ദുബൈ: വേനലവധിക്കാലം കഴിഞ്ഞ് യുഎഇയിലെ സ്‌കൂളുകൾ തുറന്നപ്പോൾ ഹാജർ നിലയിൽ വലിയ തോതിലുള്ള കുറവ്. 35 ശതമാനം വരെയാണ് ഹാജറിൽ കുറവ് രേഖപ്പെടുത്തിയത്. ഇന്ത്യൻ സ്‌കൂളുകളിലാണ് ഏറ്റവും കൂടുതൽ കുറവ് ഹാജർ രേഖപ്പെടുത്തിയത്. വിമാന ടിക്കറ്റ് നിരക്ക് കുത്തനെ ഉയർന്നതു മൂലം പ്രവാസി കുടുംബങ്ങൾ നാട്ടിൽ കുടുങ്ങിയതാണ് ഹാജറിൽ വലിയ തോതിൽ കുറവ് രേഖപ്പെടുത്താൻ കാരണം.

ALSO READ: ദിബ്ബ അൽ ഹിസ്ൻ കോട്ടയ്ക്ക് യുനെസ്‌കോ പൈതൃക പദവി തേടി ഷാർജ 

ഇതുമൂലം പത്ത്, പ്ലസ് വൺ ക്ലാസുകളിലെ വിദ്യാർത്ഥികൾക്ക് ക്ലാസുകൾ നഷ്ടപ്പെട്ടുകൊണ്ടിരിക്കുകയാണ്. റാസൽഖൈമയിലെ പല സ്‌കൂളുകളിലും ഒരാഴ്ച മുമ്പു തന്നെ പത്ത്, പ്ലസ് ടു ക്ലാസുകളിലെ വിദ്യാർത്ഥികൾക്ക് ഓൺലൈൻ വഴി സ്‌പെഷ്യൽ ക്ലാസുകൾ ആരംഭിച്ചിരുന്നു. സ്‌കൂളുകൾ തുറക്കുന്നത് മുതലെടുത്ത് സാധാരണ ടിക്കറ്റ് നിരക്കിനേക്കാൾ നാലിരട്ടിയിലേറെ നിരക്കാണ് പല വിമാനക്കമ്പനികളും ഈടാക്കുന്നത്.

കൊച്ചിയിൽ നിന്നും ദുബൈയിലേക്ക് വൺവേ ടിക്കറ്റിന് അമ്പതിനായിരം രൂപ വരെ മുടക്കാൻ തയ്യാറായാലും സീറ്റ് ലഭിക്കാത്ത അവസ്ഥയാണ്. ഇതനുസരിച്ച് നാലംഗ കുടുംബത്തിന് കേരളത്തിൽ നിന്ന് യുഎഇയിൽ തിരിച്ചെത്താൻ രണ്ട് ലക്ഷം വരെ മുടക്കേണ്ട അവസ്ഥയാണ് നിലവിൽ ഉള്ളത്. കണക്ഷൻ ഫ്‌ലൈറ്റുകൾ വഴി യുഎഇയിൽ തിരിച്ചെത്താമെന്ന് കരുതിയാൽ യാത്രാസമയം വളര ഏറെ വർധിക്കുമെന്ന സ്ഥിതിയാണുള്ളത്.

ALSO READ: യുഎസ് താരിഫ് പ്രാബല്യത്തിൽ വരുന്നതിനു മുന്നേ രൂപയുടെ മൂല്യം ഇടിഞ്ഞു; പ്രവാസികള്‍ക്ക് നാട്ടിലേക്ക് പണം അയക്കാന്‍ ഇതിലും മികച്ച സമയം സ്വപ്‌നങ്ങളില്‍ മാത്രം! 

സ്‌കൂൾ തുറക്കുന്ന സമയങ്ങളിൽ ടിക്കറ്റ് നിരക്ക് വർധിക്കാറുണ്ടെങ്കിലും സാധാരണ ഇത് സെപ്റ്റംബർ ആദ്യ വാരം കുറയാറുണ്ട്. എന്നാൽ ഇത്തവണ ഓണത്തിന് നാട്ടിൽ പോയി വരുന്ന പ്രവാസികളെ ലക്ഷ്യമിട്ട് ടിക്കറ്റ് നിരക്ക് കൂട്ടുകയാണ് പല വിമാനക്കമ്പനികളും. സെപറ്റംബർ പകുതിക്ക് ശേഷം മാത്രമേ ടിക്കറ്റ് നിരക്ക് കുറയൂ എന്നാണ് ട്രാവൽ ഏജൻസികൾ നൽകുന്ന സൂചന. ഈ സമയം ആകുമ്പോഴേക്കും ഏകദേശം മൂന്ന് ആഴ്ചത്തെ ക്ലാസുകൾ നഷ്ടപ്പെടും. 

പരീക്ഷ എഴുതാൻ വിദ്യാർത്ഥികൾക്ക് 75 ശതമാനം ഹാജറെങ്കിലും വേണമെന്നാണ് സിബിഎസ്ഇ, കേരള ബോർഡ് നിയമം. എന്നാൽ നാട്ടിലുള്ള വിദ്യാർത്ഥികൾക്ക് മതിയായ ഹാജർ ഇല്ലെങ്കിൽ പരീക്ഷ എഴുതാൻ അനുവദിക്കുമോ എന്ന ആശങ്ക രക്ഷിതാക്കൾക്കുണ്ട്. 

Expatriate families in the UAE are facing significant challenges returning home due to exorbitantly priced airline tickets and overcrowded connecting flights. With schools set to reopen, the surge in demand has driven up costs and limited seat availability, leaving many families unable to secure timely travel. Airlines are grappling with high operational costs and limited capacity, exacerbating the situation for travelers seeking to reunite in the UAE.