ചെന്നൈ: തമിഴ്നാട്ടിലെ എണ്ണൂർ സ്ഥിതിചെയ്യുന്ന നോർത്ത് ചെന്നൈ തെർമൽ പവർ സ്റ്റേഷനിൽ നിർമാണ പ്രവർത്തനത്തിനിടെ ദാരുണാപകടം. ഏകദേശം 30 അടി ഉയരത്തിലുള്ള നിർമാണത്തിലിരുന്ന ആർച്ച് തകർന്നുവീണ് 9 തൊഴിലാളികൾ മരിച്ചു. അഞ്ചിലധികം പേർക്ക് ഗുരുതരമായി പരുക്കേറ്റു.

ഇന്ന് (സെപ്റ്റംബർ 30) വൈകിട്ട് ആറ് മണിയോടെയാണ് അപകടമുണ്ടായത്. പവർ പ്ലാന്റിന്റെ നവീകരണ പ്രവർത്തനങ്ങളുടെ ഭാഗമായി ഉപയോഗിച്ചിരുന്ന ലോഹ ഫ്രെയിമാണ് (സ്കാഫോൾഡിങ്) തകർന്നുവീണത്. മരിച്ചവരിൽ ഭൂരിഭാഗവും ഉത്തരേന്ത്യൻ സംസ്ഥാനങ്ങളിൽ നിന്നുള്ള അതിഥി തൊഴിലാളികളാണ്. പലരുടെയും തലയ്ക്കാണ് പരുക്കേറ്റത്. അഞ്ച് പേർ സംഭവസ്ഥലത്തുവച്ചുതന്നെ മരിച്ചു. നാല് പേർ ആശുപത്രിയിലെത്തിച്ച ശേഷമാണ് മരിച്ചത്.

ALSO READ: ചാനൽ ചർച്ചയ്ക്കിടെ രാഹുൽ ഗാന്ധിക്കെതിരെ 'വധഭീഷണി' പരാമർശം: ബിജെപി വക്താവ് പ്രിന്റു മഹാദേവ് പൊലിസിൽ കീഴടങ്ങി

പരുക്കേറ്റവരെ സമീപത്തെ സ്റ്റാൻലി ഗവൺമെന്റ് ഹോസ്പിറ്റലിലേക്ക് പ്രവേശിപ്പിച്ചു. തമിഴ്നാട് ഇലക്ട്രിസിറ്റി ബോർഡ് സെക്രട്ടറിയും ടാംഗെഡ്കോ ചെയർമാനുമായ ഡോ. ജെ. രാധാകൃഷ്ണൻ പരുക്കേറ്റവരെ സന്ദർശിച്ച് ആശുപത്രിയിലെത്തി. അപകടത്തിന്റെ കാരണം കണ്ടെത്താൻ അന്വേഷണം ആരംഭിച്ചു. രക്ഷാപ്രവർത്തനങ്ങൾ പുരോ​ഗമിക്കുന്നു.

A tragic accident at the North Chennai Thermal Power Station in Ennore, Tamil Nadu, claimed the lives of 9 workers when a 30-foot-high metal scaffold collapsed during renovation work. Five others sustained serious injuries and were rushed to Stanley Government Hospital. The incident occurred around 6 PM on September 30, 2025, and an investigation is underway to determine the cause.