വറൈറ്റി ആണല്ലോ ഇപ്പോ തരംഗം. ഈ ഓണത്തിന് വറൈറ്റിയായി ഒരു പായസം തയാറാക്കാം. പേരയ്ക്കാ കൊണ്ടാണ് ഇന്നത്തെ പായസം.  പേരയ്ക്കാ പായസം നല്ല രുചിയുള്ള പായസവുമാണ്. 

പേരയ്ക്ക- 4
ചുക്ക് - ഒരു നുള്ള്

വറുത്ത എള്ള് -2 സ്പൂണ്‍
അണ്ടി പരിപ്പ് -10
ബദാം-8

ശര്‍ക്കര-ഒരു കപ്പ്
നെയ്യ് - ഒരു ടേബിള്‍ സ്പൂണ്‍
മില്‍ക് മെയ്ഡ് -3 ടേബിള്‍ സ്പൂണ്‍
പാല്‍- 3 കപ്പ്

 ALSO READ: പ്രാതലിന് ഒരു ഹെല്‍ത്തി ഫുഡ്; സേമിയ കൊണ്ടുള്ള അടിപൊളി റെസിപ്പിയാണിത്

ഉണ്ടാക്കുന്ന വിധം

നന്നായി പഴുത്ത പേരക്ക എടുക്കരുത്. പഴുത്തു തുടങ്ങുന്ന മൂത്ത പേരയ്ക്കയാണ് വേണ്ടത്. ഇത് കഴുകി ഇതിന്റെ ഉള്ളിലെ കുരുവൊക്കെ ഒഴിവാക്കി ഫ്‌ളെഷ് മാത്രം എടുക്കുക. ഒന്ന് വേവിച്ച ശേഷം മിക്‌സിയിലടിക്കുക. ശര്‍ക്കര പാനിയാക്കി വയ്ക്കുക. 

ഒരു പാന്‍ ചൂടാക്കി ഇതിലേക്ക് നെയ്യൊഴിച്ച് അണ്ടി, മുന്തിരി വഴറ്റുക. അതിലേക്ക് അരച്ചുവച്ച പേരക്ക ഇട്ട് നന്നായി വഴറ്റിക്കൊടുക്കുക. ശേഷം ശര്‍ക്കര പാനി ഒഴിച്ചുകൊടുക്കുക. ശേഷം പാലും കൂടെ ചേര്‍ത്ത് തിളപ്പിക്കുക. തിളച്ചു കഴിയുമ്പോള്‍ ഏലയ്ക്കാ പൊടിയും അല്‍പംചുക്കു പൊടിയും ചേര്‍ക്കുക. 

വേറൊരു പാനില്‍ ഒരു സ്പൂണ്‍ നെയ്യൊഴിച്ച് അതിലേക്ക് തേങ്ങാ കൊത്തിട്ട് വറക്കുക. അതിലേക്ക് കുറച്ച് ബദാം പൊടിച്ചതുമിട്ട് വഴറ്റുക. ഇത് മുകളില്‍ വിതറി ചൂടോടെ വിളമ്പാം. അടിപൊളി രുചിയില്‍ പായസം റെഡി. 

This Onam, bring a tasty twist to your festive feast with a variety payasam made from guava. Guava Payasam is a flavorful and unique dessert that stands out from the usual traditional sweets. With variety and innovation being the trend this season, this fruity payasam is a perfect addition to surprise your guests with something different yet delicious.