തിരുവനന്തപുരം: കേരള സർവകലാശാലയിൽ ദിവസങ്ങൾ കഴിയുംതോറും ഭരണപ്രതിസന്ധി രൂക്ഷമായി തുടരുന്നത് വലിയ വിവാ​ദങ്ങളിലേക്കും പ്രതിഷേധങ്ങളിലേക്കും വഴിവെയ്ക്കുന്നു. വൈസ് ചാൻസലർ ഡോ. മോഹനൻ കുന്നുമ്മലിന്റെ നിർദേശങ്ങൾ ലംഘിച്ച് രജിസ്ട്രാർ കെ.എസ്. അനിൽകുമാർ സർവകലാശാല ആസ്ഥാനത്തെത്തി ഫയലുകൾ തീർപ്പാക്കിയതാണ് പ്രതിസന്ധിക്ക് ആക്കം കൂട്ടിയത്. അനിൽകുമാർ തീർപ്പാക്കുന്ന ഫയലുകൾ മാറ്റിവെക്കണമെന്നും അടിയന്തര ഫയലുകൾ ജോയിന്റ് രജിസ്ട്രാർമാർ നേരിട്ട് തനിക്ക് അയക്കണമെന്നും വി.സി. നിർദേശിച്ചു.

അനിൽകുമാറിനെ സർവകലാശാല ആസ്ഥാനത്ത് പ്രവേശിക്കുന്നതിൽനിന്ന് വിലക്കുകയും രജിസ്ട്രാറുടെ ചേമ്പറിലേക്ക് ആരെയും കടത്തിവിടരുതെന്നും വി.സി. സുരക്ഷാ ജീവനക്കാർക്ക് ഉത്തരവ് നൽകിയിരുന്നു. എന്നാൽ, ഈ നിർദേശങ്ങൾ അവഗണിച്ച് അനിൽകുമാർ ഓഫീസിൽ എത്തുകയും ഡിജിറ്റൽ സിഗ്നേച്ചർ ഉപയോഗിച്ച് ഫയലുകൾ തീർപ്പാക്കുകയും ചെയ്തു. ഇതിനെതിരെ സുരക്ഷാ വിഭാഗം വി.സി.ക്ക് റിപ്പോർട്ട് സമർപ്പിക്കുകയും ചെയ്തു.

ALSO READ: വളർത്തുപൂച്ച മാന്തിയതിനെ തുടർന്ന് ചികിത്സയിലായിരുന്ന വിദ്യാർഥിനി മരിച്ചു

അനിൽകുമാറിന്റെ അവധി അപേക്ഷ വി.സി. തള്ളിയിരുന്നു. സസ്പെൻഷനിലുള്ള രജിസ്ട്രാർക്ക് അധികാരമില്ലെന്നും സർവകലാശാലയിൽ പ്രവേശിക്കരുതെന്നും വി.സി. കത്ത് നൽകിയിരുന്നു. എന്നാൽ, സസ്പെൻഷൻ നിയമവിരുദ്ധമാണെന്ന് അനിൽകുമാർ ഹൈക്കോടതിയിൽ വാദിച്ചു. സിൻഡിക്കേറ്റ് അംഗം ഷിജു ഖാൻ, വി.സി.ക്ക് രജിസ്ട്രാറെ തടയാനോ മറ്റൊരാൾക്ക് ചുമതല നൽകാനോ അധികാരമില്ലെന്നും, സിൻഡിക്കേറ്റാണ് രജിസ്ട്രാറെ നിയമിച്ചതെന്നും വ്യക്തമാക്കി രം​ഗത്തെത്തി. അതിനിടെ, രജിസ്ട്രാറുടെ ഓഫീസിന് പ്രത്യേക സുരക്ഷ ഏർപ്പെടുത്തണമെന്നും അനധികൃത പ്രവേശനം തടയണമെന്നും വി.സി. സെക്യൂരിറ്റി ഓഫീസർക്ക് നിർദേശം നൽകി. ദിവസങ്ങൾ കഴിയുന്തോറും കേരള സർവകലാശാലയിലെ ഭരണപ്രതിസന്ധി കൂടുതൽ സങ്കീർണമാകുകയാണ്.

ALSO READ: പ്രളയബാധിതർക്ക് സാമ്പത്തിക സഹായം അനുവദിച്ചു കേന്ദ്രം: വയനാട്ടിലെ മുണ്ടക്കൈ, ചൂരൽമല ദുരന്തബാധിത പ്രദേശങ്ങൾക്ക് 153.20 കോടി രൂപ 

അതേസമയം വൈസ് ചാൻസലർ ഡോ. മോഹനൻ കുന്നുമ്മൽ ഡോ. മിനി കാപ്പന് രജിസ്ട്രാറുടെ ചുമതല നൽകി ഉത്തരവിറക്കിയെങ്കിലും, ഇത് നടപ്പാക്കപ്പെട്ടില്ല. ഔദ്യോഗിക ഉത്തരവ് പുറപ്പെടുവിക്കാത്തത് കാരണമാണ് ഡോ. മിനി കാപ്പൻ താൽക്കാലിക ചുമതല ഏറ്റെടുക്കാൻ തയ്യാറാകാതിരുന്നത്. ജോയിന്റ് രജിസ്ട്രാർ പി. ഹരികുമാറിന്റെ ചുമതലകൾ ഹേമ ആനന്ദിന് നൽകിയതോടെ സർവകലാശാല അസാധാരണ ഭരണനടപടികളിലേക്ക് കടന്നിരിക്കുകയാണ്.

The administrative crisis at Kerala University has intensified as Vice Chancellor takes stringent action against Registrar K.S. Anil Kumar, escalating tensions and complicating governance issues within the institution