എഡ്ബാസ്റ്റൺ: ഇംഗ്ലണ്ടിനെതിരായ രണ്ടാം ടെസ്റ്റിലും മികച്ച പ്രകടനം തുടർന്ന്  ഇന്ത്യൻ ഓപ്പണർ യശ്വസി ജെയ്‌സ്വാൾ. താരം നിലവിൽ അർദ്ധ സെഞ്ച്വറി നേടി ക്രീസിൽ തുടരുകയാണ്. ഈ മത്സരത്തിലും അർദ്ധ സെഞ്ച്വറികൾ നേടിയതോടെ ഇന്ത്യൻ ഏകദിന നായകൻ രോഹിത് ശർമയെ മറികടന്നുകൊണ്ട് മുന്നേറാനും ജെയ്സ്വാളിന് സാധിച്ചിരിക്കുകയാണ്.

ടെസ്റ്റ് ക്രിക്കറ്റിൽ സേനാ രാജ്യങ്ങൾക്കെതിരെ( സൗത്ത് ആഫ്രിക്ക, ഇംഗ്ലണ്ട്, ന്യൂസിലാൻഡ്, ഓസ്ട്രേലിയ)  50+ റൺസ് നേടിയ താരങ്ങളുടെ പട്ടികയിലാണ് ജെയ്‌സ്വാൾ രോഹിത്തിനെ മറികടന്നത്. ഇത് അഞ്ചാം തവണയാണ് താരം സേനാ രാജ്യങ്ങൾക്കെതിരെ 50+ റൺസ് നേടുന്നത്. നാല് തവണയാണ് രോഹിത് സേനാ രാജ്യങ്ങൾക്കെതിരെ 50+ സ്കോർ പിന്നിട്ടത്. 

എഡ്ബാസ്റ്റണിൽ നടക്കുന്ന മത്സരത്തിൽ ടോസ് നേടിയ ഇംഗ്ലണ്ട് ക്യാപ്റ്റൻ ബെൻ സ്റ്റോക്സ് ബൗളിങ് തെരഞ്ഞെടുക്കുകയായിരുന്നു. ടീം സ്കോർ 15ൽ നിൽക്കെ കെഎൽ രാഹുലിനെ ഇന്ത്യയ്ക്ക് നഷ്ടമായി. 26 പന്തിൽ രണ്ടു റൺസ് നേടിയാണ് രാഹുൽ മടങ്ങിയത്. കരുൺ നായർ 50 പന്തിൽ 31 നേടിയും പുറത്തായി. അഞ്ച് ഫോറുകളാണ് താരം നേടിയത്.

ഇംഗ്ലണ്ട് പ്ലെയിങ് ഇലവൻ 

സാക്ക് ക്രാളി, ബെൻ ഡക്കറ്റ്, ഒല്ലി പോപ്പ്, ജോ റൂട്ട്, ഹാരി ബ്രൂക്ക്, ബെൻ സ്റ്റോക്സ് (ക്യാപ്റ്റൻ), ജാമി സ്മിത്ത് (വിക്കറ്റ് കീപ്പർ), ക്രിസ് വോക്സ്, ബ്രൈഡൺ കാർസെ, ജോഷ് ടോങ്, ഷോയിബ് ബഷീർ.

ഇന്ത്യ പ്ലെയിങ് ഇലവൻ 

യശസ്വി ജയ്‌സ്വാൾ, കെ എൽ രാഹുൽ, കരുൺ നായർ, ശുഭ്മാൻ ഗിൽ(ക്യാപ്റ്റൻ), റിഷബ് പന്ത്(വിക്കറ്റ് കീപ്പർ), നിതീഷ് കുമാർ റെഡ്ഡി, രവീന്ദ്ര ജഡേജ, വാഷിംഗ്ടൺ സുന്ദർ, ആകാശ് ദീപ്, മുഹമ്മദ് സിറാജ്, പ്രശസ്ത് കൃഷ്ണ.

Following his excellent performance in the second Test against England Indian opener Yashasvi Jaiswal has now surpassed Indian ODI captain Rohit Sharma to move ahead in the list