പത്തനംതിട്ട: എംസി റോഡിൽ തിരുവല്ല കുറ്റൂർ ജംഗ്ഷനിൽ എഐജിയുടെ വാഹനം കാൽനടയാത്രക്കാരനെ ഇടിച്ചിട്ടു. എഐജി വി. ജി. വിനോദ് കുമാറിന്റെ സ്വകാര്യ വാഹനമാണ് കാൽനടയാത്രക്കാരനായ അതിഥി തൊഴിലാളിയെ ഇടിച്ചുവീഴ്ത്തിയത്. സംഭവത്തിൽ തിരുവല്ല പൊലിസ് അപകടം വരുത്തിയ ആൾക്ക് നടപടിയെടുക്കുന്നതിന് പകരം അപകടത്തിൽ പരുക്കേറ്റ തൊഴിലാളിക്കെതിരെയാണ് കേസെടുത്തത്. കഴിഞ്ഞ ആഗസ്റ്റ് 30ന് രാത്രിയാണ് അപകടം.

ALSO READ: വെറും മൂന്ന് മിനിറ്റിൽ രണ്ട് ലക്ഷം ബുക്കിംഗ്: ഞെട്ടിച്ച് ഷവോമിയുടെ എസ്‌യുവി  

എഐജിയുടെ ഡ്രൈവറാണ് വാഹനം ഓടിച്ച് അപകടമുണ്ടാക്കിയത്. എന്നാൽ, ഡ്രൈവറുടെ മൊഴിയുടെ അടിസ്ഥാനത്തിൽ പരുക്കേറ്റയാൾക്കെതിരെ കേസ് രജിസ്റ്റർ ചെയ്യുകയായിരുന്നു. അതേസമയം പത്തനംതിട്ട എസ്പി ആർ. ആനന്ദിന്റെ അറിവോടെയല്ല ഈ നടപടി നടന്നതെന്നാണ് വിവരം. സംഭവത്തിൽ എസ്പി കടുത്ത അതൃപ്തി പ്രകടിപ്പിച്ചിട്ടുണ്ട്.

ALSO READ: പ്രകൃതി ദുരന്തങ്ങളിൽ കേന്ദ്രം രാഷ്ട്രീയം കളിക്കരുത്; പ്രളയ ബാധിത സംസ്ഥാനങ്ങൾക്ക് പ്രത്യേക പാക്കേജ് നൽകണം: കോൺഗ്രസ്  

അപകടത്തിന്റെ ഗൗരവം കണക്കിലെടുത്ത് കേസ് അന്വേഷണം ജില്ലാ ക്രൈംബ്രാഞ്ചിന് കൈമാറിയിരിക്കുകയാണ്. എഐജിക്ക് വേണ്ടി പൊലിസിന്റെ ഭാഗത്തുനിന്ന് ഒത്തുകളി നടന്നുവെന്ന ആക്ഷേപവും ഉയർന്നിട്ടുണ്ട്. സംഭവത്തിന്റെ വിശദമായ അന്വേഷണം പുരോഗമിക്കുകയാണ്.

ALSO READ: ചെന്നൈ വിമാനത്താവളം വഴി 941 കോടി രൂപയുടെ സ്വർണ്ണ തട്ടിപ്പ്; അഞ്ച് കസ്റ്റംസ് ഉദ്യോഗസ്ഥർക്കെതിരെ കേസ്

In Thiruvalla, a pedestrian was hit by the private vehicle of AIG V.G. Vinod Kumar on MC Road. Shockingly, Thiruvalla police filed a case against the injured migrant worker based on the driver’s statement. Pathanamthitta SP R. Anand, unaware of the move, expressed strong displeasure, and the case has been handed over to the district crime branch for investigation