അബുദാബി: മലപ്പുറം സ്വദേശി ഹൃദയാഘാതത്തെ തുടർന്ന് അബുദാബിയിൽ മരിച്ചു. മലപ്പുറം വളാഞ്ചേരി മൂന്നാക്കൽ സ്വദേശി അബ്ദു റഷീദ് (54) ആണ് ഹൃദയാഘാതത്തെ തുടർന്ന് അബുദാബിയിൽ മരിച്ചത്. അബുദാബി എൻഎംസി റോയൽ ഹോസ്പിറ്റൽ വച്ചു ചികിത്സയിൽ ഇരിക്കെയാണ് മരണം. അബുദാബി വെർച്ചൂസ് ട്രേഡിങ് കമ്പനിയിലെ പിആർഒ ജീവനക്കാരനായി ജോലി ചെയ്തു വരികയായിരുന്നു അബ്ദുൽ റഷീദ്.

പരേതരായ അബ്ദുൽഹമീദ് അലീമ എന്നിവരാണ് മാതാപിതാക്കൾ. ഭാര്യ: സലീന. അലീമ റെസിലിൻ, ഫാത്തിമ റിയ, ഫാത്തിമ രിദ എന്നിവരാണ് മക്കൾ. നടപടികൾ പൂർത്തിയാക്കി മയ്യിത്ത് നാട്ടിൽ എത്തിച്ചു. മൂന്നാക്കൽ ജുമാഅത്ത് പള്ളി ഖബർസ്ഥാനിൽ ഇന്ന് മറവു ചെയ്യും.

ALSO READ: ജറുസലേമിലും ഇസ്ലാമിക, ക്രിസ്ത്യൻ പുണ്യസ്ഥലങ്ങളിലും ഇസ്റാഈലിന് പരമാധികാരമില്ല; സയണിസ്റ്റ് പദ്ധതി തള്ളി അറബ് രാജ്യങ്ങൾ

malayali expat died due to a heart attack in abu dhabi