കുവൈത്ത് സിറ്റി: ലോകമെമ്പാടുമുള്ള സഞ്ചാരികളുടെ വ്യത്യസ്ത ആവശ്യങ്ങള്‍ നിറവേറ്റുന്നതിനായി നാല് കാറ്റഗറികളു
ള്ള പുതിയ ടൂറിസ്റ്റ് വിസകള്‍ അവതരിപ്പിച്ച് കുവൈത്ത്. പുതിയ സംവിധാനത്തിന് കീഴില്‍ വിവിധ വിഭാഗങ്ങള്‍ക്കുള്ള വിസ കാലാവധി, കാറ്റഗറികള്‍ അനുസരിച്ച് ഒരു മാസം മുതല്‍ (30 ദിവസം) ഒരു വര്‍ഷം (360 ദിവസം) വരെ ആണെന്ന് അധികൃതര്‍ അറിയിച്ചു. ഇതുസംബന്ധിച്ച് രൂപകല്‍പ്പന ചെയ്ത പുതിയ നാല് കാറ്റഗറി ടൂറിസ്റ്റ് വിസ ചട്ടക്കൂട് ഇന്നലെ ആണ് കുവൈത്ത് സര്‍ക്കാര്‍ പ്രഖ്യാപിച്ചത്. ഒരു പ്രാദേശിക ടൂറിസം കേന്ദ്രമെന്ന നിലയില്‍ കുവൈത്തിന്റെ സ്ഥാനം മെച്ചപ്പെടുത്തുന്നതിനും വ്യത്യസ്ത പ്രൊഫൈലുള്ള സന്ദര്‍ശകര്‍ക്ക് പ്രവേശന നടപടിക്രമങ്ങള്‍ കൂടുതല്‍ അയവുള്ളതാക്കുന്നതിനും ഉള്ള ശ്രമങ്ങളുടെ ഭാഗമാണ് ഈ മാറ്റങ്ങളെന്ന് അധികൃതര്‍ പറഞ്ഞു.

നാലു കാറ്റഗറി വിസകള്‍ 

ഒന്നാം കാറ്റഗറി: നിരവധി വിസ ഓപ്ഷനുകള്‍ വാഗ്ദാനം ചെയ്യുന്ന ശക്തമായ പാസ്‌പോര്‍ട്ടുകളും ശക്തമായ സാമ്പത്തിക സൂചകങ്ങളുമുള്ള രാജ്യങ്ങളില്‍നിന്നുള്ള വിസാ അപേക്ഷകര്‍ക്കാണ് ആദ്യ കാറ്റഗറി.

രണ്ടാം കാറ്റഗറി: ജിസിസി രാജ്യങ്ങളായ സഊദി അറേബ്യ, യുഎഇ, ഖത്തര്‍, ഒമാന്‍, ബഹ്‌റൈന്‍ എന്നിവിടങ്ങളില്‍നിന്നുള്ള പൗരന്മാര്‍ക്കും പ്രൊഫഷണല്‍ യോഗ്യതയുള്ള ജിസിസി നിവാസികള്‍ക്കും സാധുവായ യുഎസ്, ബ്രിട്ടണ്‍ അല്ലെങ്കില്‍ ഷെഞ്ചന്‍ വിസ കൈവശമുള്ള വ്യക്തികള്‍ക്കുമുള്ളതാണ് രണ്ടാം കാറ്റഗറിയില്‍പ്പെട്ട വിസ.

മൂന്നാം കാറ്റഗറി: സാമ്പത്തിക സ്റ്റേറ്റ്‌മെന്റും മതിയായ ഗ്യാരണ്ടികളുടെയും തെളിവ് അവതരിപ്പിക്കാന്‍ വ്യവസ്ഥയുള്ള രാജ്യങ്ങളില്‍നിന്നുള്ളവര്‍ക്കാണിത്. പുതിയ റിപ്പോര്‍ട്ടുകള്‍ അനുസരിച്ച് ഇന്ത്യന്‍ അപേക്ഷകര്‍ മൂന്നാമത്തെ കാറ്റഗറിയില്‍പ്പെട്ടവരാണ്.

നാലാം കാറ്റഗറി: ഓരോ അവസരത്തിനും പ്രത്യേക വ്യവസ്ഥകളോടെ കുവൈത്തിലെ പരിപാടികളിലും പ്രവര്‍ത്തനങ്ങളിലും പങ്കെടുക്കുന്ന സന്ദര്‍ശകരെയാണ് ഈ കാറ്റഗറിയില്‍ ഉള്‍പ്പെടുത്തുക. ഒരു വര്‍ഷത്തേക്ക് സാധുതയുള്ള മള്‍ട്ടിപ്പിള്‍ എന്‍ട്രി വിസയും ഇതില്‍ ഉള്‍പ്പെടുന്നു.

ALSO READ: പ്രവാസികള്‍ക്ക് നാട്ടിലേക്ക് പണമയക്കാന്‍ പറ്റിയ സമയം; രൂപ താഴ്ന്ന നിലയില്‍ | രൂപയും ഗള്‍ഫ് കറന്‍സികളും തമ്മിലെ ഇന്നത്തെ നിരക്ക് ഇങ്ങനെ | SAR, AED, QAR, KWD, BHD, OMR, vs Indian Rupee

The Kuwaiti government has announced a new four-category tourist visa framework designed to cater to the varying needs of travelers from around the world. Under the new system, visa validity for the various categories ranges from 30 days to 360 days, depending on the visa type.