ഇംഗ്ലീഷ് പ്രീമിയർ ലീഗിൽ ന്യൂകാസ്റ്റിൽ യുണൈറ്റഡിനെതിരെ ആവേശകരമായ വിജയമാണ് ലിവർപൂൾ സ്വന്തമാക്കിയത്. ന്യൂകാസ്റ്റിൽ യുണൈറ്റഡിന്റെ തട്ടകത്തിൽ നടന്ന മത്സരത്തിൽ രണ്ടിനെതിരെ മൂന്ന് ഗോളുകൾക്കായിരുന്നു ലിവർപൂളിന്റെ വിജയം. മത്സരത്തിന്റെ ഇഞ്ചുറി ടൈമിൽ യുവതാരം റിയോ എൻഗുമോഹയാണ് ലിവർപൂളിനെ വിജയത്തിൽ എത്തിച്ചത്. മത്സരം സമനിലയിൽ അവസാനിക്കുമെന്ന് തോന്നിച്ച നിമിഷമായിരുന്നു ലിവർപൂളിന്റെ 16കാരന്റെ ഗോൾ പിറന്നത്. 

ഇതോടെ ഇംഗ്ലീഷ് പ്രീമിയർ ലീഗിൽ ഗോൾ നേടുന്ന ഏറ്റവും പ്രായം കുറഞ്ഞ നാലാമത്തെ താരമായും റിയോ മാറി. 16 വയസ്സും 361 ദിവസവും പ്രായമുള്ളപ്പോഴാണ് താരം ഈ നേട്ടം സ്വന്തമാക്കിയിരിക്കുന്നത്. ജെയിംസ് വോൺ, ജെയിംസ് മിൽനർ വെയ്ൻ റൂണി എന്നിവർക്ക് ശേഷമാണ് താരം ഈ നേട്ടം സ്വന്തമാക്കിയിരിക്കുന്നത്. ഇതിനുപുറമേ ലിവർപൂളിനായി ഗോൾ നേടുന്ന ഏറ്റവും പ്രായം കുറഞ്ഞ താരമായും റിയോ മാറി.

അതേസമയം മത്സരത്തിൽ ലിവർപൂളിനുവേണ്ടി റയാൻ ഗ്രാവൻബെർച്ച്, ഹ്യുഗോ എകിറ്റികെ എന്നിവരാണ് മറ്റു രണ്ടു ഗോളുകൾ നേടിയത്. ന്യൂകാസ്റ്റിൽ യുണൈറ്റഡിനു വേണ്ടി ബ്രൂണോ ഗുയിമാറാസ്, വില്യം ഒസുല എന്നിവരാണ് ഗോൾ നേടിയത്. മത്സരത്തിലെ ആദ്യ പകുതിയിലെ ഇഞ്ചുറി ടൈമിൽ  നോക്കാസ്റ്റിൽ യുണൈറ്റഡ് താരം ആന്റണി ഗോൾഡൻ ചുവപ്പുകാർഡ് കണ്ടു പുറത്തായിരുന്നു. ബാക്കിയുള്ള നിമിഷങ്ങളിൽ 10 താരങ്ങളുമായാണ് ന്യൂകാസ്റ്റിൽ യുണൈറ്റഡ് പന്ത് തട്ടിയത് ഈ അവസരം ലിവർപൂളിന് മുതലാക്കാനും സാധിച്ചു. 

നിലവിൽ ഇംഗ്ലീഷ് പ്രീമിയർ ലീഗിന്റെ പോയിന്റ് പട്ടികയിൽ മൂന്നാം സ്ഥാനത്താണ് ലിവർപൂൾ. രണ്ടു മത്സരങ്ങളും വിജയിച്ച് ആറു പോയിന്റോടെയാണ് ലിവർപൂൾ മൂന്നാം സ്ഥാനത്ത് തുടരുന്നത്. മറുഭാഗത്ത് രണ്ടു മത്സരങ്ങളിൽ നിന്നും ഓരോ വിജയവും സമനിലയുമായി ഒരു പോയിന്റോടെ പതിനഞ്ചാം സ്ഥാനത്താണ് ന്യൂകാസ്റ്റിൽ യുണൈറ്റഡ്. 

ഇംഗ്ലീഷ് പ്രീമിയർ ലീഗിൽ ഓഗസ്റ്റ് 31ന് ആഴ്സണലിനെതിരെയാണ് ലിവർപൂളിന്റെ അടുത്ത മത്സരം. ലിവർപൂളിന്റെ തട്ടകമായ ആൺഫീൽഡ് സ്റ്റേഡിയത്തിലാണ് മത്സരം നടക്കുക. മറുഭാഗത്ത് ആഗസ്റ്റ് 30ന് നടക്കുന്ന മത്സരത്തിൽ ലീഡ്സ് യുണൈറ്റഡ് ആണ് ന്യൂകാസ്റ്റിലിന്റെ എതിരാളികൾ.

Liverpool player rio ngumoha became the fourth youngest player to score a goal in the English Premier League.