മലപ്പുറം: വണ്ടൂര്‍ സ്വദേശിയായ പ്രവാസി വിപി മുഹമ്മദലിയെ തട്ടിക്കൊണ്ടു പോയവരെ പൊലിസ് കണ്ടെത്തി. കോതകുറിശ്ശിയില്‍ നിന്നാണ് പൊലിസ് ഇദ്ദേഹത്തെ കണ്ടെത്തിയത്. ഇയാളെ ഒരു വീട്ടില്‍ തടവില്‍ പാര്‍പ്പിച്ചിരിക്കുകയായിരുന്നു. അക്രമികള്‍ ഉറങ്ങിയ സമയം നോക്കി വീട്ടില്‍ നിന്ന് ഇറങ്ങിയോടി പൊലിസിനെ വിളിക്കുകയായിരുന്നു അദ്ദേഹം. ബിസിനസ് രംഗത്തെ വൈരാഗ്യമാണ് കാരണമെന്ന് വ്യവസായി പറഞ്ഞു.

മലപ്പുറം വണ്ടൂര്‍ സ്വദേശിയാണ് പ്രവാസിയായ വ്യവസായി വിപി മുഹമ്മദലി. ഇയാളെ തോക്ക് ചൂണ്ടിയായിരുന്നു തട്ടിക്കൊണ്ടു പോയത്. സംഭവത്തില്‍ പൊലിസ് അന്വേഷണം ഊര്‍ജിതമാക്കിയിരുന്നു. ഷൊര്‍ണൂര്‍ ഡിവൈഎസ്പിയുടെ നേതൃത്വത്തില്‍ ഏഴു സംഘങ്ങളായാണ് തിരച്ചില്‍ നടത്തിയിരുന്നത്. തൃശൂര്‍ റേഞ്ച് ഐജി, പാലക്കാട് ജില്ലാ പൊലിസ് മേധാവി എന്നിവരാണ് അന്വേഷണത്തില്‍ മേല്‍നോട്ടം വഹിച്ചിരുന്നത്. പ്രദേശത്തെ സിസിടിവി ദൃശ്യങ്ങളും പൊലിസ് ശേഖരിച്ചിരുന്നു.

 ALSO READ: ടയര്‍ പഞ്ചറായി ബൈപാസില്‍ നിര്‍ത്തിയിട്ടിരുന്ന ലോറിക്ക് പിന്നില്‍ ബൈക്ക് ഇടിച്ചുകയറി, യുവാവിന് ദാരുണാന്ത്യം

ഇന്നലെ വൈകീട്ട് ആറരയോടെയായിരുന്നു തിരുമിറ്റക്കോട് കോഴിക്കാട്ടിരി പാലത്തിനു സമീപത്ത് സംഭവം നടന്നത്. കൂറ്റനാട് ഭാഗത്ത് നിന്നും ആറങ്ങോട്ടുകര ഭാഗത്തേക്ക് പോവുകയായിരുന്ന വ്യവസായിയുടെ വാഹനത്തെ ഒരു സംഘം തടഞ്ഞു നിര്‍ത്തിക്കുകയായിരുന്നു. പിന്നീട് തോക്ക് കാണിച്ച് ഭീഷണിപ്പെടുത്തിയ സംഘം വ്യവസായിയെ കാറില്‍ കയറ്റി തട്ടിക്കൊണ്ടു പോവുകയും ചെയ്തു.

Police located V.P. Muhammed Ali, an NRI businessman from Wandur, who had been abducted at gunpoint. He was found in Kothakurissi, confined inside a house. Taking advantage of the abductors falling asleep, he escaped from the house and contacted the police. Muhammed Ali stated that business-related hostility was the reason behind the abduction.

The businessman was kidnapped near the Kozhikkattiri bridge at Thirumittacode around 6:30 p.m. yesterday. A group of men intercepted his vehicle while he was travelling from Kootanad towards Arangottukara and forced him into their car after threatening him with a gun.