ബാംഗ്ലൂർ: ഇന്ത്യയിലെ ഇലക്ട്രിക് ഇരുചക്ര വാഹന വിപണിയിൽ തരംഗം സൃഷ്ടിക്കാനുള്ള വജ്രായുധങ്ങളുമായി ഏഥർ എനർജി എത്തുന്നു. പുതിയ EL (എൻലൈറ്റൻഡ്) പ്ലാറ്റ്ഫോം സ്കൂട്ടർ അവതരിപ്പിച്ച് വൻ മുന്നേറ്റത്തിന് ഒരുങ്ങുകയാണ് കമ്പനി. കഴി‍ഞ്ഞ മാസം ഓഗസ്റ്റ് 30-ന് ബാംഗ്ലൂരിൽ നടന്ന ഏഥർ കമ്മ്യൂണിറ്റി ഡേ 2025-ൽ വെച്ചാണ് ഈ സുപ്രധാന പ്രഖ്യാപനം കമ്പനി നടത്തിയത്. കുറഞ്ഞ വിലയിൽ ഫാമിലി, സ്പോർട്ടി, മാക്‌സി-സ്കൂട്ടറുകൾ ഉൾപ്പെടെ വിവിധ മോഡലുകാളാണ് ഉപഭോക്താക്കൾക്ക് വാഗ്ദാനം ചെയ്യുന്നത്.  EL പ്ലാറ്റ്ഫോം സ്കൂട്ടർ ഏഥറിന്റെ ഭാവി ഉൽപ്പന്നങ്ങളുടെ നട്ടെല്ലായി മാറുമെന്നാണ് കണക്ക് കൂട്ടൽ. EL പ്ലാറ്റ്ഫോം സ്കൂട്ടറിനെ കൂടാതെ റെഡ്യൂക്സ് എന്ന കൺസെപ്റ്റും അവതരിപ്പിച്ചിട്ടുണ്ട്. രണ്ട് സ്കൂട്ടറുകളും വില്പനയിൽ ഏഥറിന് കരുത്ത് പകരുമോ എന്ന് കാത്തിരുന്ന് കാണാം.

ALSO READ: റിയർ ബ്രേക്കിൽ തകരാർ; സുസുക്കി ജിക്‌സർ 250 ബൈക്കുകൾ തിരിച്ചുവിളിക്കുന്നു; സർവീസ് സൗജന്യമെന്ന് കമ്പനി 

 

 

EL പ്ലാറ്റ്ഫോമിന്റെ പ്രത്യേകതകൾ

റിസ്ത, 450 സീരീസ് എന്നിവയിൽ നിന്ന് വ്യത്യസ്തമായി, EL പ്ലാറ്റ്ഫോം യൂണിബോഡി സ്റ്റീൽ ഫ്രെയിം അടിസ്ഥാനമാക്കിയുള്ളതാണ്. 2 kWh മുതൽ 5 kWh വരെയുള്ള ബാറ്ററി പായ്ക്കുകൾ ഫ്ലോർബോർഡിനടിയിൽ ഘടിപ്പിക്കാൻ ഇത് അനുവദിക്കും. കുറഞ്ഞ ഘടകങ്ങൾ ഉപയോഗിക്കുന്ന ഈ ഷാസി, ഉൽപ്പാദനച്ചെലവ് കുറയ്ക്കുകയും അറ്റകുറ്റപ്പണികൾ എളുപ്പമാക്കുകയും ചെയ്യും. പുതിയ ബ്രേക്ക് സംവിധാനം പാഡുകളുടെ തേയ്മാനം കുറയ്ക്കുമെന്നും, ഇത് സർവീസ് ചെലവുകൾ കുറയ്ക്കുമെന്നും കമ്പനി അവകാശപ്പെടുന്നു.

ALSO READ: ആക്‌സിലറേറ്റർ തിരിക്കാതെ ഓടും; ഏഥർ 450 അപെക്‌സിന് പുത്തൻ ക്രൂയിസ് കൺട്രോൾ ഫീച്ചർ  

ഇവന്റിൽ പ്രദർശിപ്പിച്ച EL01 പ്രോട്ടോടൈപ്പ്, ഫാമിലി സ്കൂട്ടറായി രൂപകൽപ്പന ചെയ്തിരിക്കുന്നതാണ്. ഫുൾ എൽഇഡി ലൈറ്റുകൾ, രണ്ട് ഹെൽമെറ്റുകൾ ഉൾക്കൊള്ളുന്ന വിശാലമായ അണ്ടർ-സീറ്റ് സ്റ്റോറേജ്, വലിയ ഫ്ലോർബോർഡ്, 14 ഇഞ്ച് വീലുകൾ, പേറ്റന്റ് നേടിയ എസി-ഡിസി മൊഡ്യൂൾ എന്നിവ ഇതിന്റെ പ്രധാന സവിശേഷതകളാണ്. എസി-ഡിസി മൊഡ്യൂൾ ഓൺ-ബോർഡ് ചാർജിംഗ് വയർ സ്റ്റോറേജിൽ ഉൾപ്പെടുത്താൻ സഹായിക്കുന്നു.

