ചെന്നൈ: കരൂരില്‍ സംഭവിച്ചത് മനുഷ്യനിര്‍മിത ദുരന്തമെന്ന് മദ്രാസ് ഹൈക്കോടതി. സംഭവത്തില്‍ കോടതിയ്ക്ക് കണ്ണടക്കാനാവില്ലെന്നും ആരും നിയമത്തിന് അതീതരല്ലെന്നും കോടതി വ്യക്തമാക്കി. കരൂര്‍ ദുരന്തത്തില്‍ നടനും ടി.വി.കെ നേതാവുമായ വിജയ്‌ക്കെതിരെ കേസെടുക്കണമെന്ന ഹരജിയിലാണ് കോടതി രൂക്ഷവിമര്‍ശനമുന്നയിച്ചത്. അതേസമയം,  കരൂര്‍ ദുരന്തം അന്വേഷിക്കാന്‍ ഹൈക്കോടതി പ്രത്യേക അന്വേഷണ സംഘത്തെ നിയോഗിച്ചു. നോര്‍ത്ത് സോണ്‍ ഐ.ജിക്കായിരിക്കും അന്വേഷണത്തിന്റെ ചുമതല. 

' എന്ത് പാര്‍ട്ടിയാണിത്, സ്ത്രീകളും കുട്ടികളുമടക്കം രിച്ചിട്ടും നേതാവ് സ്ഥലം വിട്ടെന്നും അണികളെ ഉപേക്ഷിച്ചയാള്‍ക്ക് നേതൃഗുണമില്ലെന്നും കോടതി വിമര്‍ശിച്ചു.

ALSO READ: 'സി.എം സാര്‍, തന്നെ എന്തും ചെയ്‌തോളൂ, പ്രവര്‍ത്തകരെ വെറുതേ വിട്ടേക്കൂ'; എല്ലാ സത്യങ്ങളും പുറത്തുവരും: മൗനം വെടിഞ്ഞ് വിജയ്

അതേസമയം, കരൂര്‍ ദുരന്തത്തില്‍ സി.ബി.ഐ അന്വേഷണം ആവശ്യപ്പെട്ടുള്ള ഹരജികള്‍ കോടതി തള്ളി. നിലവില്‍ കരൂര്‍ പൊലിസിന്റെ അന്വേഷണം പ്രാരംഭദിശയിലാണ്. സി.ബി.ഐ അന്വേഷണം ആവശ്യമില്ലെന്നും കോടതി പറഞ്ഞു. 

ഭാവിയില്‍ റാലികള്‍ സംഘടിപ്പിക്കുമ്പോള്‍ പങ്കെടുക്കാനെത്തുന്നവര്‍ക്ക് കുടിവെള്ളവും ശുചിമുറിസൗകര്യവും വാഹനങ്ങള്‍ പാര്‍ക്ക് ചെയ്യാനുള്ള സൗകര്യവും ഉറപ്പാക്കണമെന്നും പാര്‍ട്ടികള്‍ക്ക് കോടതി നിര്‍ദ്ദേശം നല്‍കി. റാലികള്‍ സംഘടിപ്പിക്കുന്നതുമായി ബന്ധപ്പെട്ട മാര്‍ഗനിര്‍ദ്ദേശങ്ങള്‍ രൂപീകരിക്കുന്നത് വരെ ഒരു യോഗത്തിനും ഇനി അനുമതി നല്‍കില്ലെന്നും തമിഴ്‌നാട് സര്‍ക്കാര്‍ ഹൈക്കോടതി അറിയിച്ചു.

ALSO READ: ഉമര്‍ ഖാലിദിനേയും ഷര്‍ജീല്‍ ഇമാമിനേയും രാവണനാക്കി ചിത്രീകരിച്ചു; ജെ.എന്‍.യുവില്‍ സംഘര്‍ഷം

കരൂര്‍ ദുരന്തത്തില്‍ വിജയ്‌ക്കെതിരെ കേസെടുക്കാതിരിക്കുന്നത് മുഖ്യമന്ത്രി സ്റ്റാലിന്റെ നിര്‍ദ്ദേശപ്രകാരമാണെന്ന വിവരമാണ് കഴിഞ്ഞദിവസം പുറത്തുവന്നത്. സ്റ്റാലിന്‍ മയപ്പെടുത്തിയതോടെ വിജയ് ആദ്യം തയ്യാറാക്കി വെച്ച വീഡിയോ പുറത്തുവിട്ടില്ലെന്ന് വിവരവും കഴിഞ്ഞ ദിവസമാണ് പുറത്തുവന്നത്. കരൂര്‍ അപകടം അട്ടിമറിയെന്ന് വിശ്വസിക്കുന്ന  വിജയും ടിവികെ നേതാക്കളും ഡിഎംകെയെ കടന്നാക്രമിക്കുന്ന വീഡിയോയാണ് ആദ്യം തയ്യാറാക്കിയിരുന്നത്. എന്നാല്‍ സര്‍ക്കാരിന്റെ മൃദുസമീപനം ആരെയും പഴിക്കാതെ സ്റ്റാലിന്‍ പുറത്തിറക്കിയ വീഡിയോയിലും ടിവികെ ആശയക്കുഴപ്പത്തില്‍ ആവുകയായിരുന്നു. 

ഇതിനിടെയാണ് വിജയ്‌ക്കെതിരെ കേസെടുക്കണമെന്ന് ആവശ്യപ്പെട്ടുകൊണ്ട് മദ്രാസ് ഹൈക്കോടതിയില്‍ ഹരജി വന്നത്. കേസില്‍ വിജയ്യെ പ്രതിയാക്കാത്തത് ദുരന്തത്തില്‍ ജീവന്‍ നഷ്ടമായ 46 ആളുകളോടും ചെയ്യുന്ന അനീതിയാകുമെന്ന് ചൂണ്ടിക്കാട്ടിക്കൊണ്ട് ചെന്നൈ സ്വദേശിയായ പിഎച്ച് ദിനേശ് ആണ് മദ്രാസ് ഹൈക്കോടതിയില്‍ ഹരജി സമര്‍പ്പിച്ചത്. 12 മണിക്ക് വരുമെന്ന് തെറ്റിദ്ധരിപ്പിച്ച വിജയ് ആണ് ദുരന്തത്തിന് കാരണമെന്നും ടിവികെ പ്രസിഡണ്ടിനെ ഒഴിവാക്കിയത് രാഷ്ട്രീയ പ്രേരിതമായ കാരണങ്ങള്‍ക്ക് പിന്നാലെ ആണെന്നും ഹരജിയില്‍ ആരോപിക്കപ്പെടുന്നുണ്ട്.

English Summary:The Madras High Court has tsrongly criticized the recent Karur tragedy, calling it a manmade disaster. Hearing a petition demanding legal action against actor and TVK leader Vijay over the incident, the court stated that it cannot turn a blind eye and that no one is above the law.