തിരുവനന്തപുരം: സാമ്പത്തിക പ്രതിസന്ധി മറികടക്കാന്‍ 1000 കോടി രൂപ കൂടി കടമെടുക്കാന്‍ സംസ്ഥാന സര്‍ക്കാര്‍ തീരുമാനിച്ചു. വികസന പ്രവര്‍ത്തനങ്ങള്‍ക്കായാണ് കടമെടുക്കുന്നതെന്ന് സര്‍ക്കാര്‍ അറിയിച്ചു. ഈ സാമ്പത്തിക വര്‍ഷം ഇതുവരെ സംസ്ഥാനം 15,000 കോടി രൂപയാണ് കടമെടുത്തത്. 

വായ്പക്കായുള്ള ലേലം ജൂലൈ 22ന് റിസര്‍വ് ബാങ്കിന്റെ മുംബൈ ഫോര്‍ട്ട് ഓഫീസില്‍ ഇ-കുബേര്‍ സംവിധാനം വഴി നടക്കും. ഇതു സംബന്ധിച്ച കടപത്രം സര്‍ക്കാര്‍ പുറത്തിറക്കി. ഈ മാസം ഇത് രണ്ടാം തവണയാണ് സര്‍ക്കാര്‍ കടപത്രങ്ങളിലൂടെ പണം സമാഹരിക്കുന്നത്. ജൂലൈ ഒന്നിന് ശമ്പളവും പെന്‍ഷനും നല്‍കുന്നതിനായി 2000 കോടി രൂപ കടമെടുത്തിരുന്നു.

കേന്ദ്ര സര്‍ക്കാരിന്റെ കടുത്ത അവഗണനയ്ക്കിടയിലാണ് സാമ്പത്തിക ബാധ്യതകള്‍ പരിഹരിക്കുന്നതിനായി സംസ്ഥാനം തുടര്‍ച്ചയായി കടമെടുക്കുന്നത്. ജൂണ്‍ മാസത്തില്‍ രണ്ട് തവണയായി 5000 കോടി സര്‍ക്കാര്‍ കടമെടുത്തിരുന്നു. ഇതോടെ കേരളത്തിന്റെ ആകെ കടബാധ്യത ആറ് ലക്ഷം കോടിയിലേക്ക് കടക്കുകയാണ്. 

ALSO READ: 'നിമിഷപ്രിയയുടെ ക്രൂരത മറച്ചുപിടിച്ച് പാവമായി ചിത്രീകരിക്കുന്നു'; മലയാള മാധ്യമങ്ങള്‍ക്കെതിരെ തലാലിന്റെ സഹോദരന്‍

അതേസമയം കേന്ദ്ര അവഗണനക്കിടയിലും എല്ലാ മേഖലയിലും സര്‍ക്കാരിന് നേട്ടമുണ്ടാക്കാനായെന്ന് ധനമന്ത്രി കെ എന്‍ ബാലഗോപാല്‍ പറഞ്ഞു. രണ്ടാം പിണറായി സര്‍ക്കാരിന്റെ അവസാന കാലമാകുമ്പോള്‍ കേരളത്തിന്റെ മൊത്തം കടഭാരം 4.65 ലക്ഷം കോടിയില്‍ ഒതുങ്ങുമെന്ന് മന്ത്രി പറഞ്ഞിരുന്നു. 

 Kerala government will borrow ₹1,000 crore more to manage the ongoing financial crisis. With this, the total borrowing for the current financial year reaches ₹15,000 crore, aimed primarily at funding development projects.