ദുബൈ: മുഹമ്മദ് ബിൻ സായിദ് യൂനിവേഴ്സിറ്റി ഓഫ് ആർട്ടിഫിഷ്യൽ ഇന്റലിജൻസ് (എം.ബി.ഇസെഡ്.യു.എ.ഐ) അതിന്റെ ആദ്യ ഓണററി ഡോക്ടറേറ്റ് നൽകി ഓപൺ എ.ഐ സി.ഇ.ഒ സാം ആൾട്ട്മാനെ ആദരിച്ചു. അബൂദബിയിലെ എം.ബി.ഇസെഡ്.യു.എ.ഐ ആസ്ഥാനത്ത് അബൂദബി കിരീടാവകാശി ശൈഖ് ഖാലിദ് ബിൻ മുഹമ്മദ് ബിൻ സായിദ് അൽ നഹ്‌യാൻ പങ്കെടുത്ത ചടങ്ങിലായിരുന്നു ആദരം.

യഥാർത്ഥ ലോക സ്വാധീനമുള്ള ഉപകരണമെന്ന നിലയിൽ എ.ഐയ്ക്ക് ആൾട്ട്മാന്റെ സംഭാവനകൾക്കുള്ള ആദര സൂചകമായിട്ടായിരുന്നു ഓണററി ഡോക്ടറേറ്റ് സമർപ്പിച്ചത്. നിർമിത ബുദ്ധിയും നവീകരണവുമായി മുന്നേറാനുള്ള യു.എ.ഇയുടെ ദർശനവുമായി ആൾട്ട്മാന്റെ യാത്ര യോജിക്കുന്നുവെന്ന് ശൈഖ് ഖാലിദ് പറഞ്ഞു.

പാചകം ചെയ്യാൻ എളുപ്പമുള്ള കുറിപ്പുകൾ മുതൽ പുസ്തക അവലോകനങ്ങൾ വരെയുള്ള നിരവധി ചോദ്യങ്ങൾക്ക് ഉത്തരം നൽകാൻ കഴിയുന്ന ജനറേറ്റിവ് ചാറ്റ്ബോട്ടായ ചാറ്റ് ജിപിടി ആരംഭിച്ചതിലൂടെയാണ് ഓപൺ എ.ഐ സ്ഥാപകൻ കൂടുതൽ അറിയപ്പെട്ടത്. ബോട്ടിന് കവിതകൾ എഴുതാനും ഗിബ്ലി, ബാർബി ബോക്സ് ട്രെൻഡ് തുടങ്ങിയ വ്യത്യസ്ത ശൈലികളിൽ ഒരു വ്യക്തിയുടെ ചിത്രങ്ങൾ സൃഷ്ടിക്കാനും കഴിയും.

അതേസമയം തന്നെ, കലാകാരന്മാരും നിരൂപകരും ചാറ്റ്ജിപിടി ഉപയോക്താക്കളും എ.ഐ ഉപയോഗത്തിന്റെ അതിരുകളെക്കുറിച്ച് ഒരേപോലെ ചർച്ച ചെയ്യുന്നുമുണ്ട്. സാങ്കേതിക വിദ്യ കലയെ ഏറ്റെടുക്കുന്നതിന്റെയോ, മാനസിക ചികിത്സകർക്ക് ബദലായി ഉപയോഗിക്കുന്നതിന്റെയോ അപകടം പോലുള്ള അനഭിലഷണീയതകൾ സംബന്ധിച്ച് വിദഗ്ധർ മുന്നറിയിപ്പ് നൽകിയിട്ടുണ്ട്.

എന്നിരുന്നാലും, ഉപയോഗിക്കാൻ സൗജന്യമായ ബോട്ട് ഗവേഷണം, ദൈനംദിന അന്വേഷണങ്ങൾ, വേഗത്തിലുള്ള ഹ്രസ്വ പ്രതികരണങ്ങൾ എന്നിവ ലഭിക്കുമ്പോൾ ശരിക്കുമൊരു സഹായകമായി മാറുന്നു.

തൊഴിലാളി സമൂഹത്തിലോ, മുതിർന്നവരിലോ, മാത്രമല്ല, കുട്ടികൾക്കിടയിലും വ്യത്യസ്ത മേഖലകളിലുടനീളമുള്ള സാങ്കേതിക തരംഗം മുതലെടുക്കാൻ യു.എ.ഇ ശ്രമിക്കുന്നു. കിന്റർ ഗാർട്ടനിലെ കുട്ടികൾക്കായി പാഠ്യ പദ്ധതിയുടെ ഭാഗമായി എ.ഐ അവതരിപ്പിച്ച ആദ്യ രാജ്യമായി യു.എ.ഇ മാറിയ സന്ദർഭവും പ്രത്യേകം ഓർക്കേണ്ടതാണെന്ന് ഇതുസംബന്ധമായ പ്രമുഖ ദേശീയ മാധ്യമ റിപ്പോർട്ടിൽ പറഞ്ഞു.

രാജ്യങ്ങൾ സാങ്കേതിക വിദ്യയ്ക്കായി ഗവേണൻസ് സ്ഥാപിക്കാൻ ശ്രമിക്കുമ്പോൾ, യു.എ.ഇ നിയമങ്ങൾ നിർമിക്കാൻ എ.ഐ ഉപയോഗിക്കുന്നു. ഈ വർഷം ആദ്യം, "യു.എ.ഇയിലെ എല്ലാ ഫെഡറൽ, പ്രാദേശിക നിയമങ്ങളെയും ഒരുമിച്ച് കൊണ്ടു വരുന്ന" റഗുലേറ്ററി ലെജിസ്ളേറ്റിവ് ഇന്റലിജൻസിനായി എമിറേറ്റ്സ് പുതിയൊരു പവേഡ് ഓഫിസ് പ്രഖ്യാപിച്ചുവെന്ന് യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂം പറഞ്ഞിരുന്നു.

Zayed University of Artificial Intelligence awards OpenAI CEO Sam Altman with first honorary doctorate