കോഴിക്കോട്: വടകരയിൽ ഷാഫി പറമ്പിൽ എം.പിയെ ഡി.വൈ.എഫ്.ഐ പ്രവർത്തകർ തടഞ്ഞതിനെതിരെ യു.ഡി.എഫ് ശക്തമായ പ്രതിഷേധവുമായി രംഗത്ത്. കെ.കെ. രമ എം.എൽ.എയുടെ നേതൃത്വത്തിൽ യു.ഡി.എഫ് പ്രവർത്തകർ വടകര പൊലിസ് സ്റ്റേഷനിലേക്ക് മാർച്ച് നടത്തി. മാർച്ചിനിടെ പ്രവർത്തകരും പൊലിസും തമ്മിൽ ഉന്തും തള്ളും ഉണ്ടായി. തുടർന്ന് കെ.കെ. രമ എം.എൽ.എയുടെ നേതൃത്വത്തിൽ പ്രവർത്തകർ പൊലിസ് സ്റ്റേഷന് മുന്നിൽ കുത്തിയിരുന്ന് പ്രതിഷേധിച്ചു.

ALSO READ: പുതിയ കാർ നിങ്ങളുടെതാണ്: നിർബന്ധമായും കാർ വാങ്ങുന്നവർ ശ്രദ്ധിക്കുക; PDI ചെയ്യാതെ ഡെലിവറി എടുക്കരുത്

ഷാഫി പറമ്പിൽ എം.പിയെ തടഞ്ഞ് അപമര്യാദയായി പെരുമാറിയ ഡി.വൈ.എഫ്.ഐ പ്രവർത്തകർക്കെതിരെ കർശന നടപടി സ്വീകരിക്കണമെന്ന് ആവശ്യപ്പെട്ടിട്ടുണ്ട്. അതേസമയം യൂത്ത് കോൺഗ്രസ് സംസ്ഥാന ജനറൽ സെക്രട്ടറി ദുൽഖിഫിലിനെ ആക്രമിച്ചവർക്കെതിരെയും നടപടി വേണമെന്നും കെ.കെ. രമ എം.എൽ.എയുടെ നേതൃത്വത്തിൽ നടന്ന പ്രതിഷേധത്തിൽ ആവശ്യപ്പെട്ടു.

അതിനിടെ, കോഴിക്കോട് ജില്ലയിലെ മന്ത്രിമാരെ തടയാൻ യൂത്ത് കോൺഗ്രസ് തീരുമാനിച്ചു. ഷാഫി പറമ്പിൽ എം.പിക്കെതിരായ ഡി.വൈ.എഫ്.ഐയുടെ പ്രതിഷേധത്തിന്റെ പശ്ചാത്തലത്തിലാണ് ഈ തീരുമാനം. "ജില്ലയിൽ ക്രമസമാധാനം നിലനിർത്തണോ വേണ്ടയോ എന്ന് സർക്കാരിനും ഭരണപക്ഷ പാർട്ടിക്കും തീരുമാനിക്കാം," എന്ന് യൂത്ത് കോൺഗ്രസ് വെല്ലുവിളിച്ചു.

ALSO READ: മികച്ച സാങ്കേതിക വിദ്യകളും സർവീസും: ആളുകളുടെ ഇഷ്ട സ്കൂട്ടറായി മാറി ടിവിഎസ് ജുപ്പിറ്റർ; ജൂലൈയിൽ വിറ്റഴിച്ചത് 1.24 ലക്ഷം യൂണിറ്റുകൾ

In Vadakara, UDF activists, led by KK Rema MLA, staged a sit-in protest outside the police station after MP Shafi Parambil was briefly detained by police, sparking tensions in the area