ന്യൂഡൽഹി: വടക്കേ ഇന്ത്യൻ സംസ്ഥാനങ്ങളിൽ ദിവസങ്ങളായി തുടരുന്ന പ്രളയ ദുരന്തത്തിൽ കേന്ദ്ര സർക്കാർ അടിയന്തരമായി പ്രത്യേക സാമ്പത്തിക പാക്കേജ് നൽകണമെന്ന് ആവശ്യപ്പെട്ട് കോൺഗ്രസ്. ഹിമാചൽ പ്രദേശ്, ജമ്മു കശ്മീർ, പഞ്ചാബ്, ഉത്തരാഖണ്ഡ്, ഹരിയാന എന്നീ സംസ്ഥാനങ്ങളിൽ സംഭവിച്ചു കൊണ്ടിരിക്കുന്ന പ്രകൃതി ദുരന്തങ്ങളുടെ പശ്ചാത്തലത്തിൽ രാഷ്ട്രീയം കലർത്താതെ ദുരിത ബാധിതർക്ക് ആവശ്യമായ നഷ്ടപരിഹാരവും പിന്തുണയും ഉറപ്പാക്കണമെന്നാണ് കോൺഗ്രസ് അധ്യക്ഷൻ മല്ലികാർജുൻ ഖാർഗെ ആവശ്യപ്പെട്ടത്.

ALSO READ: കാൽനടയാത്രക്കാരനെ എഐജിയുടെ വാഹനം ഇടിച്ചിട്ടു; പരുക്കേറ്റയാളെ പ്രതിയാക്കി പൊലിസിന്റെ നടപടി

പഞ്ചാബിൽ വെള്ളപ്പൊക്കം രൂക്ഷമാണെന്നും 2.5 ലക്ഷത്തിലധികം ആളുകൾ ദുരിതത്തിലാണെന്നും നിരവധി പേർക്ക് ജീവൻ നഷ്ടപ്പെട്ടുവെന്നും ഖാർഗെ വ്യക്തമാക്കി.  ദുരിതാശ്വാസം, പുനരധിവാസം, വേഗത്തിലുള്ള വൈദ്യസഹായം എന്നിവ ഉറപ്പാക്കാൻ കേന്ദ്ര-സംസ്ഥാന സർക്കാരുകൾ കൂടുതൽ നടപടികൾ സ്വീകരിക്കണമെന്നും അദ്ദേഹം ആവശ്യപ്പെട്ടു. PM CARES ഫണ്ട് ഉപയോഗിച്ച് ദുരന്തബാധിത പ്രദേശങ്ങളിലെ ജനങ്ങൾക്ക് മതിയായ നഷ്ടപരിഹാരം നൽകണമെന്നും ഖാർഗെ നിർദേശിച്ചു.

ALSO READ: ചെന്നൈ വിമാനത്താവളം വഴി 941 കോടി രൂപയുടെ സ്വർണ്ണ തട്ടിപ്പ്; അഞ്ച് കസ്റ്റംസ് ഉദ്യോഗസ്ഥർക്കെതിരെ കേസ്

ഹിമാചൽ പ്രദേശിലും ഉത്തരാഖണ്ഡിലും ഉണ്ടായ മണ്ണിടിച്ചിലിൽ ഏഴ് പേരാണ് മരിച്ചത്. പഞ്ചാബിൽ ഇന്നലെ വീണ്ടും കനത്ത മഴ പെയ്തതോടെ സാധാരണ ജീവിതം താറുമാറായ നിലയിലാണ്. സംസ്ഥാനത്തെ എല്ലാ വിദ്യാഭ്യാസ സ്ഥാപനങ്ങളോട് അടച്ചിടാനും നിർദേശിച്ചിട്ടുണ്ട്.  ജമ്മു കശ്മീരിലെ കത്രയിൽ തുടർച്ചയായ ഏഴാം ദിവസവും കനത്ത മഴ തുടരുകയാണ്. മാതാ വൈഷ്ണോദേവി ക്ഷേത്രത്തിലേക്കുള്ള തീർത്ഥാടനം നിർത്തിവച്ചിരിക്കുകയാണ്. കഴിഞ്ഞ ആഴ്ച ഉണ്ടായ മണ്ണിടിച്ചിലിൽ 34 പേരാണ് മരിച്ചത്.

ALSO READ: വെറും മൂന്ന് മിനിറ്റിൽ രണ്ട് ലക്ഷം ബുക്കിംഗ്: ഞെട്ടിച്ച് ഷവോമിയുടെ എസ്‌യുവി

Congress demands a special financial package from the Centre for flood-affected states like Himachal Pradesh, Jammu & Kashmir, Punjab, Uttarakhand, and Haryana. Party president Mallikarjun Kharge urged against politicizing natural disasters and emphasized providing adequate compensation and support to affected families, highlighting the severe impact in Punjab, where over 2.5 lakh people are suffering and several lives have been lost