കോഴിക്കോട്: കോഴിക്കോട്-തിരുവമ്പാടി റൂട്ടിൽ സർവീസ് നടത്തുന്ന സ്വകാര്യ ബസ് ഡ്രൈവറിൽ നിന്ന് കഞ്ചാവ് പിടികൂടി. ചൈത്രം ബസ് ഡ്രൈവർ ഷമിൽ ലാലാണ് പൊലിസിന്റെ പിടിയിലായത്. യാത്രക്കാരിയായ ഒരു സ്ത്രീ പൊലിസിന് നൽകിയ വിവരത്തെ തുടർന്ന് കുന്ദമംഗലത്ത് വെച്ച് നടത്തിയ പരിശോധനയിലാണ് പ്രതിയിൽ നിന്ന് ഏകദേശം 2 ഗ്രാം കഞ്ചാവ് കണ്ടെടുത്തത്.

ALSO READ: നാളെ നടത്താനിരുന്ന ഭാരത് ബന്ദ് മാറ്റിവെച്ചു: വഖഫ് നിയമ ഭേദഗതിയുമായി ബന്ധപ്പെട്ട പ്രതിഷേധങ്ങൾ തുടരുമെന്ന് ഓൾ ഇന്ത്യ മുസ്‌ലിം വ്യക്തിനിയമ ബോർഡ്

ബസിൽ യാത്ര ചെയ്തിരുന്ന സ്ത്രീ സ്റ്റോപ്പിലിറങ്ങിയ ശേഷം ഡ്രൈവർ ലഹരി ഉപയോഗിച്ചിട്ടുണ്ടെന്ന് സംശയം തോന്നിയതിനെ തുടർന്ന് പൊലിസിനെ വിവരം അറിയിക്കുകയായിരുന്നു. തുടർന്ന് കുന്ദമംഗലം പൊലിസ് സബ് ഇൻസ്‌പെക്ടർ നിധിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. എൻഡിപിഎസ് ആക്ട് പ്രകാരം കേസ് രജിസ്റ്റർ ചെയ്തു.

ALSO READ: Thank you Reshmi from Kerala: ​ഗസ്സയിൽ നിന്ന് പലായനം ചെയ്യുന്ന കുടുംബങ്ങൾക്ക് മലയാളി യുവതിയുടെ നേതൃത്വത്തിൽ കുടിവെള്ള വിതരണം; നന്ദി പറഞ്ഞ് ഗസ്സ നിവാസികൾ

ഈ റൂട്ടിൽ സർവീസ് നടത്തുന്ന ചില ബസ് ഡ്രൈവർമാർ ലഹരി ഉപയോഗിച്ച് അപകടകരമായ രീതിയിൽ വാഹനം ഓടിക്കുന്നതായി നേരത്തെ തന്നെ നാട്ടുകാർ പരാതി ഉയർത്തിയിരുന്നു. ഇത്തരം സംഭവങ്ങൾ യാത്രക്കാർക്കിടയിൽ ആശങ്ക ഉയർത്തുന്നതായി പൊലിസും അറിയിച്ചു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു. പൊലിസ് അന്വേഷണം തുടരുന്നു.

A private bus driver on the Kozhikode-Thiruvambady route was arrested in Kundamangalam after a female passenger tipped off police about his suspected drug use. Authorities seized about 2 grams of cannabis from Shamil Lal, driver of the Chaitram bus, and registered a case under the NDPS Act. Local residents had previously complained about reckless driving by some drivers on this route due to substance abuse.