അബൂദബി: കൂടുതൽ മികച്ചതും വേഗതയേറിയതുമായ ലോജിസ്റ്റിക്സ് പ്രവർത്തനങ്ങൾ എന്ന ലക്ഷ്യത്തോടെ, വെള്ളിയാഴ്ച ഡ്രോൺ അധിഷ്ഠിത ഡെലിവറിയുടെ പരീക്ഷണ പറക്കൽ നടത്തി അബൂദബി. അൽ സംഹയിൽ നിന്ന് ഖലീഫ ഇൻഡസ്ട്രിയൽ സോണിലേക്കായിരുന്നു പരീക്ഷണപറക്കൽ. അബൂദബി മൊബിലിറ്റിയും ഏരിയൽ ലോജിസ്റ്റിക്സിൽ വൈദഗ്ദ്ധ്യമുള്ള LODD ഓട്ടോണമസും സഹകരിച്ചായിരുന്നു പരീക്ഷണപറക്കൽ നടത്തിയത്.

ഡ്രോണുകൾ ഡെലിവറി ചെലവ് കുറയ്ക്കും

ഈ വർഷം ജൂൺ മുതൽ അബൂദബി അധികൃതർ ഡ്രോൺ അധിഷ്ഠിത ഡെലിവറിയുടെ വിപുലമായ പരീക്ഷണങ്ങൾ നടത്തിവരികയാണ്. 2026 പകുതിയോടെ വാണിജ്യ പ്രവർത്തനങ്ങൾ ആരംഭിക്കാനാണ് ലക്ഷ്യമിടുന്നത്. അധികൃതർ പറയുന്നത് പ്രകാരം, പ്രവർത്തനക്ഷമമായാൽ, പരമ്പരാഗത ആപ്ലിക്കേഷനുകളുടെ "ചെലവിന്റെ ഒരു ചെറിയ ഭാഗം" കൊണ്ട് പാഴ്‌സൽ ഡെലിവറി സേവനങ്ങൾ നൽകാൻ യുഎവികൾക്ക് സാധിക്കും.

ALSO READ: പഴങ്ങളുടെയും പച്ചക്കറികളുടെയും പാക്കേജിംഗിനും ലേബലിംഗിനും പുതിയ നിയമങ്ങളുമായി സഊദി അറേബ്യ

"അബൂദബിയുടെ സ്മാർട്ട് മൊബിലിറ്റി, സുസ്ഥിര ലോജിസ്റ്റിക്സ് തുടങ്ങിയ കാഴ്ചപ്പാടുകളെ പിന്തുണയ്ക്കുന്നതാണ് ഈ സംരംഭം. ദേശീയ പ്ലാറ്റ്ഫോമിലൂടെ ഡ്രോൺ പ്രവർത്തനങ്ങൾ സാധ്യമാക്കുകയും, നൂതാനാശയങ്ങളുടെയും നൂതന അടിസ്ഥാന സൗകര്യങ്ങളുടെയും ആഗോള കേന്ദ്രമായി എമിറേറ്റിനെ വളർത്തുകയും ചെയ്യുന്നു," അബൂദബി മൊബിലിറ്റി ഒരു സോഷ്യൽ മീഡിയ പോസ്റ്റിൽ പറഞ്ഞു.

"ഗതാഗത, ലോജിസ്റ്റിക്സ് മേഖലകളിൽ നൂതനാശയങ്ങൾ സ്വീകരിക്കാനും സേവനങ്ങളുടെ ഗുണനിലവാരം ഉയർത്താൻ സാങ്കേതികവിദ്യ ഉപയോഗിക്കാനുമുള്ള അബൂദബിയുടെ പ്രതിബദ്ധയാണ് ഈ പരീക്ഷണം പ്രതിഫലിപ്പിക്കുന്നത്" എന്ന് ഇന്റഗ്രേറ്റഡ് ട്രാൻസ്പോർട്ട് സെന്ററിന്റെ ആക്ടിംഗ് ഡയറക്ടർ ജനറൽ അബ്ദുല്ല ഹമദ് അൽ ഗഫ്‌ലി വ്യക്തമാക്കി.

Abu Dhabi has successfully conducted a drone delivery trial, marking a significant step towards enhancing logistics operations in the emirate. The trial, a collaboration between Abu Dhabi Mobility and LODD Autonomous, a leader in aerial logistics, aimed to leverage drone technology for faster and more efficient delivery services. The test flight took place from Al Samha to Khalifa Industrial Zone, showcasing the potential of drone-based logistics in streamlining operations and reducing delivery times