പത്തനംതിട്ട: ബസ് കാത്ത് നിൽക്കുകയായിരുന്ന 75 വയസ്സുകാരിയെ കാർ ഇടിച്ച് തെറിപ്പിച്ചു. പത്തനംതിട്ട എഴുമറ്റൂർ ചുഴനയിൽ ഇന്ന് രാവിലെ 9 മണിയോടെയാണ് അപകടം നടന്നത്.

നിയന്ത്രണം വിട്ട് എത്തിയ കാർ പൊടിയമ്മ എന്ന സ്ത്രീയെ ഇടിച്ച് തെറിപ്പിക്കുകയായിരുന്നു. ഗുരുതരമായി പരുക്കേറ്റതിനെ തുടർന്ന് ഉടൻ കോഴഞ്ചേരിയിലെ ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പൊടിയമ്മ ചുഴനയിൽ താമസിക്കുന്ന മകളുടെ വീട്ടിൽ എത്തിയതായിരുന്നു. സ്വന്തം വീട്ടിലേക്ക് മടങ്ങാനായി റോഡരികിൽ ബസ് കാത്തുനിൽക്കുമ്പോഴാണ് അപകടം ഉണ്ടായത്.

ALSO READ: തിരൂരിലെ സ്കൂളിൽ സ്വാതന്ത്ര്യദിനത്തിന് വിദ്യാർഥികൾ ആർഎസ്എസ് ഗണഗീതം പാടി; വിശദീകരണവുമായി അധികൃതർ

കാറിന്റെ ഡ്രൈവർ ഉറങ്ങിപ്പോയതാണ് അപകടത്തിന് കാരണമെന്നാണ് പൊലിസിന്റെ പ്രാഥമിക നിഗമനം. അപകടസമയത്ത് പൊടിയമ്മയ്ക്ക് അരികിൽ മറ്റൊരു സ്ത്രീ കൂടെ ഉണ്ടായിരുന്നു. എന്നാൽ, കാർ വരുന്നത് കണ്ട് അവർ ഒഴിഞ്ഞുമാറി. ഒഴിഞ്ഞുമാറുന്നതിനിടെ അവർക്ക് വീണ് ചെറിയ പരുക്കേറ്റിട്ടുണ്ട്. പൊലിസ് അന്വേഷണം ആരംഭിച്ചു.

A 75-year-old woman, Podiyamma, was fatally struck by an out-of-control car while waiting for a bus in Ezhumattoor, Pathanamthitta. The accident occurred around 9 AM, and despite being rushed to Kozhencherry District Hospital, she succumbed to her injuries. Police suspect the driver fell asleep, causing the crash