മാരുതി സുസുക്കിയുടെ പ്രീമിയം വാഹന വിഭാഗമായ നെക്സ ഷോറൂമുകൾ ഉപഭോക്താക്കൾക്കായി കിടിലൻ ഓഫറുകളുമായി എത്തിയിരിക്കുന്നു. ഇഗ്നിസ്, ബലേനോ, ഫ്രോങ്ക്സ്, ഗ്രാൻഡ് വിറ്റാര, XL6, ഇൻവിക്ടോ, ജിംനി, സിയാസ് തുടങ്ങിയ ജനപ്രിയ മോഡലുകൾക്ക് 1.55 ലക്ഷം രൂപ വരെ കിഴിവും എക്സ്റ്റൻഡഡ് വാറന്റി ഉൾപ്പെടെയുള്ള ആനുകൂല്യങ്ങളും ഇപ്പോൾ ലഭ്യമാണ്.

ഇഗ്നിസ്: കുഞ്ഞൻ ഹാച്ച്ബാക്കിന് 75,000 രൂപ വരെ ഓഫർ

നെക്സയുടെ ഏറ്റവും ചെറിയ ഹാച്ച്ബാക്ക് മോഡലായ ഇഗ്നിസിന് മാനുവൽ ട്രാൻസ്മിഷൻ വേരിയന്റിന് 25,000 രൂപയും ഓട്ടോമാറ്റിക് വേരിയന്റിന് 30,000 രൂപയും കൺസ്യൂമർ ഓഫറായി ലഭിക്കും. ഇതിനു പുറമെ, 20,000 രൂപയുടെ പ്രത്യേക ഓണം ഓഫറും 20,000 രൂപയുടെ എക്സ്ചേഞ്ച് ബോണസും ഉൾപ്പെടെ മൊത്തം 75,000 രൂപ വരെ കിഴിവ് ലഭ്യമാണ്.

ബലേനോ: 90,000 രൂപയുടെ ആനുകൂല്യവും കിറ്റും

ഏഴ് വേരിയന്റുകളിലായി പെട്രോൾ, സിഎൻജി ഓപ്ഷനുകളിൽ ലഭ്യമായ ബലേനോയ്ക്ക് 90,000 രൂപ വരെ കിഴിവാണ് നെക്സ പ്രഖ്യാപിച്ചിരിക്കുന്നത്. കൺസ്യൂമർ ഓഫറിനൊപ്പം കിറ്റും ലഭിക്കുന്നു എന്നതാണ് ഈ ഓഫറിന്റെ പ്രത്യേകത.

ഫ്രോങ്ക്സ്: 1.15 ലക്ഷം രൂപ വരെ കിഴിവ്

സബ്-4 മീറ്റർ എസ്‌യുവി വിഭാഗത്തിൽ മികച്ച വിൽപ്പന നേടുന്ന ഫ്രോങ്ക്സിന് 1.2 ലിറ്റർ നാച്ചുറലി ആസ്പിറേറ്റഡ്, 1 ലിറ്റർ ടർബോ എഞ്ചിൻ ഓപ്ഷനുകളിൽ 1.15 ലക്ഷം രൂപ വരെ ഓഫർ ലഭിക്കും. 1.2 ലിറ്റർ മോഡലിന് 55,000 രൂപയാണ് കിഴിവ്. ടർബോ വേരിയന്റിന് 1.15 ലക്ഷം രൂപയിലും കിഴിവ് ലഭ്യമാണ്. എക്സ്‌ഷോറൂം വില 7.55 ലക്ഷം മുതൽ 12.91 ലക്ഷം രൂപ വരെയാണ്.

ALSO READ: സ്വാതന്ത്ര്യദിനത്തിൽ മാംസ വിൽപ്പനയ്ക്ക് നിരോധനം: ഉത്തരവിനെതിരെ മട്ടൺ വിളമ്പി പ്രതിഷേധിക്കുമെന്ന് എൻസിപി

ഗ്രാൻഡ് വിറ്റാര: 1.55 ലക്ഷം രൂപയുടെ റെക്കോർഡ് ഓഫർ
ഹൈബ്രിഡ് കരുത്തുള്ള ഗ്രാൻഡ് വിറ്റാരയ്ക്കാണ് ഈ ഓണക്കാലത്തെ ഏറ്റവും വലിയ ഓഫർ. 1.55 ലക്ഷം രൂപയുടെ കിഴിവിനൊപ്പം എക്സ്റ്റൻഡഡ് വാറന്റിയും ലഭിക്കും. വേരിയന്റിനെ ആശ്രയിച്ച് 11.42 ലക്ഷം മുതൽ 20.68 ലക്ഷം രൂപ വരെയാണ് എക്സ്‌ഷോറൂം വില.

ALSO READ: 33 കിലോമീറ്റർ മൈലേജ്: എന്നിട്ടും മാരുതിയുടെ ഈ മോഡലിന്റെ വില്പന കുറഞ്ഞു; പുതിയ എഞ്ചിനിലേക്കുള്ള മാറ്റമാണോ കാരണം?

XL6: ഫാമിലി എംപിവിക്ക് 30,000 രൂപ കിഴിവ്

ഏഴ് സീറ്റുകളുള്ള XL6 എംപിവിക്ക് 30,000 രൂപയുടെ ഓഫർ ലഭിക്കും. കുടുംബയാത്രകൾക്ക് അനുയോജ്യമായ ഈ പ്രീമിയം മോഡൽ മികച്ച ഓപ്ഷനാണ്.

ജിംനി: ഓഫ്‌റോഡ് പ്രേമികൾക്ക് 1.20 ലക്ഷം രൂപ ഓഫർ

മാരുതി സുസുക്കിയുടെ ജിംനിക്ക് 1.20 ലക്ഷം രൂപയുടെ കിഴിവാണ് ലഭിക്കുന്നത്. ഓഫ്‌റോഡ് ശേഷിയിൽ മികവ് പുലർത്തുന്ന ഈ മോഡൽ ലുക്കിലും പ്രവർത്തനത്തിലും ഒരുപോലെ ശ്രദ്ധേയമാണ്.

ഇൻവിക്ടോ: 1.40 ലക്ഷം രൂപ വരെ കിഴിവ്

ടൊയോട്ടയുമായി സഹകരിച്ച് നിർമിച്ച ഇൻവിക്ടോയ്ക്ക് 1.40 ലക്ഷം രൂപ വരെ ഓഫർ ലഭിക്കും. ഈ പ്രീമിയം എംപിവിയും മികച്ച ഡീലാണ്.

സിയാസ്: ജനപ്രിയ സെഡാന് 1.25 ലക്ഷം രൂപ കിഴിവ്

മാരുതിയുടെ എക്കാലത്തെയും ജനപ്രിയ സെഡാൻ മോഡലായ സിയാസിന്റെ സിഗ്മ, ഡെൽറ്റ, സീറ്റ, ആൽഫ വേരിയന്റുകൾക്ക് 1.25 ലക്ഷം രൂപ വരെ കിഴിവ് ലഭ്യമാണ്. കൂടുതൽ വിവരങ്ങൾക്കും ടെസ്റ്റ് ഡ്രൈവിനുമായി അടുത്തുള്ള നെക്സ ഷോറൂമുമായി ബന്ധപ്പെടുക.

 

 

 

This Onam, Nexa showrooms offer exciting discounts of up to ₹1.55 lakh on popular Maruti Suzuki models like Ignis, Baleno, Fronx, Grand Vitara, XL6, Invicto, Jimny, and Ciaz, along with extended warranties and exclusive gifts.