളിലും ചുണ്ടുകളിലും നെറ്റിയിലുമൊക്കെ ചെയ്യാം. 

ഐസ് വയ്ക്കുന്ന ട്രേ നല്ല വൃത്തിയായി കഴുകി സൂക്ഷിക്കണം. ഓരോ ഉപയോഗ ശേഷവും വൃത്തിയാക്കുക. ഐസിങ് ചെയ്യുന്നതിനു മുമ്പ് മുഖം കഴുകുക. അധികമുള്ള വെള്ളം വൃത്തിയുള്ള ടവല്‍ കൊണ്ട് തുടച്ചുമാറ്റുക. അല്ലെങ്കില്‍ താനെ ഉണങ്ങാന്‍ വിടുക. 

എന്തുകൊണ്ടാണ് ഐസ് ഫേഷ്യലുകള്‍ ട്രന്‍ഡാകുന്നത് ?

ഇതിനു നിരവധി കാരണങ്ങളുണ്ട്. ഇത് നമുക്ക് വീട്ടില്‍ തന്നെ ചെയ്യാവുന്നതാണ്. പ്രകൃതിദത്തവും രാസവസ്തുക്കളുമില്ല എന്നതും സോഷ്യല്‍മീഡിയ ട്രന്‍ഡായതുമൊക്കെ കാരണമാകുന്നു. 

 

അപകടസാധ്യതകള്‍

ഐസ് ചര്‍മത്തില്‍ നേരിട്ട് പുരട്ടിയാല്‍ ഇതിലെ തണുപ്പ് ചര്‍മത്തിന്റെ ബാരിയറുകള്‍ നശിപ്പിക്കുകയും ചര്‍മത്തിന് അസ്വസ്ഥത ചുവന്നു തടിക്കല്‍, വരള്‍ച്ച, ഐസ് ബേണ്‍, മരവിപ്പ്, നാഡിക്ഷതം എന്നിവയ്ക്കു കാരണമാകുന്നു. ഇത് അധിക നേരം മുഖത്തു വയ്ക്കുന്നത് ഫ്രോസ്റ്റ്‌ബൈറ്റിനും കാരണമാകും.  മാത്രമല്ല, പ്രമേഹമുള്ളവരും മറ്റു ആരോഗ്യപ്രശ്‌നങ്ങളുള്ളവരുമൊക്കെ ഫേഷ്യല്‍ ഐസിങ് ഒഴിവാക്കുകയാണ് നല്ലത്. 

ഗുണങ്ങള്‍

മുഖത്തുണ്ടാകുന്ന വീക്കവും പ്രത്യേകിച്ച് കണ്ണുകള്‍ക്ക് ചുറ്റുമുള്ള ഭാഗം കുറയ്ക്കുകയും ചര്‍മസുക്ഷിരങ്ങള്‍ കുറയ്ക്കുകയും മുഖക്കുരു ഇല്ലാതാവാന്‍ സഹായിക്കുകയും ചെയ്യുന്നു. എണ്ണയുടെ അമിത ഉല്‍പാദനവും കുറയ്ക്കും. കരിവാളിപ്പ് കുറയ്ക്കുന്നു. ചുളിവുകള്‍ കുറയ്ക്കുന്നു. ചര്‍മത്തിന്റെ തിളക്കം വര്‍ധിപ്പിക്കുന്നു. 

 

 

Facial icing, or applying ice or washing the face with ice-cold water, is a growing trend on social media. Some people claim it helps with acne, puffiness, and other skin issues. While many believe in its benefits, there is limited scientific evidence to prove its effectiveness for skin health.