മലപ്പുറം: കെട്ടിട പെർമിറ്റ് നിഷേധിച്ചതിൽ പ്രതിഷേധിച്ച് തുവ്വൂർ പഞ്ചായത്ത് ഓഫീസിൽ അപേക്ഷകൻ പെട്രോൾ ഒഴിച്ച് തീയിടാൻ ശ്രമിച്ചു. കരുവാരക്കുണ്ട് തരിശ് സ്വദേശി വെമ്മുള്ളി മജീദാണ് (45) ഓഫീസിൽ ഭീകരാന്തരീക്ഷം സൃഷ്ടിച്ചത്. ജീവനക്കാർക്ക് നേരെ പരാക്രമം കാണിക്കുകയും ചെയ്തു.

മജീദിന്റെ മാമ്പുഴയിലെ വാണിജ്യ കെട്ടിടത്തിന് പഞ്ചായത്ത് അനുമതി നൽകാത്തതാണ് സംഭവത്തിന് കാരണമായത്. 2024 ഫെബ്രുവരിയിൽ സമർപ്പിച്ച അപേക്ഷയിൽ അപാകതകൾ ഉണ്ടെന്ന് ചൂണ്ടിക്കാട്ടി പഞ്ചായത്ത് മജീദിന് നോട്ടീസ് നൽകിയിരുന്നു. എന്നാൽ, ഇതിന് മറുപടി നൽകാതിരുന്നതായും കെട്ടിട നിർമാണത്തിൽ പിഴവുകൾ ഉണ്ടെന്നുമാണ് പഞ്ചായത്ത് അധികൃതർ വ്യക്തമാക്കിയത്.

ALSO READ: ചെയ്യാത്ത തെറ്റിന് ജയിലിൽ കിടന്നത് 16 വർഷം, കുറ്റവിമുക്തനായി വിധി വന്നത് മരിച്ച് 4 വ‍ർഷത്തിന് ശേഷം; ഖബറിനരികെ എത്തി വിധി വായിച്ച് ബന്ധുക്കൾ

ഏറെക്കാലം പ്രവാസിയായിരുന്ന മജീദ് സമ്പാദിച്ച പണം മുഴുവൻ കെട്ടിട നിർമാണത്തിനായി ചെലവഴിച്ചെന്നും കാഴ്ചാ പരിമിതിയുള്ള മകന്റെ ചികിത്സയ്ക്ക് പോലും പണമില്ലെന്നും മജീദ് പറഞ്ഞു. സംഭവത്തിനിടെ ജീവനക്കാരും സമീപത്തുണ്ടായിരുന്നവരും ചേർന്ന് മജീദിനെ ബലം പ്രയോഗിച്ച് കീഴ്പെടുത്തി. പൊലിസ് സ്ഥലത്തെത്തി മജീദിനെ കസ്റ്റഡിയിലെടുത്തു. കൂടുതൽ അന്വേഷണം പുരോഗമിക്കുകയാണ്

In Malappuram's Thuvvoor Panchayat, an applicant, Vemmulli Majeed, attempted to set the office ablaze by pouring petrol, protesting the denial of a building permit. He also threatened staff but was subdued and detained by police