ദുബൈ: ഇന്ന് രാജ്യത്തെ കാലാവസ്ഥ തെളിഞ്ഞതോ, ഭാഗികമായി മേഘാവൃതമോ ആയിരിക്കുമെന്ന് ദേശീയ കാലാവസ്ഥാ കേന്ദ്രം (എന്‍.സി.എം) അറിയിച്ചു. യു.എ.ഇ ഏറ്റവും ഉയര്‍ന്ന ചൂടിന്റെ കാലഘട്ടത്തിലാണെങ്കിലും, മഴയ്ക്കുള്ള സാധ്യത തുടരുകയാണ്. മഴയ്ക്ക് കാരണമായേക്കാവുന്ന സംവഹന മേഘങ്ങള്‍ രൂപപ്പെടുമെന്ന് കാലാവസ്ഥാ അധികൃതര്‍ പ്രവചിക്കുന്നു.

കൂടാതെ, പൊടിപടലങ്ങള്‍ തെക്കുകിഴക്ക് മുതല്‍ വടക്കുകിഴക്ക് ദിശകള്‍ വരെ മണിക്കൂറില്‍ 10 മുതല്‍ 25 കിലോ മീറ്റര്‍ വരെ വേഗത്തില്‍ വീശുകയും, ഇത് പരമാവധി 40 കിലോ മീറ്റര്‍ വരെ ആവുകയും ചെയ്യാമെന്ന് എന്‍.സി.എം പ്രസ്താവിച്ചു. അറേബ്യന്‍ ഗള്‍ഫ്ഒമാന്‍ കടല്‍ ശാന്തമായിരിക്കും.

അതിനിടെ, അബൂദബി അല്‍ ദഫ്രയിലെ മസെയ്‌റയില്‍ ഇന്നലെ രേഖപ്പെടുത്തിയ ഏറ്റവും ഉയര്‍ന്ന താപനില 48.7ത്ഥ സെല്‍ഷ്യസ് ആയിരുന്നു. ഓഗസ്റ്റ് ഒന്നിന് രാജ്യം ഈ വര്‍ഷം ഇതുവരെയുള്ളതില്‍ വച്ചേറ്റവും ഉയര്‍ന്ന താപനില രേഖപ്പെടുത്തിയിരുന്നു. അന്ന് മെര്‍ക്കുറി 51.8ത്ഥ സെല്‍ഷ്യസ് ആയി ഉയര്‍ന്നിരുന്നു.

അതേസമയം അബൂദബിയുടെ ചില ഭാഗങ്ങളില്‍ വേനല്‍ മഴ പെയ്യുന്നതിനാല്‍ റോഡുകളില്‍ ജാഗ്രത പാലിക്കണമെന്ന് അബൂദബി പൊലിസ് വാഹനമോടിക്കുന്നവരോട് ആവശ്യപ്പെട്ടു. മഴയുള്ള കാലാവസ്ഥ കാരണം കൂടുതല്‍ ജാഗ്രത പാലിക്കാനും, ഇലക്ട്രോണിക് ഇന്‍ഫര്‍മേഷന്‍ ബോര്‍ഡുകളില്‍ പ്രദര്‍ശിപ്പിച്ചിരിക്കുന്ന മാറിക്കൊണ്ടിരിക്കുന്ന വേഗ പരിധികള്‍ ശ്രദ്ധിക്കാനും ഡ്രൈവര്‍മാര്‍ക്ക് നിര്‍ദേശം നല്‍കിയതായും അധികൃതര്‍ സോഷ്യല്‍ മീഡിയ പ്ലാറ്റ്‌ഫോമില്‍ അറിയിച്ചു.

പ്രധാനമായും അബൂദബി എമിറേറ്റിലെ കിഴക്കന്‍തെക്കന്‍ പ്രദേശങ്ങളില്‍ ഇന്ന് ഉച്ച 2.30 മുതല്‍ രാത്രി 8 വരെ മഴ സാധ്യതയുള്ളതായി ദേശീയ കാലാവസ്ഥാ കേന്ദ്രം (എന്‍.സി.എം) മുന്നറിയിപ്പ് നല്‍കി. യെല്ലോ അലേര്‍ട്ടും പുറപ്പെടുവിച്ചു.

വേനല്‍ ശക്തമായി നില്‍ക്കുമ്പോഴും, കഴിഞ്ഞ ആഴ്ച രാജ്യത്തിന്റെ ചില ഭാഗങ്ങളില്‍ മഴ പെയ്തു. ഞയായറാഴ്ച അല്‍ ഐനില്‍ കനത്ത മഴയാണ് ലഭിച്ചത്. യു.എ.ഇ കാലാവസ്ഥാ നിരീക്ഷക സോഷ്യല്‍ മീഡിയ അക്കൗണ്ടായ സ്റ്റോം സെന്ററില്‍ പോസ്റ്റ് ചെയ്ത വിഡിയോകള്‍ ഞായറാഴ്ച അല്‍ ഐനിന്റെ കിഴക്കന്‍ പ്രദേശങ്ങളില്‍ കനത്ത മഴ പെയ്യുന്നത് കാണിച്ചു. തെക്കുകിഴക്ക് നിന്നുള്ള താഴ്ന്ന അന്തരീക്ഷ മര്‍ദ സാഹചര്യങ്ങള്‍ അറബിക്കടലില്‍ നിന്ന് ഈര്‍പ്പം നിറഞ്ഞ വായു കൊണ്ടുവരുന്നത് മൂലമാകാം മഴയ്ക്ക് കാരണമെന്ന് എന്‍.സി.എം അഭിപ്രായപ്പെട്ടു.

ALSO READ: യുഎഇയുടെ ജിഡിപി 4.4% ഉയരുമെന്ന് റിപ്പോര്‍ട്ട്; അടുത്ത വര്‍ഷം 5.4% വര്‍ധനവെന്നും സെന്‍ട്രല്‍ ബാങ്ക് | UAE GDP

UAE NCM hannounced that the weather in the country will be clear or partly cloudy today