ന്യൂഡല്‍ഹി: കേസ് രജിസ്റ്റര്‍ ചെയ്ത് 24 മണിക്കൂറിനകം തന്നെ പ്രഥമ വിവര റിപ്പോര്‍ട്ടിന്റെ (എഫ്.ഐ.ആര്‍) പകര്‍പ്പ് വെബ്‌സൈറ്റില്‍ പരസ്യപ്പെടുത്തണമെന്ന് സുപ്രിം കോടതി നിര്‍ദേശം. ഇന്റര്‍നെറ്റ് കണക്റ്റിവിറ്റി ദുര്‍ബലമായ സംസ്ഥാനങ്ങളും കേന്ദ്ര ഭരണ പ്രദേശങ്ങിലും 72 മണിക്കൂറിനുള്ളിലും അല്ലാത്തവ 24മണിക്കൂറിനുള്ളിലും എഫ്.ഐ.ആര്‍ വെബ്‌സൈറ്റില്‍ അപ്‌ലോഡ് ചെയ്യണമെന്ന് ജസ്റ്റിസുമാരായ ദീപക് മിശ്ര, സി. നാഗപ്പന്‍ എന്നിവരടങ്ങിയ രണ്ടംഗബെഞ്ച് വ്യക്തമാക്കി.

അതേസമയം ഭീകരപ്രര്‍ത്തനം, കലാപം, സ്ത്രീകള്‍ക്കും കുട്ടികള്‍ക്കുമെതിരായ ലൈംഗിക അതിക്രമം തുടങ്ങിയ വൈകാരികമായ കേസുകളുടെ എഫ്.ഐ.ആര്‍ വെബ്‌സൈറ്റില്‍ പരസ്യപ്പെടുത്തുന്നതില്‍ കോടതി ളഇവു നല്‍കി.

യൂത്ത് ലോയേഴ്‌സ് അസോസിയേഷന്‍ ഓഫ് ഇന്ത്യ നല്‍കിയ പൊതുതാല്‍പര്യ ഹരജിയിലാണ് സുപ്രിം കോടതിയുടെ നടപടി. കേസിന്റെ പ്രഥമഘട്ടത്തില്‍ 48 മണിക്കൂറിനകം സംസ്ഥാനങ്ങള്‍ എഫ്.ഐ.ആര്‍ വെബ്‌സൈറ്റില്‍ അപ്‌ലോഡ് ചെയ്യണമെന്നായിരുന്നു കോടതി നിര്‍ദ്ദേശിച്ചിരുന്നത്. എന്നാല്‍, പിന്നീട് ഇത് കോടതി 24 മണിക്കൂറായി നിജപ്പെടുത്തുകയായിരുന്നു.