വെസ്റ്റ് ഇൻഡീസിനെതിരായ മൂന്ന് ടെസ്റ്റ് മത്സരങ്ങളുടെ പരമ്പരയിലെ ആദ്യ മത്സരത്തിൽ 159 റൺസിന്റെ കൂറ്റൻ വിജയമാണ് ഓസ്ട്രേലിയ സ്വന്തമാക്കിയിരുന്നത്. ഓസ്ട്രേലിയ ഉയർത്തിയ 301 റൺസ് പിന്തുടർന്നിറങ്ങിയ വിൻഡീസ് 141 റൺസിന് പുറത്താക്കുകയായിരുന്നു. മത്സരത്തിൽ ഓസ്ട്രേലിയയുടെ ബൗളിങ് നിരയിൽ ജോഷ് ഹേസൽവുഡ് മികച്ച പ്രകടനമാണ്‌ പുറത്തെടുത്തത്. താരത്തിന്റെ ഈ പ്രകടനങ്ങളെ കുറിച്ച് ഓസ്ട്രേലിയൻ നായകൻ പാറ്റ് കമ്മിൻസ് പ്രശംസിച്ചുകൊണ്ട് സംസാരിച്ചിരുന്നു.

"മത്സരത്തിൽ ഞങ്ങൾക്ക് 200 റൺസ് നേടണമെന്ന് ആഗ്രഹം ഉണ്ടായിരുന്നു. എന്നാൽ ഞങ്ങൾ 300 റൺസ് നേടിയതോടെ ഞങ്ങൾക്ക് കാര്യങ്ങൾ കുറച്ചുകൂടി എളുപ്പമായി. ജോഷിനെ പോലെ ഒരു താരത്തെ ഞങ്ങൾക്ക് ലഭിച്ചത് ഭാഗ്യമായി കരുതുന്നു. അദ്ദേഹം മികച്ച രീതിയിലാണ് പന്തെറിഞ്ഞത് " പാറ്റ് കമ്മിൻസ് പറഞ്ഞു.

മത്സരത്തിൽ രണ്ട് ഇന്നിങ്സുകളിലുമായി ഏഴു വിക്കറ്റുകളാണ് ഹെസൽവുഡ് സ്വന്തമാക്കിയത്. ആദ്യ ഇന്നിങ്സിൽ 18 ഓവറിൽ മൂന്നു മെയ്ഡൻ ഉൾപ്പെടെ 41 റൺസ് വിട്ടുനൽകിയാണ് ഹേസൽവുഡ് രണ്ട് വിക്കറ്റുകൾ നേടിയത്. രണ്ടാം ഇന്നിങ്സിൽ അഞ്ച് വിക്കറ്റുകൾ നേടിയാണ് ഓസ്ട്രേലിയൻ താരം തിളങ്ങിയത്. 12 ഓവറിൽ മൂന്ന് മെയ്ഡ് ഉൾപ്പെടെ വെറും 43 റൺസ് മാത്രം വിട്ടു നൽകിയാണ് താരം അഞ്ച് വിക്കറ്റുകൾ വീഴ്ത്തിയത്. താരത്തിന്റെ ഈ മിന്നും പ്രകടനം വരാനിരിക്കുന്ന ടെസ്റ്റ് മത്സരത്തിലും ആവർത്തിക്കും എന്നാണ് പ്രതീക്ഷിക്കുന്നത്.

Australian captain Pat Cummins has praised Josh Hazlewood for his brilliant performance in the first Test of the three-match series against the West Indies.