ഇന്ത്യൻ ഓപ്പണർ യശ്വസി ജെയ്‌സ്വാളിനെ പ്രശംസിച്ച് മുൻ ഇന്ത്യൻ ആകാശ് ചോപ്ര. ഏകദിനത്തിൽ ഇന്ത്യയുടെ ഓപ്പണറാകാൻ ജെയ്‌സ്വാളിന് സാധിക്കുമെന്നാണ് ആകാശ് ചോപ്ര പറഞ്ഞത്. രോഹിത് ശർമയുടെ അഭാവം നികത്താൻ ശുഭ്മൻ ഗില്ലും ജെയ്‌സ്വാളും ഓപ്പണർമാരായി എത്തിയാൽ സാധിക്കുമെന്നും മുൻ ഇന്ത്യൻ താരം വ്യക്തമാക്കി. തന്റെ യുട്യൂബ് ചാനലിലൂടെ സംസാരിക്കുകയായിരുന്നു ആകാശ് ചോപ്ര. 

''വൈകാതെ എല്ലാ ഫോർമാറ്റുകളിലും യശ്വസി ജെയ്‌സ്വാൾ ഇന്ത്യക്കായി കളിക്കുന്നത് കാണാൻ കഴിയും. അവൻ ഇതിനോടകം തന്നെ ടി-20യിൽ കളിച്ചിട്ടുണ്ട്. ഒരു സെഞ്ച്വറിയും നേടി. ഐപിഎല്ലിലും അവൻ വളരെ നന്നായിട്ടാണ് കളിച്ചത്. ടി-20 ലോകകപ്പ് ടീമിലും അവൻ അംഗമായിരുന്നു. ജെയ്‌സ്വാളിന് അവസരം ലഭിക്കും. അവൻ അത് കൃത്യമായി ഉപയോഗപ്പെടുത്തണം. ശുഭ്മൻ ഗിൽ, ജെയ്‌സ്വാൾ എന്നിവർ ഏകദിനത്തിൽ ഓപ്പണർമാരായാൽ രോഹിത്തിന്റെ അഭാവം ടീമിന് ഒരു നഷ്ടമായി തോന്നില്ല'' ആകാശ് ചോപ്ര പറഞ്ഞു. 

നിൽവിൽ നടന്നുകൊണ്ടിരിക്കുന്ന വെസ്റ്റ് ഇൻഡീസിനെതിരായ രണ്ടാം ടെസ്റ്റ് മത്സരത്തിൽ സെഞ്ച്വറി നേടി ജെയ്‌സ്വാൾ തിളങ്ങിയിരുന്നു. 258 പന്തിൽ നിന്നും 175 റൺസാണ് രാജസ്ഥാൻ റോയൽസ് താരം നേടിയത്. 22 ഫോറുകളായിരുന്നു താരത്തിന്റെ ബാറ്റിൽ നിന്നും പിറന്നത്. 

വെസ്റ്റ് ഇൻഡീസിനെതിരായ ടെസ്റ്റ് പരമ്പര അവസാനിച്ചാൽ ഇന്ത്യയുടെ മുന്നിലുള്ളത് ഓസ്‌ട്രേലിയക്കെതിരായ ഏകദിന, ടി-20 പരമ്പരകളാണ് ഉള്ളത്. ഏകദിന പരമ്പര ഒക്ടോബർ 19നാണ് പരമ്പരക്ക് തുടക്കമാവുന്നത്. 

ഇന്ത്യ ടി-20 സ്‌ക്വാഡ്

സൂര്യകുമാർ യാദവ് ((ക്യാപ്റ്റൻ), അഭിഷേക് ശർമ, ശുഭ്‌മാൻ ഗിൽ (വൈസ് (ക്യാപ്റ്റൻ), തിലക് വർമ്മ, നിതീഷ് കുമാർ റെഡ്ഡി, ശിവം ദുബെ, അക്‌സർ പട്ടേൽ, ജിതേഷ് ശർമ (വിക്കറ്റ് കീപ്പർ), വരുൺ ചക്രവർത്തി, ജസ്പ്രീത് ബുംറ, അർഷ്ദീപ് സിംഗ്, കുൽദീപ് യാദവ്, ഹർഷിത് റാണ, സഞ്ജു സാംസൺ(വിക്കറ്റ് കീപ്പർ), റിം​ഗു സിം​ഗ്, വാഷിം​ഗ്ടൺ സുന്ദർ.

ഇന്ത്യ ഏകദിന സ്‌ക്വാഡ് 

ശുഭ്‌മൻ ഗിൽ (ക്യാപ്റ്റൻ), രോഹിത് ശർമ്മ, വിരാട് കോഹ്‌ലി, ശ്രേയസ് അയ്യർ (വൈസ് ക്യാപ്റ്റൻ), അക്‌സർ പട്ടേൽ, കെ എൽ രാഹുൽ (വിക്കറ്റ് കീപ്പർ), നിതീഷ് കുമാർ റെഡ്ഡി, വാഷിം​ഗ്ടൺ സുന്ദർ, കുൽദീപ് യാദവ്, ഹർഷിത് റാണ, മുഹമ്മദ് സിറാജ്, അർഷ്‌ദീപ് സിം​ഗ്, പ്രസിദ് കൃഷ്ണ, ധ്രുവ് ജുറേൽ (വിക്കറ്റ് കീപ്പർ), യശ്വസി ജെയ്സ്വാൾ.

Former Indian Aakash Chopra praised Indian opener Yashwasi Jaiswal. Aakash Chopra said that Jaiswal can become India's opener in ODIs.