കൊല്ലം: കൊല്ലം കുരീപ്പുഴയില്‍ മത്സ്യബന്ധന ബോട്ടുകള്‍ക്ക് തീ പിടിച്ചു. തീ പിടിച്ചത് നങ്കൂരമിട്ടിരുന്ന ബോട്ടുകള്‍ക്കായിരുന്നു . പത്തിലധികം ബോട്ടുകളാണ് കത്തി നശിച്ചത്. തീ അണയ്ക്കാനുള്ള ശ്രമങ്ങള്‍ തുടരുകയാണ്. സ്ഥലപരിമിതി മൂലം രക്ഷാപ്രവര്‍ത്തകര്‍ക്ക് സ്ഥലത്ത്് എത്താന്‍ കഴിയുന്നില്ല. രണ്ടാഴ്ചമുമ്പും സമാനമായ രീതിയില്‍ തന്നെ തീപിടിത്തമുണ്ടായിരുന്നു. 20ല്‍ അധികം ഗ്യാസ് സിലിണ്ടറുകള്‍ക്കാണ് തീ പിടിച്ചിരിക്കുന്നത്.

നാട്ടുകാര്‍ ബോട്ടുകളുടെ കെട്ടഴിച്ചു വട്ടതോടെ കൂടുതല്‍ അപകടങ്ങള്‍ ഒഴിവായി. തീ പിടിച്ചിരിക്കുന്നതിന്റെ കാരണം വ്യക്തമായിട്ടില്ല. തിരുവനന്തപുരം പുഴയൂര്‍ സ്വദേശികളുടേതാണ് ഭൂരിഭാഗം ബോട്ടുകളും . കത്തിയ ചില ബോട്ടുകള്‍ ഒഴുകിപ്പോവുകയും ചെയ്തു.

 ഭക്ഷണം പാകം ചെയ്യുന്നതിനിടയിലാണ് തീപിടിച്ചതെന്നാണ് പ്രാഥമിക നിഗമനമെങ്കിലും കാരണം വ്യക്തമായിട്ടില്ല. നിരവധി ബോട്ടുകളും ഒരു ഫൈബര്‍ വള്ളവും അടുപ്പിച്ച സ്ഥലത്താണ് അഗ്‌നിബാധയുണ്ടായത്. തീ പടര്‍ന്നതോടെ 8 ബോട്ടുകള്‍ സ്ഥലത്തുനിന്ന് മാറ്റാനായത് അപകടത്തിന്റെ വ്യാപ്തി കുറച്ചു. സമീപത്തുള്ള ചീനവലകള്‍ക്കും തീപിടിച്ചിട്ടുണ്ട്.

ALSO READ: പാലക്കാട് നിന്നു തട്ടിക്കൊണ്ടു പോയ മലപ്പുറത്തെ വ്യവസായിയെ കണ്ടെത്തി പൊലിസ്; പ്രതികള്‍ ഉറങ്ങിയപ്പോള്‍ ഇറങ്ങിയോടി പൊലിസിനെ വിവരമറിയിച്ചു

രാത്രി ഗ്യാസ് സിലിണ്ടര്‍ പൊട്ടിത്തെറിച്ചാണ് തീ പടര്‍ന്നത് എന്നാണ് നാട്ടുകാര്‍ പറയുന്നത്. രക്ഷാപ്രവര്‍ത്തനം വൈകിയതും നാശനഷ്ടം വര്‍ധിപ്പിച്ചു. ഈ പ്രദേശത്തേക്ക് വഴിയില്ലാത്തതും പൊലിസുള്‍പ്പെടെയുള്ളവര്‍ക്ക് പ്രദേശത്ത് എത്താന്‍ വൈകിപ്പിച്ചു. 

A major fire broke out at Kureepuzha in Kollam, destroying more than ten anchored fishing boats. Efforts to extinguish the fire are still underway, but restricted access to the site has made rescue operations difficult. More than 20 gas cylinders also caught fire, increasing the intensity of the blaze. A similar fire incident had occurred in the same area two weeks ago. Local residents helped prevent a bigger disaster by untying boats and letting them drift away from the flames. Most of the affected boats belong to fishermen from Puzhayoor in Thiruvananthapuram. Some of the burning boats drifted into the water due to the fire.