രാജ്യത്തെ കേന്ദ്ര സർവകലാശാലകളടക്കം വിവിധ സർവകലാശാലകളിലെ ബിരുദതല പ്രോഗ്രാമുകളുടെ പൊതു പ്രവേശന പരീക്ഷയായ സി.യു.ഇ.ടി യു.ജി 2025 ഫലം വന്നു കഴിഞ്ഞു. വിദ്യാർഥികൾക്ക് തങ്ങളുടെ ഓരോ വിഷയത്തിലുള്ള പെർസന്റയിൽ സ്‌കോറും നോർമലൈസ്ഡ് സ്‌കോറുമടങ്ങുന്ന സ്‌കോർ കാർഡ് വെബ്‌സൈറ്റിൽനിന്ന് ഡൗൺലോഡ് ചെയ്യാം. മെയ് 13 നും ജൂൺ നാലിനുമിടയിലാണ് പരീക്ഷ നടന്നത്. രജിസ്റ്റർ ചെയ്ത 13,54,699 കുട്ടികളിൽ 10,71,735 കുട്ടികളാണ് പരീക്ഷയെഴുതിയത്. 239 സ്ഥാപനങ്ങൾ ഇന്ത്യയിലെ 49 കേന്ദ്ര സർവകലാശാലകൾ, 35 സംസ്ഥാന സർവകലാശാലകൾ, 24 കൽപിത സർവകലാശാലകൾ, 126 സ്വകാര്യ സർവകലാശാലകൾ അഞ്ച് മറ്റ് സർക്കാർ സ്ഥാപനങ്ങളടക്കം 239 സ്ഥാപനങ്ങൾ ഈ വർഷം പ്രവേശന മാനദണ്ഡമായി സി.യു.ഇ.ടി സ്‌കോർ പരിഗണിക്കുന്നുണ്ട്. 

ഡൽഹി യൂനിവേഴ്‌സിറ്റി, ജവഹർലാൽ നെഹ്‌റു, യൂനിവേഴ്‌സിറ്റി, ബനാറസ് ഹിന്ദു യൂനിവേഴ്‌സിറ്റി, പോണ്ടിച്ചേരി, ഹൈദരാബാദ്, തേസ്പൂർ യൂനിവേഴ്‌സിറ്റികൾ, ഇംഗ്ലിഷ് ആൻഡ് ഫോറിൻ ലാംഗ്വേജസ് യൂനിവേഴ്‌സിറ്റി ഹൈദരാബാദ് തുടങ്ങി നിരവധി മികവുറ്റ സ്ഥാപനങ്ങളിലെ പ്രവേശനം സി.യു.ഇ.ടി യു.ജി വഴിയാണെന്നത് ശ്രദ്ധേയമാണ്. അലിഗഡ് മുസ്്‌ലിം യൂനിവേഴ്‌സിറ്റി, ജാമിഅ മില്ലിയ്യ ഇസ്്‌ലാമിയ്യ എന്നിവയിലെ ചില പ്രോഗ്രാമുകൾക്കും സി.യു.ഇ.ടി സ്‌കോർ പരിഗണിക്കുന്നുണ്ട്. ഗോഖലെ ഇൻസ്റ്റിറ്റ്യൂട്ട് ഓഫ് പൊളിറ്റിക്‌സ് ആൻഡ് എക്കണോമിക്‌സ്, ടാറ്റാ ഇൻസ്റ്റിറ്റ്യൂട്ട് ഓഫ് സോഷ്യൽ സയൻസസ്, ഇന്ത്യൻ ഇൻസ്റ്റിറ്റ്യൂട്ട് ഓഫ് ടൂറിസം ആൻഡ് ട്രാവൽ മാനേജ്‌മെന്റ്, ഫൂട്‌വെയർ ഡിസൈൻ ആൻഡ് ഡെവലപ്‌മെന്റ് ഇൻസ്റ്റിറ്റ്യൂട്ട് തുടങ്ങിയ സ്ഥാപനങ്ങളും ഇന്ത്യൻ കൗൺസിൽ ഓഫ് അഗ്രികൾച്ചറൽ റിസർച്ചിനു കീഴിലുള്ള വിവിധ സ്ഥാപനങ്ങളിലെ ബി.എസ്.സി അഗ്രികൾച്ചർ അടക്കം വിവിധ കോഴ്‌സുകളുടെ ആൾ ഇന്ത്യ സീറ്റുകൾക്കും സി.യു.ഇ.ടി സ്‌കോർ പരിഗണിച്ചാണ് പ്രവേശനം നൽകുന്നത്. 