ALSO READ: ഹോണ്ടയുടെ ഈ സ്കൂട്ടർ മറ്റ് കമ്പനികളെക്കാൾ ബഹുദൂരം മുന്നിൽ; ഒറ്റ മാസം വിറ്റഴിച്ചത് 2 ലക്ഷത്തിലധികം യൂണിറ്റുകൾ

 

 

എൻട്രി ലെവൽ മോഡലുകൾ

EL പ്ലാറ്റ്ഫോമിൽ നിർമ്മിക്കുന്ന സ്കൂട്ടറുകൾ, ഏഥറിന്റെ മോഡൽ ശ്രേണിയിൽ റിസ്തയ്ക്ക് താഴെ എൻട്രി ലെവൽ മോഡലുകളായി സ്ഥാനം പിടിക്കും. 1 ലക്ഷം രൂപയിൽ താഴെ വിലയുള്ള ഇലക്ട്രിക് ടൂ-വീലറുകൾക്ക് ഇന്ത്യൻ വിപണിയിൽ വൻ ഡിമാൻഡാണ്. നിലവിൽ ഈ വിഭാഗം 50% വരെ വിൽപ്പന പിടിച്ചടക്കിയിട്ടുണ്ട്. ഈ അവസരം മുതലെടുക്കാൻ, മഹാരാഷ്ട്രയിലെ ഛത്രപതി സംഭാജി നഗറിലുള്ള പുതിയ പ്ലാന്റിൽ EL പ്ലാറ്റ്ഫോം അടിസ്ഥാനമാക്കിയുള്ള മോഡലുകൾ ഉൽപ്പാദിപ്പിക്കും. അടുത്ത വർഷം ഉത്സവ സീസണോടെ ആദ്യ ഉൽപ്പന്നം പുറത്തിറക്കാനാണ് കമ്പനിയുടെ ലക്ഷ്യം.

 

 

നിലവിൽ 1.10 ലക്ഷം രൂപ മുതൽ വിലയുള്ള 450 സീരീസും റിസ്തയും ഉൾപ്പെടുന്ന ഏഥറിന്റെ പോർട്ട്ഫോളിയോ, കുറഞ്ഞ വിലയുള്ള മോഡലുകളിലൂടെ വിപുലീകരിക്കാനാണ് കമ്പനിയുടെ പദ്ധതി. രാജ്യവ്യാപകമായി റീട്ടെയിൽ സാന്നിധ്യം വർധിപ്പിക്കുന്നതിനൊപ്പം, ബാറ്ററി-ആസ്-എ-സർവീസ് (BaaS) പോലുള്ള നൂതന മാർക്കറ്റിംഗ് തന്ത്രങ്ങളിലൂടെ ടിവിഎസ് മോട്ടോർ, ബജാജ് ഓട്ടോ, ഹീറോ മോട്ടോകോർപ്പ് തുടങ്ങിയ പരമ്പരാഗത ബ്രാൻഡുകളെ വെല്ലുവിളിക്കാനാണ് ഏഥർ ഒരുങ്ങുന്നത്.

EL പ്ലാറ്റ്ഫോമിന്റെ വരവോടെ, കുറഞ്ഞ വിലയിൽ ഗുണമേന്മയുള്ള ഇലക്ട്രിക് സ്കൂട്ടറുകൾ വാഗ്ദാനം ചെയ്ത് ഇന്ത്യൻ വിപണിയിൽ ഏഥർ എനർജി പുതിയ ഉയരങ്ങൾ കീഴടക്കുമെന്നാണ് പ്രതീക്ഷിക്കുന്നത്.

Ather Energy unveiled its new EL platform at the Ather Community Day 2025 in Bengaluru. introducing affordable electric scooters. Designed for low-cost production and easy maintenance, the platform supports a range of models, from family to high-performance scooters. The EL01 prototype, a family scooter with LED lights, ample storage, and a patented AC-DC module, was showcased. Production will begin at Ather’s new plant in Chhatrapati Sambhaji Nagar, with the first model expected by the 2026 festive season, targeting the high-demand sub-₹1 lakh EV market. next gen el platform. ather energy. ather energy shares. ather concepts models.