മാള: അഷ്ടമിച്ചിറ സര്‍വിസ് സഹകരണ ബാങ്കിന്റെ ആഭിമുഖ്യത്തില്‍ കണ്‍സ്യൂമര്‍ഫെഡിന്റെ സഹകരണത്തോടെ ഓണം ബക്രീദ് ചന്ത ആരംഭിച്ചു. അഷ്ടമിച്ചിറ സെന്ററില്‍ ആരംഭിച്ച ചന്ത വി.ആര്‍ സുനില്‍കുമാര്‍ എം.എല്‍.എ ഉദ്ഘാടനം ചെയ്തു. ബാങ്ക് പ്രസിഡന്റ് പി.കെ വിജയന്‍ അധ്യക്ഷനായി.
മാള ഗ്രാമപഞ്ചായത്ത് പ്രസിഡന്റ് പി.കെ സുകുമാരന്‍, ബ്ലോക്ക് പഞ്ചായത്ത് മെമ്പര്‍ ടി.പി രവീന്ദ്രന്‍, കൃഷി ഓഫിസര്‍ ജോര്‍ജ് പ്രശാന്ത്, എം.കെ അനില്‍, പി.എസ് ശ്രീജിത്, ടി.എം ബാബു, ജോര്‍ജ് നെല്ലിശ്ശേരി, ഷെയ്ക് ബാബു, എന്‍.എസ് സനൂഷ എന്നിവര്‍ പ്രസംഗിച്ചു. സംസ്ഥാന കൃഷി വകുപ്പുമായി സഹകരിച്ച് പത്താം തീയതി മുതല്‍ പഴം പച്ചക്കറി മാര്‍ക്കറ്റ് ആരംഭിക്കുമെന്ന് പ്രസിഡന്റ് അറിയിച്ചു.