ന്യൂഡല്‍ഹി: പട്ടികജാതി വിഭാഗക്കാരെ പ്രലോഭിപ്പിച്ച് ക്രൈസ്തവമതത്തിലേക്ക് മാറ്റാന്‍ ശ്രമിച്ചന്നെ കേസില്‍ അറസ്റ്റിലായ മലയാളി പാസ്റ്റര്‍ വിനോദ് കുഞ്ഞ് മോഹന്റെ(50) ജാമ്യാപേക്ഷ ഗാസിയാബാദ് ജില്ലാ കോടതി തള്ളി. വിനോദ് കുഞ്ഞ് മോഹനനെ മോചിപ്പിക്കുന്നതിന് പ്രസക്തമായ കാരണമൊന്നുമില്ലെന്ന് ചൂണ്ടിക്കാട്ടി ഗാസിയാബാദ് അഡീഷണല്‍ സെഷന്‍സ് ജഡ്ജി രോഹിത് അഗര്‍വാള്‍ ആണ് ജാമ്യാപേക്ഷ തള്ളിയത്. കേസിന്റെ എല്ലാ വസ്തുതകളും സാഹചര്യങ്ങളും കണക്കിലെടുത്താണ് വിധിയെന്നും കുറ്റകൃത്യത്തിന്റെ ഗൗരവവും വിനോദ് കുഞ്ഞിനെതിരായ അന്വേഷണത്തിനിടെ ശേഖരിച്ച വിവിധ രേഖകളും വാക്കാലുള്ള തെളിവുകളും കണക്കിലെടുക്കുമ്പോള്‍ അദ്ദേഹത്തെ ജാമ്യത്തില്‍ വിട്ടയക്കുന്നതിന് യാതൊരു അടിസ്ഥാനമില്ല- ഉത്തരവില്‍ പറയുന്നു.

ആരെയും മതപരിവര്‍ത്തനം ചെയ്തിട്ടില്ലെന്ന് പാസ്റ്റര്‍ വാദിച്ചെങ്കിലും കോടതി മുഖവിലക്കെടുത്തില്ല. ബജ്‌റംഗ്ദള്‍ നേതാവ് പ്രബല്‍ ഗുപ്ത നല്‍കിയ പരാതിയെ തുടര്‍ന്നാണ് വിനോദ് കുഞ്ഞ് മോഹനനെയും സഹായി പ്രേംചന്ദ് ജാതവിനെയും (66) കഴിഞ്ഞദിവസം യു.പി പൊലിസ് അറസ്റ്റ്‌ചെയ്തത്. ഭാരതീയ ന്യായ സംഹിതയുടെ 115 (2) (സ്വമേധയാ പരിക്കേല്‍പ്പിക്കല്‍) 351 (3) (ഭീഷണിപ്പെടുത്ത) 352 (സമാധാന ലംഘനം) എന്നീ വകുപ്പുകള്‍ക്ക് പുറമെ യു.പിയിലെ വിവാദമായ ഉത്തര്‍പ്രദേശ് നിയമവിരുദ്ധ മതപരിവര്‍ത്തന നിരോധന നിയമത്തിലെ വിവിധ വകുപ്പുകളും ചേര്‍ത്താണ് ഇരുവര്‍ക്കുമെതിരെ കേസ് രജിസ്റ്റര്‍ ചെയ്തത്. ലൗ ജിഹാദ് ഇല്ലാതാക്കാന്‍ എന്ന് പഞ്ഞു കൊണ്ടുവന്ന മതപരിവര്‍ത്തന നിരോധന നിയമപ്രകാരം അറസ്റ്റിലായവരില്‍ ഭൂരിഭാഗവും ക്രിസ്ത്യാനികളാണെന്ന് നേരത്തെ വിവിധ റിപ്പോര്‍ട്ടുകള്‍ വെളിപ്പെടുത്തിയിരുന്നു.

ALSO READ: അക്ബര്‍ ക്രൂരന്‍, ഔറംഗസീബ് വര്‍ഗീയവാദി, ശിവാജി നല്ലയാള്‍; മുഗള്‍ ഭരണാധികാരികളെ ക്രൂരന്മാരാക്കി അവതരിപ്പിച്ച് എന്‍.സി.ഇ.ആര്‍.ടിയുടെ പുതിയ പാഠപുസ്തകം

ജാതവിന്റെ വീട്ടില്‍വച്ച് പിന്നോക്ക ഹിന്ദുക്കളെ പ്രലോഭിപ്പിച്ച് പാസ്റ്ററുടെ നേതൃത്വത്തില്‍ മതപരിവര്‍ത്തനം നടത്തിയതായാണ് പരാതി. എല്ലാ ഞായറാഴ്ചയും നടക്കുന്ന ആത്മീയ ഒത്തുചേരലുകളുടെ മറവില്‍ ഭക്ഷണവും റേഷന്‍ കിറ്റുകളും ഉള്‍പ്പെടെയുള്ള പ്രലോഭനങ്ങള്‍ വാഗ്ദാനം ചെയ്ത് പാസ്റ്റര്‍ ആളുകളെ മതം മാറ്റാന്‍ ശ്രമിച്ചുവെന്നാണ് തീവ്ര ഹിന്ദുത്വ സംഘടനാ പ്രവര്‍ത്തകരുടെ ആരോപണം. വിനോദിന്റെ ശ്രമംമൂലം പ്രേംചന്ദ് ജാതവ് വര്‍ഷങ്ങള്‍ക്ക് മുമ്പ് ക്രിസ്തുമതം സ്വീകരിച്ച വ്യക്തിയാണ്. 

Ghaziabad District Court on Tuesday rejected the bail application of Malayali pastor Vinod Kunj Mohan (50) and Premchand Jatav (66) who were arrested for allegedly attempting to convert members of the Scheduled Caste by offering them inducements. Both arrested following a complaint filed by Bajrang Dal member Prabal Gupta on June 15. He had alleged that the pastor carried out religious conversions at Jatav’s home.