കുവൈത്ത് സിറ്റി: ട്രാഫിക് നിയമത്തിലെ എക്സിക്യൂട്ടീവ് ചട്ടങ്ങളിലെ 207, 209 വകുപ്പുകൾ നടപ്പിലാക്കാൻ ആരംഭിച്ച് ജനറൽ ട്രാഫിക് വകുപ്പ്. നിയമപ്രകാരം, ഗതാഗത തടസ്സം സൃഷ്ടിക്കുന്ന വാഹനങ്ങൾ രണ്ട് മാസം വരെ കണ്ടുകെട്ടാൻ അനുവാദമുണ്ട്. ചില ഡ്രൈവർമാർ ഗതാഗതക്കുരുക്ക് ഉണ്ടാക്കുന്നതായി റിപ്പോർട്ടുകളും ക്യാമറ ദൃശ്യങ്ങളും വ്യക്തമാക്കിയതിനെ തുടർന്നാണ് ഈ നടപടി.

അത്യാധുനിക റോഡ് നിരീക്ഷണ സംവിധാനങ്ങൾ, ക്യാമറകൾ, പട്രോളിംഗ്, ഡ്രോണുകൾ എന്നിവ ഉപയോഗിച്ച് നടത്തിയ പരിശോധനയിൽ, അനുചിതമായ ഓവർടേക്കിംഗ്, മനഃപൂർവ്വം ഗതാഗതം തടസ്സപ്പെടുത്തൽ തുടങ്ങിയ ലംഘനങ്ങൾ വർധിച്ചതായി കണ്ടെത്തി. രാജ്യത്തെ റോഡുകളിലെ ഗതാഗതക്കുരുക്കിന് ഇത്തരം പ്രവർത്തികൾ പ്രധാന കാരണമാണെന്ന് റിപ്പോർട്ട് വ്യക്തമാക്കുന്നു.

ALSO READ: UAE Gold Price : കേരളത്തിലേത് പോലെ കുതിച്ചു യുഎഇയിലെയും സ്വർണ വിപണി

നിയംലംഘനങ്ങളിൽ ഉപെട്ട വാഹനങ്ങൾ ജനറൽ ട്രാഫിക് വകുപ്പിന്റെ തീരുമാനപ്രകാരം 60 ദിവസം വരെ കണ്ടുകെട്ടും. 15 മുതൽ 20 കുവൈത്തി ദിനാർ വരെയാണ് ഇത്തരം നിയമലംഘനങ്ങൾക്കുള്ള ലംഘനങ്ങൾക്കുള്ള പിഴ.

പിഴ ഈടാക്കുകയോ വാഹനങ്ങൾ അനാവശ്യമായി കണ്ടുകെട്ടുകയോ അല്ല, മറിച്ച് റോഡ് സുരക്ഷ വർധിപ്പിക്കുകയും ഉത്തരവാദിത്തപൂർണമായ ഡ്രൈവിംഗ് പ്രോത്സാഹിപ്പിക്കുകയുമാണ് ഈ നടപടിക്ക് പിന്നിലെന്ന് വകുപ്പ് വ്യക്തമാക്കി. 

പ്രവാസി ഡ്രൈവർമാർ ആവർത്തിച്ച് ഓവർടേക്കിംഗ് ലംഘനങ്ങളോ മനഃപൂർവമായ ഗതാഗത തടസ്സമോ ഉണ്ടാക്കുന്നത് നാടുകടത്തലിന് വരെ കാരണമാവാമെന്നും ട്രാഫിക് വകുപ്പ് സ്ഥിരീകരിച്ചു.

പ്രധാനലംഘനങ്ങൾ:
1. ഓവർടേക്കിംഗ് നിയമങ്ങളും ചട്ടങ്ങളും ലംഘിക്കൽ
2. മനഃപൂർവം ഗതാഗതം തടസ്സപ്പെടുത്തൽ
3. ഗതാഗത ഒഴുക്കിനെ മനഃപൂർവം തടസ്സപ്പെടുത്തൽ

The General Traffic Department has started enforcing Sections 207 and 209 of the Traffic Law, allowing authorities to impound vehicles for up to two months if they cause traffic congestion. This move comes after reports and camera footage revealed some drivers causing traffic jams. The new enforcement aims to improve road safety and reduce traffic congestion in Dubai