ന്യൂഡല്‍ഹി: രാജ്യത്ത് വാണിജ്യ സിലിണ്ടറുകള്‍ക്ക് വില കുറച്ചു . 51.50 രൂപയാണ് കുറച്ചിരിക്കുന്നത്. പുതിയ നിരക്ക് ഇന്ന് മുതല്‍ പ്രാബല്യത്തില്‍ വരുമെന്ന് എണ്ണ വിപണന കമ്പനികള്‍ (ഒ.എം.സി) ഞായറാഴ്ച അറിയിച്ചു. ഇതോടെ ഡല്‍ഹിയില്‍ 19 കിലോ വാണിജ്യ സിലിണ്ടറുകളുടെ വില 1580 രൂപയായി. 

നേരത്തെ,  19 കിലോഗ്രാം വാണിജ്യ എല്‍.പി.ജി ഗ്യാസ് സിലിണ്ടറിന്റെ വില ജൂലൈ ഒന്നിന്  58.50 രൂപയും ആഗസ്റ്റ് ഒന്നിന് 33.50 രൂപയും കുറച്ചിരുന്നു. ജൂണില്‍ ഏകദേശം 24, രൂപയും ഏപ്രിലില്‍ 41, രൂപയും ഫെബ്രുവരിയില്‍ ഏഴ് രൂപയും കുറച്ചിരുന്നു.

അതേസമയം, 14.2 കിലോഗ്രാം ഗാര്‍ഹിക സിലിണ്ടറുകളുടെ വിലയില്‍ മാറ്റമില്ല. ആഗോള ക്രൂഡ് ഓയില്‍ വിലയും മറ്റ് വിപണി ഘടകങ്ങളും അടിസ്ഥാനമാക്കിയുള്ള പതിവ് പ്രതിമാസ പരിഷ്‌കരണങ്ങളുടെ ഭാഗമായാണ് വില ക്രമീകരണങ്ങള്‍ വരുന്നത്. വാണിജ്യ ഗ്യാസ് സിലിണ്ടറുകളുടെ വില ക്രമീകരണം റെസ്റ്റോറന്റുകള്‍, ഹോട്ടലുകള്‍, മറ്റ് വാണിജ്യ സ്ഥാപനങ്ങള്‍ എന്നിവയ്ക്ക് നേരിട്ട് ഗുണം ചെയ്യുമെന്ന് വിദഗ്ദ്ധര്‍ പറയുന്നു.

ALSO READ: അമീബിക് മസ്തിഷ്‌ക ജ്വരം: കോഴിക്കോട് മൂന്ന് മാസം പ്രായമുള്ള കുഞ്ഞും വീട്ടമ്മയും മരിച്ചു
അതേസമയം, 2025-26 സാമ്പത്തിക വര്‍ഷത്തില്‍ പ്രധാനമന്ത്രി ഉജ്ജ്വല യോജന (പിഎംയുവൈ) ഗുണഭോക്താക്കള്‍ക്ക് 14.2 കിലോഗ്രാം സിലിണ്ടറിന് 300 രൂപ സബ്സിഡി നല്‍കുന്നതിന് നരേന്ദ്ര മോദിയുടെ അധ്യക്ഷതയില്‍ ചേര്‍ന്ന കേന്ദ്ര മന്ത്രിസഭാ യോഗം അംഗികാരം നല്‍കി. പ്രതിവര്‍ഷം 9 റീഫില്ലുകള്‍ക്ക് (5 കിലോഗ്രാം സിലിണ്ടറിന് ആനുപാതികമായി അനുപാതം) സബ്സിഡി നല്‍കുന്നതിന് 12,000 കോടി രൂപയാണ് ഇതിനായി ചെലവഴിക്കുക.

രാജ്യത്ത് ദരിദ്ര കുടുംബങ്ങളിലെ പ്രായപൂര്‍ത്തിയായ സ്ത്രീകള്‍ക്ക് നിക്ഷേപ രഹിത എല്‍.പി.ജി കണക്ഷനുകള്‍ നല്‍കുക എന്ന ലക്ഷ്യത്തോടെ 2016 മെയ് മാസത്തിലാണ് പ്രധാനമന്ത്രി ഉജ്ജ്വല യോജന (പിഎംയുവൈ) ആരംഭിച്ചത്. 2025 ജൂലൈ 1 ലെ കണക്കനുസരിച്ച് രാജ്യത്തുടനീളം ഏകദേശം 10.33 കോടി പിഎംയുവൈ കണക്ഷനുകളുണ്ട്.

oil marketing companies have reduced the price of commercial lpg cylinders by ₹51.50. the new rates are effective from today, bringing the price of a 19-kg cylinder in delhi to ₹1,580.