തിരുവനന്തപുരം: ആഗോള അയ്യപ്പ സംഗമം ലോകപ്രശസ്ത വിജയമാണെന്ന് സി.പി.എം സംസ്ഥാന സെക്രട്ടറി എംവി ഗോവിന്ദന്‍. 4600 ആളുകളാണ് സംഗമത്തില്‍ പങ്കെടുത്തത്. 3,000 ആളുകളെ പങ്കെടുപ്പിക്കണമെന്നാണ് ദേവസ്വം ബോര്‍ഡ് തീരുമാനിച്ചിരുന്നതെന്നും എംവി ഗോവിന്ദന്‍ പറഞ്ഞു. സംഗമം നടന്ന സദസിലെ പുറത്തുവന്ന കാലിക്കസേരകളുടെ ചിത്രങ്ങള്‍ വേണമെങ്കില്‍ എ.ഐ ഉപയോഗിച്ച് സൃഷ്ടിച്ചതായിക്കൂടേ എന്നുമാണ് എം.വി ഗോവിന്ദന്‍ ചോദിച്ചത്. ചില മാധ്യമങ്ങളുടെ നേതൃത്വത്തില്‍ വ്യാജപ്രചാരണം നടത്തുന്നുണ്ട്. ശുദ്ധ അസംബന്ധവും കളവും നാണവും മാനവുമില്ലാതെ പ്രചരിപ്പിക്കുകയാണ് ഇവര്‍.

ഓരോ സെഷനിലും എല്ലാവരും പങ്കെടുക്കണമെന്നാണോ പറയുന്നത്. മാധ്യമങ്ങള്‍ കോണ്‍ഗ്രസിന് വേണ്ടി വാദിക്കുകയാണ്. ആളുകളെല്ലാം എല്ലാം കാണുന്നുണ്ടെന്നും ഗോവിന്ദന്‍ രൂക്ഷഭാഷയില്‍ വിമര്‍ശിച്ചു. അതേസമയം, ആഗോള അയ്യപ്പ സംഗമത്തില്‍ ശബരിമല വികസന പദ്ധതികളില്‍ നിര്‍ണായക തീരുമാനങ്ങള്‍ ഒന്നുമുണ്ടായില്ല. എന്നാല്‍ എസ്.എന്‍.ഡി.പിയെയും എന്‍.എസ്.എസിനെയും ഒരേ വേദിയില്‍ അണിനിരത്താന്‍ കഴിഞ്ഞത് സര്‍ക്കാരിന്റെ രാഷ്ട്രീയ നേട്ടമായാണ് വിലയിരുത്തപ്പെടുന്നത്.

 ALSO READ: കോട്ടയത്ത് സ്‌കൂള്‍ ഗ്രാണ്ടില്‍ കണ്ടെത്തിയ അസ്ഥികൂടം 30 വയസിനു മുകളില്‍ പ്രായമുള്ള പുരുഷന്റേത്; കാണാതായവരുടെ വിവരം തേടി പൊലിസ്

കാര്യമായ ജനപങ്കാളിത്തം മുന്നില്‍ കണ്ട് സജ്ജീകരണങ്ങള്‍ ഒരുക്കിയിരുന്നെങ്കിലും പല വേദികളിലും കസേരകളില്‍ പകുതിയോളവും ഒഴിഞ്ഞുകിടക്കുന്നത് സംഘാടകരെ നിരാശപ്പെടുത്തി. മേഖലയിലെ ചില അനാവശ്യ നിര്‍മിതികള്‍ പൊളിക്കണമെന്നതില്‍ കൂടുതല്‍ ഭേദഗതികള്‍ നേരത്തേ തയ്യാറാക്കിയ ശബരിമല മാസ്റ്റര്‍ പ്ലാനില്‍ വരുത്താനുണ്ടായില്ല. ആള്‍ക്കൂട്ട നിയന്ത്രണത്തിനായി നിര്‍മിത ബുദ്ധിയുടെ ഉപയോഗവും നിര്‍ദേശമായി മുന്നോട്ടുവെക്കപ്പെട്ടു. എല്ലാം മുന്നോട്ടുകൊണ്ടുപോകാന്‍ 18 അംഗ സമിതിയും രൂപീകരിച്ച് സംഗമം പിരിയുകയായിരുന്നു.

CPI(M) state secretary M.V. Govindan described the Global Ayyappa Summit held in Thiruvananthapuram as an internationally acclaimed success. He stated that while the Devaswom Board had planned for 3,000 participants, the event saw 4,600 attendees. Govindan dismissed the controversy over images showing empty chairs at the venue, suggesting that such photos could even have been AI-generated. He accused certain media outlets of spreading fake narratives, lacking integrity and promoting baseless propaganda in favor of the Congress party. He questioned whether every seat in every session needed to be filled to consider the event a success.