ചൈനീസ് ടെക് കമ്പനിയായ ഷവോമി തങ്ങളുടെ ഓട്ടോമൊബൈൽ രംഗത്ത് തരം​ഗം സൃഷ്ടിച്ചിരിക്കുന്നു. ഈ വർഷം ജൂൺ 26-ന് പുറത്തിറക്കിയ ഷവോമിയുടെ രണ്ടാമത്തെ ഇലക്ട്രിക് വാഹനമായ YU7 എസ്‌യുവി ബുക്കിംഗിൽ റെക്കോർഡാണ് സൃഷ്ടിച്ചത്. വെറും മൂന്ന് മിനിറ്റിനുള്ളിൽ രണ്ട് ലക്ഷത്തിലധികം ഓർഡറുകളാണ് YU7 എസ്‌യുവിക്ക് ലഭിച്ചത്. അതേസമയം ആദ്യ മണിക്കൂറിൽ 2.9 ലക്ഷത്തിലെത്താനും ഷവോമിക്ക് കഴിഞ്ഞു.  ഷവോമിയുടെ ആദ്യ ഇലക്ട്രിക് വാഹനമായ SU7 സെഡാനിൽ നിന്ന് പ്രചോദനം ഉൾക്കൊണ്ടാണ് YU7 എസ്‌യുവി രൂപകൽപ്പന ചെയ്തിരിക്കുന്നത്.

YU7-ന്റെ ഡിസൈനിൽ സ്‌പോർട്ടി ശൈലിയും പ്രീമിയം ടച്ചും ഉൾപ്പെടുത്തിയിരിക്കുന്നു. വിശാലമായ ഫ്രണ്ട് ഗ്രിൽ, സ്‌പോർട്ടി എയർ ഇൻടേക്കുകൾ, ചരിഞ്ഞ മേൽക്കൂര, കൂപ്പെ-സ്റ്റൈൽ പ്രൊഫൈൽ, കണക്റ്റഡ് എൽഇഡി ലൈറ്റ് ബാർ, എയറോഡൈനാമിക് ഡിസൈൻ, ഫ്ലഷ്-ഫിറ്റിംഗ് ഡോർ ഹാൻഡിലുകൾ, വലിയ ബൂട്ട് സ്‌പെയ്‌സ് എന്നിവ ഇതിന്റെ പ്രത്യേകതകളാണ്.

ALSO READ: വിൻഡ്സറും കൊമറ്റും; വിൽപ്പനയിൽ റെക്കോർഡിട്ട് എംജി മോട്ടോഴ്സിന്റെ പുത്തൻ ഇവികൾ

 

 

ഹൈടെക് ഇന്റീരിയർ

YU7-ന്റെ ക്യാബിൻ ഹൈടെക്, ആഡംബര സവിശേഷതകളാൽ സമ്പന്നമാണ്. 1.1 മീറ്റർ ഹൈപ്പർവിഷൻ ഹെഡ്‌സ്-അപ്പ് ഡിസ്‌പ്ലേ, 16.1 ഇഞ്ച് ടച്ച്‌സ്‌ക്രീൻ, ക്വാൽകോം സ്‌നാപ്ഡ്രാഗൺ 8 ജെൻ 3 ചിപ്‌സെറ്റ്, ഷവോമി ഹൈപ്പർഒഎസ് എന്നിവ ഇതിൽ ഉൾപ്പെടുന്നു. ഫോണുകളും സ്മാർട്ട് ഹോം ഉപകരണങ്ങളും ബന്ധിപ്പിക്കുന്ന ഈ ഒഎസിനൊപ്പം ആംബിയന്റ് ലൈറ്റിംഗ്, പ്രീമിയം അപ്ഹോൾസ്റ്ററി, റിയർ സീറ്റ് പ്രൊജക്ടർ, മൾട്ടി-സോൺ ക്ലൈമറ്റ് കൺട്രോൾ, സ്മാർട്ട് സ്റ്റോറേജ് സൊല്യൂഷനുകൾ എന്നിവയും വാഹനത്തിന്റെ ആകർഷണം വർധിപ്പിക്കുന്നു.

 

 

മൂന്ന് വേരിയന്റുകൾ

YU7 മൂന്ന് വേരിയന്റുകളിൽ ലഭ്യമാണ്: സ്റ്റാൻഡേർഡ് (RWD), പ്രോ (AWD), മാക്സ് (AWD).

സ്റ്റാൻഡേർഡ് (RWD): 835 കിലോമീറ്റർ റേഞ്ച്, 0-100 കിലോമീറ്റർ/മണിക്കൂർ വേഗത 5.9 സെക്കൻഡിൽ.

പ്രോ (AWD): 770 കിലോമീറ്റർ റേഞ്ച്, 0-100 കിലോമീറ്റർ/മണിക്കൂർ വേഗത 4.3 സെക്കൻഡിൽ.

മാക്സ് (AWD): 253 കിലോമീറ്റർ/മണിക്കൂർ പരമാവധി വേഗത, 0-100 കിലോമീറ്റർ/മണിക്കൂർ വേഗത 3.2 സെക്കൻഡിൽ.

 

 

800V അൾട്രാ-ഫാസ്റ്റ് ചാർജിംഗ് സാങ്കേതികവിദ്യ ഉപയോഗിച്ച്, 10% മുതൽ 80% വരെ ബാറ്ററി 12 മിനിറ്റിനുള്ളിൽ ചാർജ് ചെയ്യാം. 15 മിനിറ്റ് ചാർജിംഗിൽ 620 കിലോമീറ്റർ റേഞ്ച് ലഭിക്കും. ചൈനയിൽ YU7-ന്റെ പ്രാരംഭ വില RMB 2,53,500 (ഏകദേശം 29.2 ലക്ഷം രൂപ) ആണ്. ടെസ്‌ലയുടെ മോഡൽ Y-നേക്കാൾ വിലകുറഞ്ഞതാണ് ഈ വാഹനം. ഈ വർഷം ജൂലൈ മുതൽ ഡെലിവറി ആരംഭിക്കുകയും ആദ്യ മാസം തന്നെ 30,000-ലധികം വാഹനങ്ങൾ ഡെലിവറിയും ചെയ്തു. ഷവോമിയെ ഇലക്ട്രിക് വാഹന വിപണിയിൽ മുൻനിരയിലെത്തിച്ചിരിക്കുകയാണ് രണ്ടാമത്തെ ഇലക്ട്രിക് വാഹനമായ YU7 എസ്‌യുവി

Xiaomi's YU7 SUV stunned the world with over two lakh bookings in just three minutes after its launch on June 26, 2025. The electric vehicle, competing with Tesla's Model Y, boasts a sporty design, premium features, and a high-tech cabin with a 16.1-inch touchscreen and HyperOS. Available in three variants, it offers up to 835 km range and ultra-fast charging. Priced at RMB 2,53,500 (approx. ₹29.2 lakh), deliveries began in July 2025, with over 30,000 units delivered in the first month