യുഎഇ: യുഎഇയിലെ പുതിയ ഇന്ത്യൻ അംബാസഡറായി ഡോ. ദീപക് മിത്തൽ. 1998-ലെ ഇന്ത്യൻ ഫോറിൻ സർവിസ് (IFS) ബാച്ചിലെ ഉദ്യോഗസ്ഥനാണ്. നവംബർ 2021 മുതൽ ഈ പദവി വഹിച്ചിരുന്ന സഞ്ജയ് സുധീറിന് പകരമാണ് ഡോ. മിത്തലിന്റെ നിയമനം.

നിലവിൽ ഇന്ത്യൻ പ്രധാനമന്ത്രിയുടെ അഡീഷണൽ സെക്രട്ടറിയായി പ്രവർത്തിക്കുകയാണ് ഡോ. മിത്തൽ. 2020 ഓഗസ്റ്റ് മുതൽ 2023 മാർച്ച് വരെ ഖത്തറിലെ ഇന്ത്യൻ അംബാസഡറായി സേവനമനുഷ്ഠിച്ചിട്ടുണ്ട്. കൂടാതെ, നിരവധി പ്രധാന പദവികൾ അദ്ദേഹം വഹിച്ചിട്ടുണ്ട്.

വ്യാപാരം, നിക്ഷേപം, ഊർജം, സാങ്കേതികവിദ്യ തുടങ്ങിയ മേഖലകളിൽ ഇന്ത്യയും യുഎഇയും തമ്മിലുള്ള സഹകരണം ശക്തമാകുന്ന സാഹചര്യത്തിലാണ് ഈ നിയമനം. ഡോ. മിത്തൽ ഉടൻ തന്നെ ചുമതല ഏറ്റെടുക്കുമെന്നാണ് പ്രതീക്ഷിക്കുന്നത്.

ALSO READ: പൊതു സ്ഥലത്ത് മാലിന്യം വലിച്ചെറിഞ്ഞാൽ 10,000 റിയാൽ വരെ പിഴ; അനധികൃത മാലിന്യ സംസ്കരണത്തിനെതിരെ കർശന നടപടികളുമായി സഊദി

2018-2020 കാലഘട്ടത്തിൽ പാകിസ്ഥാൻ-അഫ്ഗാനിസ്ഥാൻ-ഇറാൻ ഡെസ്കിന്റെ മേധാവിയായിരുന്നു ഡോ. ദീപക് മിത്തൽ. ഇന്ത്യൻ പൗരന്മാർക്ക് പാകിസ്ഥാനിലെ കർതാർപൂർ ഗുരുദ്വാര ദർബാർ സാഹിബിലേക്ക് വിസ രഹിത യാത്ര സാധ്യമാക്കുന്ന കർതാർപൂർ ഇടനാഴി തുറക്കുന്നതിനുള്ള ടീമിന്റെ ഭാഗമായും അദ്ദേഹം പ്രവർത്തിച്ചിട്ടുണ്ട്. കൂടാതെ, പാകിസ്ഥാനിൽ വധശിക്ഷയ്ക്ക് വിധിക്കപ്പെട്ട ഇന്ത്യൻ പൗരനായ കുൽഭൂഷൻ ജാദവിനായി ഹേഗിലെ അന്താരാഷ്ട്ര നീതിന്യായ കോടതിയിൽ വാദിച്ച സംഘത്തിലും അദ്ദേഹം അം​ഗമായിരുന്നു.

2021 ഓഗസ്റ്റിൽ താലിബാൻ അഫ്ഗാനിസ്ഥാൻ ഭരണം പിടിച്ചെടുത്ത് ആഴ്ചകൾക്കുള്ളിൽ, മിത്തൽ ഇന്ത്യയുടെ ആദ്യ ഔപചാരിക നയതന്ത്ര സമ്പർക്കത്തിന് നേതൃത്വം നൽകി. അന്ന് ദോഹയിലെ താലിബാന്റെ രാഷ്ട്രീയ ഓഫിസിന്റെ തലവനായിരുന്ന ഷേർ മുഹമ്മദ് അബ്ബാസ് സ്റ്റാനെക്‌സായിയുമായി മിത്തൽ കൂടിക്കാഴ്ച നടത്തി. അഫ്ഗാനിസ്ഥാനിൽ തുടരുന്ന ഇന്ത്യൻ പൗരന്മാരുടെ സുരക്ഷിത മടങ്ങിവരവ്, അഫ്ഗാൻ മണ്ണ് ഇന്ത്യാ വിരുദ്ധ പ്രവർത്തനങ്ങൾക്ക് ഉപയോഗിക്കപ്പെടുന്നതിനെക്കുറിച്ചുള്ള ആശങ്കകൾ തുടങ്ങിയ വിഷയങ്ങൾ അദ്ദേഹം കൂടിക്കാഴ്ചയിൽ ഉന്നയിച്ചു.

2023-ൽ ഖത്തറിൽ, ചാരപ്രവർത്തന ആരോപണത്തിന് അറസ്റ്റ് ചെയ്യപ്പെട്ട് വധശിക്ഷയ്ക്ക് വിധിക്കപ്പെട്ട എട്ട് ഇന്ത്യൻ നാവികസേനാ ഉദ്യോ​ഗസ്ഥരുടെ മോചനത്തിനുള്ള ഇന്ത്യയുടെ ശ്രമങ്ങളിലും മിത്തൽ പ്രധാന പങ്ക് വഹിച്ചു. 2024 ഫെബ്രുവരിയിൽ ഖത്തർ കോടതി അവരുടെ വധശിക്ഷ റദ്ദാക്കി.

Dr. Deepak Mittal, a seasoned diplomat and 1998-batch Indian Foreign Service (IFS) officer, has been appointed as the new Ambassador of India to the United Arab Emirates (UAE). He succeeds Sunjay Sudhir, who has been serving in this position since November 2021. With extensive experience in handling key diplomatic assignments, including serving as India's Ambassador to Qatar, Dr. Mittal is expected to further strengthen the robust ties between India and the UAE.