സ്വര്‍ണവിലയില്‍ ഇന്നും വന്‍ കുതിപ്പ്. കുറച്ചു ദിവസങ്ങളായി ദിനംപ്രതി റെക്കോര്‍ഡിടുകയാണ് സ്വര്‍ണ വില. പവന്‍ സ്വര്‍ണത്തിന്റെ വില തന്നെ ലക്ഷത്തിലേക്കെത്തുന്നതിന്റെ ലക്ഷണങ്ങളാണ് ഇപ്പോള്‍ കാണിക്കുന്നത്. ഈ ആഴ്ചയില്‍ ഒരു ദിവസം മാത്രമാണ് നേരിയതെങ്കിലും ഒരു കുറവുണ്ടായത്. ഇന്ന് 640 രൂപയാണ് 22 കാരറ്റ് സ്വര്‍ണത്തിന് ഒരു പവന് വര്‍ധിച്ചിരിക്കുന്നത്.

രാജ്യാന്തര വിപണിയില്‍ സ്വര്‍ണവില ഉയര്‍ന്നത് തന്നെയാണ് കേരളത്തിലും വില വര്‍ധിക്കാനുള്ള പ്രധാന കാരണം. ഒരു ഔണ്‍സ് സ്വര്‍ണത്തിന് വില 3586 ഡോളറാണ് ഇന്ന്. ആദ്യമാണ് ഇത്രയും ഉയര്‍ന്ന നിരക്കില്‍ സ്വര്‍ണം എത്തുന്നത്.  വില 4000 ഡോളറിലേക്ക് എത്താനുള്ള സാധ്യതയും നിരീക്ഷകര്‍ ചൂണ്ടിക്കാട്ടുന്നു. പവന് 90,000 വരെ വില ഉയരാന്‍ ഇത് ഇടയാക്കുമെന്നും നിരീക്ഷകര്‍ പറയുന്നു. ഡോളര്‍ സൂചിക ഇടിഞ്ഞുവരുന്നതാണ് സ്വര്‍ണവില ഉയരാനുള്ള മറ്റൊരു കാരണമായി ചൂണ്ടിക്കാട്ടുന്നത്.  ട്രംപിന്റെ താരിഫ് യുദ്ധമാണ് ഇതിന്റെയെല്ലാം കാരണമെന്നും നിരീക്ഷകര്‍ പറയുന്നു. 

ALSO READ: ദിർഹത്തിനെതിരെ വീണ്ടും തകർന്നടിഞ്ഞ് രൂപ; നാട്ടിലേക്ക് പണം അയക്കാൻ ആ​ഗ്രഹിക്കുന്ന പ്രവാസികൾക്കിത് ബെസ്റ്റ് ടൈം

ഇന്നത്തെ വില ഇങ്ങനെ
ഇന്ന് 22 കാരറ്റ് സ്വര്‍ണം ഒരു പവന് 79560 രൂപയാണ്. അതായത് പവന് 80000 രൂപയിലെത്താന്‍ വെറും 440 രൂപ കൂടി മതി. ഗ്രാമിന് 80 രൂപ വര്‍ധിച്ച് 9945 രൂപയാണ് ഇന്നത്തെ വില. 

ഇന്ന് 18 കാരറ്റ് ഒരു ഗ്രാമിന് 60 രൂപ വര്‍ധിച്ച് 8165 രൂപയിലെത്തി. 14 കാരറ്റ് സ്വര്‍ണം ഗ്രാമിന് 6355 രൂപയും 9 കാരറ്റ് സ്വര്‍ണം ഗ്രാമിന് 4100 രൂപയുമായി. വെള്ളിയുടെ ഗ്രാം വില 133 എന്ന നിരക്കില്‍ തുടരുകയാണ്. 

ആഭരണം വാങ്ങാന്‍ ചെലവ് കൂടും 
22 കാരറ്റ് ഒരു പവന്‍ ആഭരണം വാങ്ങുമ്പോള്‍ 86000 രൂപ വരെ ചെലവ് വന്നേക്കുമെന്ന് വ്യാപാരികള്‍ പറയുന്നു. മിനിമം ഡിസൈനില്‍ വരുന്ന ചെലവാണിത്. ഡിസൈന്‍ കൂടുതലുള്ള ആഭരണങ്ങള്‍ ആണെങ്കില്‍ പണിക്കൂലി വര്‍ധിക്കുകയും ചെലവ് വീണ്ടും ഉയരുകയും ചെയ്യും. 

വിവിധ കാരറ്റുകള്‍ക്ക് വില ഇങ്ങനെ
24 കാരറ്റ്
ഗ്രാമിന് 87 രൂപ കൂടി 10,849
പവന് 696 രൂപ കൂടി 86,792

22 കാരറ്റ്
ഗ്രാമിന് 80 രൂപ കൂടി 9,945
പവന് 640 രൂപ കൂടി 79,560

18 കാരറ്റ്
ഗ്രാമിന് 65 രൂപ കൂടി 8,137
പവന് 520 രൂപ കൂടി 65,096

gold prices in kerala continue their record-breaking rise, with the rate for 22-carat gold increasing by ₹640 per sovereign today. experts say gold may soon reach the ₹1 lakh mark per sovereign if the trend continues.