ALSO READ: ജെഎൻയു 2025-26 അധ്യയന വർഷത്തേക്കുള്ള ബിരുദ കോഴ്‌സുകളിലേക്കുള്ള പ്രവേശന നടപടികള്‍ ആരംഭിച്ചു; പ്രവേശനം സിഇയുടി വഴി രജിസ്ട്രേഷൻ വഴി 

സി.യു.ഇ.ടി യു.ജി വഴി പ്രവേശനം ലഭിക്കുന്ന സ്ഥാപനങ്ങളുടെ പട്ടിക, കോഴ്‌സുകൾ, പ്രവേശന യോഗ്യത തുടങ്ങിയ വിവരങ്ങൾ ഔദ്യാഗിക വെബ്‌സൈറ്റായ cuet.nta.nic.inൽ ലഭ്യമാണ്. കേരളത്തിൽ പുതിയ കോഴ്‌സുകൾ കാസർക്കോട് പെരിയയിലുള്ള കേരള സെൻട്രൽ യൂനിവേഴ്‌സിറ്റിയിൽ ഈ അധ്യയന വർഷം മൂന്ന് പുതിയ ബിരുദ കോഴ്‌സുകൾ ആരംഭിക്കുന്നുണ്ട്. സ്‌കൂൾ ഓഫ് ബയോളജിക്കൽ സയൻസസിനു കീഴിൽ ബി.എസ്.സി (ഓണേഴ്‌സ്) ബയോളജി, കൊമേഴ്‌സ് ആൻഡ് ഇന്റർനാഷണൽ ബിസിനസ് വകുപ്പിനു കീഴിൽ ബി.കോം (ഓണേഴ്സ്) ഫിനാൻഷ്യൽ അനലിസ്റ്റിക്‌സ്, കംപ്യൂട്ടർ സയൻസ് വകുപ്പിനു കീഴിൽ ബി.സി.എ (ഓണേഴ്സ്) എന്നിവയാണ് പുതിയ കോഴ്‌സുകൾ. യൂനിവേഴ്‌സിറ്റിയുടെ തിരുവനന്തപുരം കാംപസിൽ ബി.എ ഇന്റർനാഷണൽ റിലേഷൻസ് പഠിക്കാനും അവസരമുണ്ട്. സി.യു.ഇ.ടി യുജി സ്‌കോർ പരിഗണിച്ചാണ് നാല് കോഴ്‌സുകളുടെയും പ്രവേശനം. പ്രത്യേകം അപേക്ഷിക്കണം സി.യു.ഇ.ടി പരീക്ഷ നടത്തി സ്‌കോർ കാർഡ് തയാറാക്കുക മാത്രമാണ് എൻ.ടി.എ (നാഷനൽ ടെസ്റ്റിംഗ് ഏജൻസി) ചെയ്യുന്നത്. 

ഓരോ സ്ഥാപനത്തിലും അപേക്ഷിക്കുന്ന വിദ്യാർഥികളുടെ സ്‌കോറുകൾ പരിഗണിച്ച് അതത് സ്ഥാപനങ്ങളാണ് റാങ്ക് ലിസ്റ്റ് തയാറാക്കുന്നത്. വിദ്യാർഥികൾ താൽപര്യമുള്ള കോളജുകളിൽ /സർവകലാശാലകളിൽ പ്രത്യേകം അപേക്ഷ സമർപ്പിക്കേണ്ടതുണ്ട്. ഉദാഹരണത്തിന് ഡൽഹി സർവകലാശാലയുടെ കീഴിലുള്ള കോളജുകളിൽ പ്രവേശനം നേടാൻ സർവകലാശാല നടത്തുന്ന പ്രത്യേക അലോട്ട്‌മെന്റ് പ്രക്രിയയായ സി.എസ്.എ.എസിൽ (CSAS - കോമൺ സീറ്റ് അലോക്കേഷൻ സിസ്റ്റം) പങ്കെടുക്കേണ്ടതുണ്ട്. ഈ മാസം 14 വരെ പോർട്ടലിൽ രജിസ്റ്റർ ചെയ്യാവുന്നതാണ് ( admissions.uod.ac.in). ഇതുപോലെ ചേരാനാഗ്രഹിക്കുന്ന ഓരോ യൂനിവേഴ്‌സിറ്റികൾ/ സ്ഥാപനങ്ങളുടെ വെബ്‌സൈറ്റ് സന്ദർശിച്ച് യഥാസമയം അപേക്ഷ സമർപ്പിക്കണം.

കൂടുതല്‍ education വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

CUET UG 2025 Results Declared Download Scorecard from Website know more