ബെൻസ് എന്ന വാഹന ബ്രാന്റിനെ അറിയാത്തവർ ലോകത്ത്  തന്നെ ചുരുക്കമായിരിക്കും. കൊച്ചു കുട്ടി മുതൽ പ്രായമായവർ വരെ കാറുകളെ കുറിച്ച് ഓർക്കുമ്പോൾ ആദ്യം മനസ്സിൽ വരുന്ന ബ്രാന്റുകളിൽ ഒന്നാണ് ജർമൻ വാഹന നിർമ്മാതാക്കാളായ മെഴിസിഡസ് ബെൻസ്. 

ബെൻസ് വാഹന ലൈനപ്പിൽ ഏറ്റവും കൂടുതൽ യുവാക്കൾ ഫാൻസുള്ള മോഡൽ ഏതാണെന്ന് ചോദിച്ചാൽ ഒരറ്റ ഉത്തരമേ ഉണ്ടാകൂ, അത് ബെൻസ് ജി വാഗണായിരിക്കും. ലോകത്ത് ബെൻസ് കാറുകൾ വിൽക്കുന്ന മിക്ക രാജ്യങ്ങളിലും ജി വാഗണും ബെൻസ് വില്പന നടത്തുന്നുണ്ട്. ജി വാഗൺ സമ്മാനിക്കുന്ന മാഫിയ ലുക്കും ആഡംബരവും ശക്തമായ പ്രകടനം കാഴ്ച്ചവെക്കുന്ന എൻജിനുമാണ് ഈ വാഹനത്തിന് ഇത്രയധികം ഫാൻസ്‌ ഉണ്ടാകാൻ കാരണം.

ALSO READ: ഡാർക്ക് എഡിഷൻ കാറുകൾക്ക് ആരാധകരുണ്ടോ? 15 ലക്ഷത്തിനുള്ളിൽ ലഭിക്കുന്ന നാല് കാറുകൾ

 

 

എന്തായാലും വാഹന ലോകത്ത് വലിയൊരു നാഴികക്കല്ല് പിന്നിട്ടിരിക്കുകയാണ് ബെൻസ് ജി വാഗൺ ഇപ്പോൾ. 2025 ഓഗസ്റ് മാസത്തോട് കൂടി ലോകത്ത് 6 ലക്ഷം ജി വാഗണുകൾ എന്ന വലിയൊരു സംഖ്യ പിന്നിട്ടിരിക്കുകയാണ് ബെൻസ്. ഓസ്ട്രിയയിലെ ഗ്രാസിലുള്ള ഫാക്ടറിയിൽ നിന്നാണ്  6 ലക്ഷം തികച്ച ജി വാഗൺ പുറത്തിറങ്ങിയത്.

ALSO READ: ഇൻഷുറൻസ് ഇല്ലാതെ വാഹനം റോഡിലിറക്കിയാൽ പണി പാളും; പിഴ തുക മൂന്ന് മുതൽ അഞ്ചിരട്ടി വരെയായി ഉയരും

 

 

ALSO READ: ജൂലൈയിൽ ഏറ്റവും കൂടുതൽ വിറ്റഴിക്കപ്പെട്ട കാറുകൾ; ക്രെറ്റയെ പിന്നിലാക്കി മാരുതിയുടെ സൂപ്പർ താരം; മൈലേജ് തന്നെ മുഖ്യം
 
1979 മുതലാണ് ജി വാഗൺ  പ്രൊഡക്ഷൻ ആരംഭിച്ചത്. 2020 ഡിസംബറിൽ 4 ലക്ഷം ജി വാഗൺ വാഹനങ്ങൾ എന്ന നാഴികക്കല്ല് ബെൻസ് പിന്നിട്ടിരുന്നു. ലോകത്ത് ഏറ്റവും കൂടുതൽ കാലം പ്രോഡെക്ഷൻ ടൈം  ഉള്ള ഒരു വാഹനം കൂടിയാണ് ജി വാഗൺ.  ഈ അടുത്ത് ജി വാഗൺ ലൈനപ്പിൽ ഇലക്ട്രിക് ജി വാഗണും കൂടി ബെൻസ്  ഉൾപ്പെടുത്തിയിരുന്നു എന്തായാലും 6 ലക്ഷം എന്ന സംഖ്യ ലോക വാഹന വിപണിയെ സംബന്ധിച്ചെടുത്തോളം വലിയൊരു സംഖ്യ തന്നെയാണ്‌.

The iconic Mercedes G-Wagon has crossed a historic milestone, with over 600,000 vehicles produced, cementing its legacy as a symbol of luxury and off-road prowess.