ഇരിട്ടി: കുര്‍ബാന കഴിഞ്ഞ് പള്ളിയില്‍ നിന്നും വീട്ടിലേക്ക് മടങ്ങുകയായിരുന്ന സഹോദരികളെ പീഡിപ്പിക്കാന്‍ ശ്രമിച്ച യുവാവിനെ നാട്ടുകാര്‍ പിടികൂടി പൊലിസില്‍ ഏല്‍പ്പിച്ചു. കാട്ടമ്പള്ളി കോട്ടക്കുന്നിലെ നായിക്കന്‍ മടത്തില്‍ നവാസ്(38) ആണ് 14ഉം 12ഉം വയസുള്ള സഹോദരികളെ കീഴൂരിലെ ഇടവഴിയില്‍ വച്ച്        പീഡിപ്പിക്കാന്‍ ശ്രമിച്ചത്. ഇടവഴിയിലൂടെ ബൈക്കില്‍ വരികയായിരുന്ന നവാസ് കുട്ടികളുടെ സമീപം ബൈക്ക് നിര്‍ത്തി കുട്ടികളെ ആളില്ലാത്ത സ്ഥലത്തേക്ക് വലിച്ചിഴക്കുകയായിരുന്നു. കരച്ചില്‍ കേട്ട് തെരുവ്‌നായ അക്രമിക്കുന്നതാണെന്ന് കരുതി സമീപത്തെ ഹോട്ടലുകളില്‍ നിന്നും വീട്ടില്‍ നിന്നും ആളുകള്‍ ഓടിയെത്തിയപ്പോള്‍ കുട്ടികളെ വിട്ട് ഇയാള്‍ രക്ഷപെടാന്‍ ശ്രമിച്ചു. നാട്ടുകാര്‍ പിന്തുടര്‍ന്ന് പിടികൂടുകയായിരുന്നുവെന്ന് ഇരിട്ടി എസ്.ഐ സുധീര്‍ കല്ലന്‍ പറഞ്ഞു. പെണ്‍കുട്ടിയുടെ വീട്ടുകാരുടെ പരാതിയില്‍ പീഡന ശ്രമത്തിന് കേസെടുത്തു. നവാസിനെ കോടതി റിമാന്‍ഡ് ചെയ്തു.