ഡൽഹി: ഡൽഹി ഹസ്രത്ത് നിസാമുദ്ദീൻ റെയിൽവേ സ്റ്റേഷനിൽ വന്ദേഭാരത് ട്രെയിനിലെ ജീവനക്കാർ തമ്മിൽ ഏറ്റുമുട്ടി. വെള്ളിയാഴ്ച പുലർച്ചെ ഏഴാം നമ്പർ പ്ലാറ്റ്‌ഫോമിലായിരുന്നു സംഭവം. ട്രെയിനിൽ കുടിവെള്ള ബോക്സുകൾ കയറ്റുന്നതിനെ ചൊല്ലിയുണ്ടായ തർക്കമാണ് വലിയ സംഘർഷമായി മാറിയത്.

Vande Bharat catering staff going full "Battle of Baghpat" mode on each other.

Seems like the new service-improvement model, to belt and punch one another before departure, so they cool off and don’t smack any passenger who dares to question the overcharging.

Welcome move. pic.twitter.com/d3rOReeOJh

— THE SKIN DOCTOR (@theskindoctor13) October 17, 2025

പുറപ്പെടാൻ തയ്യാറെടുത്തിരുന്ന ഖജുരാഹോ വന്ദേഭാരതിലെ ജീവനക്കാർ തമ്മിലാണ് ഏറ്റുമുട്ടൽ ഉണ്ടായത്. കയ്യിൽ കിട്ടിയ ചവറ്റുകൂനകൾ, വടികൾ, ചെരിപ്പുകൾ, ബെൽറ്റുകൾ എന്നിവയെല്ലാം ഉപയോഗിച്ച് ജീവനക്കാർ ചേരിതിരിഞ്ഞ് ഏറ്റുമുട്ടി. ട്രെയിനിലേക്ക് വെള്ളം എടുത്ത് വയ്ക്കുന്നതിനിടെ പാൻട്രി അസിസ്റ്റന്റുമാർ തമ്മിലുണ്ടായ വാക്കുതർക്കമാണ് സംഘർഷത്തിന് തുടക്കമിട്ടത്.

ALSO READ: മാലിദ്വീപിലെ പ്രവാസികൾക്ക് കനത്ത തിരിച്ചടി; റെമിറ്റൻസ് നയം വീണ്ടും കടുപ്പിച്ച് എസ്.ബി.ഐ; പന്ത്രണ്ടായിരത്തിലധികം തൊഴിലാളികളുടെ ഭാവി ആശങ്കയിൽ

ജീവനക്കാർ തമ്മിൽത്തല്ലിയപ്പോൾ, അടി കിട്ടാതിരിക്കാൻ യാത്രക്കാർ ഓടിമാറുന്നതിന്റെയും പരിഭ്രാന്തരായി പരക്കം പായുന്നതിന്റെയും ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്.

സംഭവത്തെക്കുറിച്ച് ആരും പരാതി നൽകിയില്ലെന്ന് റെയിൽവേ പൊലിസ് വ്യക്തമാക്കി. എന്നാൽ, ദൃശ്യങ്ങൾ വൈറലായതിനെ തുടർന്ന് റെയിൽവേ സ്റ്റേഷൻ പൊലിസ് സ്വമേധയാ കേസ് രജിസ്റ്റർ ചെയ്തു.

അതേസമയം, സംഭവം ശ്രദ്ധയിൽപ്പെട്ടിട്ടുണ്ടെന്ന് ഇന്ത്യൻ റെയിൽവേ കാറ്ററിംഗ് ആൻഡ് ടൂറിസം കോർപ്പറേഷൻ (IRCTC) വ്യക്തമാക്കി. സംഘർഷത്തിന് തുടക്കമിട്ട നാല് ജീവനക്കാരെ ചോദ്യം ചെയ്യാൻ വിളിപ്പിച്ചിട്ടുണ്ട്. ഇവരുടെ ഐഡി കാർഡുകൾ മരവിപ്പിക്കുകയും, ജോലിയിൽ നിന്ന് പിരിച്ചുവിടാതിരിക്കാനുള്ള കാരണം കാണിക്കൽ നോട്ടിസ് നൽകിയിട്ടുമുണ്ട്. ഇവർക്ക് അഞ്ച് ലക്ഷം രൂപ പിഴ ചുമത്താൻ നിർദ്ദേശം നൽകിയതായും ഐആർസിടിസി. വിശദമാക്കി.

A violent clash broke out between IRCTC staff members at Delhi's Hazrat Nizamuddin Railway Station on Friday morning, near the Vande Bharat Express train. The altercation reportedly started over a dispute about loading water bottles onto the train and escalated into a physical brawl, with staff using belts and dustbins as weapons.